靖天．媽咪．婆婆閒遊東門
上星期同靖天婆婆飲茶…. 心血來潮好想走一轉….於是乎…..
其實想走一轉已經好耐, 事關天氣凍左, 某日上班嚇然發現自己大肚時掉曬o的冬天衫…. 包括大褸…. (唔知係咪諗住著唔返…….) 
結果o個日就成條雪條咁凍住返公司…. 又凍住返屋企….
本來見”左丹丹”做on sale可以執返幾件, 點知佢半價還半價, o的衫就貴左一個double, 普通一條線衫都賣…. 280蚊~~~!!!! 
仲要係折實左…… 雖然我貌似水魚, 但都唔想俾人劏到一頸血…… 蚊蚊皆辛苦耶!!!! 
以前都慣性有東門入貨既習慣, 只係有左心肝, 唔方便, 生完又…. 更加唔方便., 所以呢…. 9月去完攞燈就無再上去……
終於…..忍無可忍, 都係要走一轉….. 
老公唔陪, 好彩我仲有媽咪…….
飲完茶其實已經2點, 然後婆婆極速返屋企餵奶俾心肝, 我就返屋企搵証件…. 住得近真好… 
上到東門已經4點……. 以為星期一無咩人…. 都人山人海…..又話市道唔好既~~ 
一貫作風, 見o岩就買, 落親價都唔會多過40蚊….. 唔肯? 咁byeybye囉…. 婆婆仲讚我殺價叻左喎….. 
梗係…. 等佢仲以為我係以前o個個死要人陪既死o靚妹…..
o的衫靚唔靚就見人見智, 最緊要係著一季唔要掉左佢就唔肉赤…..
可惜, 買買下, 就唔記得左睇褸….. 
mission failed~~~~
埋單買左….
豹紋褸一件,
背心一件, 
, 優閒褲2條 (人地國內叫優閒褲, 型!!),
毛毛背心一件, 花紋恤衫一件, 樽頸冷衫2件 (25蚊一件, quality仲要同左丹丹差無幾…真係抵到爛…..) 戲肉係…. 長boot一對,
承惠100個大洋…….!!!!!!! 終於俾我買到平boot… 細妹之後見到都話抵, 咁就抵架喇….
全日消費…. 300蚊唔洗…… 正所謂….. 著一次唔要都唔肉赤麻…..
之後仲去左鼎太豐食飯….. 媽咪請…. 呵呵!!! 飽曬…….
返到屋企都係9點零鐘… 時間剛剛沖埋涼剛剛做”珠光寶氣”~~~ 
無得頂呀! 
(157)
想問吓你行東門邊個商場架?我好耐冇去心cc想去吓,有乜推介?
同埋係咪吾埋佢開幾$都還價$40呀?通常如果佢話$100咁你還幾多呀?
我d問題好白痴吾好笑我kaka……….
thanks
等我今日去血拼吓先hehe…………
我做女時都好鍾意上大陸吃喝玩樂嫁….兩年冇上深圳la,有d身痕tim
…我都已經幫jason申請左回鄉証遲d一定要上去hea下
真係好耐佺上去消費啦 .. 只因 … 聰兒無回鄉証 .. 哈哈
咁快o的整返張呢
嘩~ 你尼一日既行程確係 good 喎!!
上次北上我都勁試 boots, 不過無功而回….試咗好多對都唔啱….
呵呵, 真係要hea一hea喇;
點解唔o岩呀?
係呀, 閒日上去真係爽好多
商場叫咩名真係無留意…. 就係麥當勞隔離o個個… 應該最多野行…. 係佢~~~~
其實佢好多衫都好靚, 所以呢……. 價o岩都係推介, xdxdxdxd;
哈哈…… 都係睇件衫值唔值…. even佢話200蚊, 我覺得佢值40蚊我都會還40蚊… 人仔又”貴”, 個價唔還低o的, 我點為本…. 呵呵!! 8-90蚊買件衫就唔洗上去呢, 係咪咁講~
唔白痴呢….. 上多幾次就會有經驗架, 呵呵;
哈哈, 不用客氣
記得唱夠錢喎, xd