湊女隨筆之 1：謝絕bb話
輯錄自…朋友的朋友….是一位超級媽媽… 之前大住肚已經有素聞呢位媽媽既”事跡”…
平日總有很多同事或朋友走過來問我帶兩個女兒的心得，小妹並不是專家權威，只是時常看書與不時和老公大人討論
在『卡爾維特的教育』一書中指出『bb話』是阻礙兒童學
在實行『嚴禁bb話』的時候，我和老公大人遇上不少困難
所以謝絕BB話這一事由BB剛出生時就要做，到一歲其實
P.S. EQ (33 MONTHS) 現在可以說故事，陳述事件非常傳神，會問：做咩事巴士會在馬路上行呢？(好難答喎，阿女！)姨姨你屋企有無馬路呀？(點解可以想像到屋企有馬路呢？
******************************************
其實呢一樣野除左友人同我分享過, 令一位我覺得好潮既媽咪 (係helen你呀… 不過我知你未必睇到… xdxdxd) 都同我講過, bb還bb, 但唔應該有bb話…
就係咁, 過去10個月黎無時無刻都提住自己, 同自己講: 唔好同心肝講bb話, 我要當佢係一個人, 我要佢明白我地大人世界既說話…..
做到幾耐? 70%? 80%? 90%?…. 咁上下吧~~~ 
但係靖天婆婆呢? 靖天嫲嫲呢? 靖天公公呢? 靖天爺爺呢? 靖天傻姨呢? ….. 每一句都係bb話…… 
傻姨見到靖天會叫佢”吉吉”….. (完全唔知點解~~~)
靖天婆婆見到心肝會話”奶奶”, “痾shushu”,
靖天公公見到心肝會話” un古咕….”…..
我? 最記得自己會話: “食奶奶好無?”…. “係咪痾左大大”……. (真係好唔想講個”屎”字…) 
唔知點解, 講到呢度, 好想喊……. 可能呢幾日因為靖天飲食既問題令我好大壓力…. 靖天婆婆同公公話我多餘, 好帶心肝睇e生…. 爸b話佢唔食就唔好食…. 网上打出俾靖天吃零食換來不少批評….
今日靖天已經十個月大…. 仲有2個月就一歲, 對於佢1歲可唔可以行, 無可否認我真係抱有極大既期望, 但好明顯, 依家係期望越大, 失望越大….. 靖天再無意欲學行同時, 好多野該識既佢都仲未識….
眼看身邊既bb 已經識好多野, 食好多唔同種類既野, 好乖巧好醒目… 望望靖天? 佢除左識喊, 扭計, 要我抱, 搶玩具, 飲汽水, 食薯片, 佢仲識咩? 其實….我係咪唔應該生bb?! 做唔到一個稱職媽媽同時, 好似o係度害緊佢……… 一直提倡”K型教學”既我, 好似又再一次俾事實打擊住….. 或者, 做返一個”正常”媽咪, 唔準佢食零食, 要佢睇disney dvd, 唔俾佢睇電視, 每晚十點上床訓覺, 對靖天先係最好吧?!
(2008年11月6日, 下午)
(387)
我只會叫老公唔好同個女講唔知乜嘢o既話，好似同個女講 ar coo chi 嚟逗佢，呢 d 唔係一個有意思o既說話真係無必要講，我都認同應該同 bb 講正常話，不過响我意識裡面 bb 正常話係會包括少許疊字，我覺得 ok，唔係咁大問題，最緊要佢明，大過咗一樣可以好似嗰位 super 媽咪咁同個小朋友講話 bb 先用疊字，係咪真係嘥咗 d memory 都係 d ‘專家’ 估啫，有邊個真係知道 bb 諗乜喎，不過就自己搵到邊套覺得比較合理咪用囉！
唔好話自己 k 型啦！不過湊 bb 情緒低落就每一個媽媽都會有機會經歷過，呻吓就放鬆啦，靖天先得 10個月，仲有好多路要同佢一齊走o架！^^
係呀, 無意思既bb話我都成日提住自己少講…. 疊字就真係……好難戒, …. (我平時都成日用叠字….xdxdxd)
多謝你鼓勵呀, angie~~~
o下, o係我呢行o既角度, 又唔會話嚴禁 BB 話喎
一o黎 BB 講疊字係好正常o既 STAGE, 點解我o地會同 BB 講 BB 話? 因為BB 初學講o野, 有機會聽疊字「波波」係比聽一個字「波」多o左一次 input, 更容易掌握聲音同物件的 association
點解小朋友 1st 係 d 爸爸, 媽媽, 婆婆?
咪就係因為佢o地係疊字兼合唇音, 小朋友講疊字, 其實係佢自己講說話的一種 practice 添, 例如講「屋企」兩個咁唔同o既音對佢o地o黎講根本好難, d 口肌都未發展成熟到可以咁做, 所以講「屋屋」呢 d 疊字係一個過渡o既階段
我覺得一兩歲小朋友講疊字好正常的, 通常我o地最多叫家長過兩三歲就唔好再講
上面的例子講開「Wou Wou」, 老實講係個家長唔一早教佢講「狗狗」, 無啦啦用o左第二個唔係 formal language 的字去教小朋友o者, 咁樣 shift 對有d 小朋友的確係有 d 困難, 不過另一睇法, Wou Wou 對小朋友易講好多, 「狗」字有 d 小朋友去到三四歲先發得正個音, 呢 d 都係好少數例字, 我教過咁多小朋友, 要佢慢慢 shift 返都始終會 ok 的, 冇必要因為呢 d 小事而咁反對 BB 話呀~
做咩會咁諗呢 ?? 做咩會咁失落 ??
bb話 ？？ Chester 都有講架 … 咁細細個講唔到兩個唔同既字麻 ….
只要係佢講得到既時侯唔好再同佢講 BB 話 , oｋ啦 !!!
行路就好睇個人既 … 有 d 人夠話早行唔好啦 , 會矮 d 喎 … 夠唔係啦 !!!
講野梗加唔駛擔心 .. 聰兒都係剛剛先開始講野 . 就無停羅 …. 之前佢都唔多講野架 .. 一句起兩句止呢 !! 一到開始講 , 你想佢收都幾難架 !!
dont’ Worry 呀 !!!
never give up !!
你話你K型, 但你唔晒K, K得唔徹底wor…
我冇咁多研究, 亦都冇咁多分析, 太多學術上研究上咩xx報告你信得幾多, 跟得幾多幾貼?
bb話我唔覺得有問題, 咁細個我同佢溝通到就得啦, 至於點教返佢地正字, 我覺得假以時日一定冇問題wor, bb既野係要不停簡單地重復個字眼, 如果一句句字咁同佢地講, 佢地咪仲難明?
至於你期望咁大, 我明你好緊張靖天, 但有d野…適當既時候就會識, 唔洗緊張亦都冇得去比, 好似byebye say hello 拍手, 哲哲一樣都唔識, 不過我唔太緊張, 佢遲早都會識, 一個月未識, 我咪等兩個月, 緊有日會識既…
唔好太擔心啦, 實有遲有早, 你要享受慢慢等果個樂趣嘛…
你又0黎啦?? 唔好亂諗啦,叫我唔好比較,你自己又係困0係個框框度
唔使咁擔心喎….
bb話..我覺得講呢…係無特別大好處….
但亦都唔係好似o個位阿太講得咁誇張…
要用咗bb o既memory…阻礙學習進度..
你要知道…人一生最多用到腦o既20%左右…
其實個腦可以裝到o既野非常非常多…
係唔會因為你一兩句bb話而”嚴重”阻礙學習進度
如果你唔相信o既…問吓大師兄啦…
人o地大學時係讀人腦o既….相信應該會有一個prof o的o既解說….
至於靖天而家學習進度比其他小朋友慢o既問題..
我覺得你又唔使太擔心o既…
只要佢身體同腦部發育正常…學識行路….食多種類o既野都係遲早o既事…
我覺得小朋友…有o的事情唔需要太心急….
我讀小學時俾人話我漏口添啦(因為我父母講廣東話都唔係太正…所以我學到俾人話我漏口)
o的咁基本o既野根本就唔需要擔心靖天唔會學得識,
就算靖天真係兩歲先識行路..又如何?
到個個小朋友都三歲時…大家咪又一樣….咁高咁大..
到佢二十歲時…..會唔會仲有人拎出唻講呢….
再講….我係小朋友我都唔想識行路啦…咁辛苦…
有人抱不知幾開心…
有時學習速度係同性格好大關係…
是不為也…非不能也…
對於我唻講….一定要從小就教o既係價值觀….做人處事o既態度….性格o既野….三歲定八十…..
我覺得太誇張
我地咪又係咁樣大, bb話有乜問題
咁細個牙尖咀利有乜好處
零食呢,就真係食少d好,偶爾小小ok啦.
或者你可以試下改餵一d有益的零食, 例如bb芝士
學行呢樣野, 慢慢黎啦!
原本我都好期待米b一歲會識行
不過而家睇個勢都唔得架啦~
講野就更差, 除咗爸爸媽媽之外都未聽過第三句
但又如何呢?
現在我真心的覺得健康是最重要的
同埋, 最緊要係唔好比咁大壓力比自己囉~
終會有迷惘的時候~
好難想像點解師姐你咁outstanding, 竟然會有人咁話過你?!
佢地係咪盲?!
~~~共勉之~~~
所以有時…. 真係令我好confused;
:(
其實bb話係好可愛~~~
望下聰兒就知啦………. :)
我本身都係心急之人麻, 哈哈