屯門Playgroup – Baby Buddies [試堂記]
原來一個人帶位靖天上堂, 係可以咁攰…. 
因為係閒日既下午, 爸b要返工陪唔到我地, 唯有自己帶住靖天啦..
無訓晏覺既靖天, 係開頭有少少心情, 之後就…
不過都捱到2個鐘… 已經好叻喇….
呢一班係for 1歲以下既bb, 加埋好似有14個bb…. 得一位外籍老師CLARE..
佢搞唔搞得掂, 著實都有少少conern~~~~
不過呢個playgroup真係一個play-group…
老師都唔會特登去”教”o的乜野… 所以呢…
不過成堂既流程都真係好smooth… 好明顯老師都做慣做熟…
$600蚊4堂, 全英文, 仲見到真係有好幾位係mix或者係外國bb…
咁等靖天”見識”多o的, 都唔係壞事…
去到首30分鐘係free play time…. 等o的bb warm-up下~~~
雖然”班房”唔算大, 但都真係好多玩具….
靖天玩呢個”廚房”認真搞笑, 又踎低, 又起身咁…唔知佢想點…..
playtime後, 唱左welcome歌, 講完故仔, 就係茶點時間….
靖天果然係一個超為食既bb… (除左自己o的奶同埋粥唔為食…..)
外國人bb真係好唔同…. 可以話脫就脫….. 就係為左玩….粉絲….
仲有畫畫時間……心肝都有份參與架, 但無人幫我地影相, 所以…. 唯有影人地~~
玩完畫畫, 不如又玩下通粉……
最後係music time…… 靖天完全唔知發生咩事….
俾人搶完玩具一面無奈… 想去搶人又唔夠人搶….
個course 好似月費咁, 600蚊一個月, 4堂, 不過無得補堂..
12月已經返少一堂, 1月又係…爸b話好蝕, 其實我都覺…
咁…..點算好?! 
(1426)
下? 做咩個bb唔著衫玩粉絲??
靖天都企得好穩, 同埋佢識自己食茶點, 比哲哲只會反碗
靖天比人搶玩具都唔嬲, 好有大將之風呀
個pg都好似好多野玩咁, 一堂可以玩到咁多野既?
….咁都得, 我以為佢想個bb用身體去感受濕濕既感覺tim
靖天擺明為食啦~~
幾啦, r下頭果下都幾好笑, 但又冇咩野咁樣
係呀 … 我都試過一個月上得2 堂.. 本來3 堂, 因為打風少左堂 .. but 無辦法啦 !!
一個月得2堂…… 就好甘喇… :(
哈哈 !! 無錯呀 .. 導師係唔會特別埋黎教小朋友做什麼. 主要係要小朋友自己發揮 , 最重要係聆聽 , 所以要忍耐羅 … 同之前講既一樣 … 要挨到個過度期先有野出黎 !!!
每星期每堂都是這樣的流程 , 好似自己顧自己咁架 … 導師只有觀察小朋友 , 有時才會個別跟小朋友一路玩一路傾下計咁.
Chester 之前都係架 … 11 月 join group , 我都覺得蝕 . 但 …. 無法啦 !!
靖天比人搶左個沙槌之後抓頭個樣, 好搞笑呀~~~~
好攪笑呀
!!!靖天俾人搶左玩具後R頭樣好似好無奈咁但好CUTE呢
我O係BK 見到有O的媽咪話有幾個月份得2堂, 依家十五十六中;
我睇返都覺得佢好搞笑, KEKEKEKEK
哈哈, 係喎, 傻傻地
因為o的粉絲濕立立, 怕整濕衣服卦;
靖天見到餅就發癲啦 點會唔識…..xd
你唔覺得佢俾人搶左玩具好無奈咩? 哈哈;
咁故之然啦……
o的外國人真係好勁.. 話除就除….. 有時不得不佩服佢地教bb既技巧….