嘔吐後的靖天
上個星期, 心肝嘔左鑊杰撻撻過我艱…..
事緣心肝十點幾起身後, 就餵佢食糊仔啦, 跟住玩左陣佢就例牌訓晏覺…..
點知訓左大半個鐘, 聽到佢醒左… 入房一望… 嚇死我喇~ 
心肝唔知點解嘔到眼、耳、口、鼻、 膊頭、 衫, 成張床都係糊仔…..
即刻9秒9抱起佢….. 同佢除左O的衫, 用毛巾包住佢….
跟住處理左床上既嘔吐物……
就即刻幫心肝開水沖涼…. 沖完涼…. 心肝就好似成個人謝左咁…. 
因為張床俾心肝整污髒左…. 唯有訓住廳先….
心肝: 媽咪, 點解嘔完個人好似好攰咁既….. 
心肝換上新買既夾衣, 好似件睡衣咁…. 成個小病人….. (啋啋啋~~~)
心肝: 點解我會o係度既? 媽咪做咩唔抱返我入房既?!
抖左陣, 心肝又訓返… 一訓就3點幾, 起身食左7安奶… 隔左一陣又訓….
真係好唔尋常, 佢玩都無玩過, 一味o係度轉下轉下…..
到黃昏心肝食左4安半奶就唔要……
去到9點幾….. 佢又訓…..
嘔左一嘔, 唔通真係咁消耗體力?! 
(96)
嘔完真係會無咩氣力架 .. 但 .. 就可能嘔左d 污糟野 .. 靖天好快好番架啦 !!
係嘔完…… 先痾成咁;
真陰功豬呀~
今日靖天點呀? 希望佢快d好番啦!
真係病咗好耐啦!
瞓下係叉電既一種…
叉足電就會無晒事好番晒架啦…
祝靖天快d好番, 繼續精精靈靈 !!!
謝謝謙媽呀
好左3日….. 又黎過, 唉;