終於到左最後一堂PG…….

其實真係好唔捨得….. 咁就8堂….. 如果要我寫一篇”課後感”學過O的咩…..
可能真係寫唔出…  要話實實在在學左乜野, 真係好難答…

但至少, 識到一班媽咪同埋bb, 又認識到dr poon, .
平時生活遇到咩湊B問題都有人答到我, 俾下意見, 真係好難得…

希望有機會, 可以再遇DR POON啦!!!!

坊間好興既”捐隧道”遊戲….. 不過今次條”隧道”原始o的… 但感覺良好~~~
不過現場見真係唔係好多BB肯捐過去…..
靖天初時都唔多願意, 搞左陣已經捐來捐去, 好搞笑…….

呢個活動真係要認真教教靖天… 事關心肝每每都會一巴打埋人地度…
如果心肝真係學曉左識堂”用力”同朋友仔SAY HI, 佢會更可愛…. KEKEKEKE

最後一個遊戲係”欣賞別人”… 每個BB都要表現啊, 其他BB就要做觀眾
心肝當然唔知我地搞什麼… 不過”學懂欣賞”, 著實真係我好希望心肝
會學識既一個重要課題……

DR POON話又要我地再表現唱歌…. 多口的我, 話唱”國歌”, 俾DR POON聽到..

不過靖天都ok投入啦~~~

落堂前, DR POON 俾左每個BB一張証書過我地, 哈哈~~

呢張就係心肝人生第一張畢業証書喇….

(140)

Comments

comments