驚驚~~驚驚~~
11個半月, 靖天學識左, 咩叫"驚驚"…….
呢度, 要多謝兩隻狗…. 
其實"驚驚", 一直都無好認真咁教靖天, 如果係太危險既環境, 我地都會俾佢掂下, 嚇下佢, 然後只係講聲"驚"……. 所以靖天大約都知咩叫"驚",…..
話說星期六入左西貢同太婆婆做冬, 行緊入去突然有兩隻大狗"朴"左出黎吠靖天….. 心肝當堂嚇到縮一縮… 最衰都係媽咪呢….. 太耐入去太婆度, 唔記得左o個個位會有兩隻大狗… 
返到太婆屋企, 靖天就係咁拍自己個心口, 由一隻手, 跟住兩隻手都一齊拍….. 我地問佢係咪好驚, 佢又話"驚"……"驚"….. 只可惜, 無錄低……
點知唔知係咪嚇一嚇開左曉…… 當晚見到乜野都拍心口, 仲話"驚", "驚"…… 勁搞笑…
終於第2日, 我地錄到靖天點樣叫"驚""驚"….. 又真係幾可愛…. 咁細個就識點樣"驚驚"… 不過心肝, 點解媽咪教你"俾"……… 教左你咁多個月, 你都唔識既?! 
=================================
其實真係好意外, 友人問我點教佢…. 我都唔識答, 因為我根本就無教過…. 
心肝越大, 越開始唔想"理"佢….. 既然佢有佢一套, 我係咪應該俾佢自由發展?! 差不多都一年了, 我仍然每天每秒每刻在想: 我應該點教我既女兒, 先係最好?! 
(206)
叻呀!!!識講驚~
不過ANSON有排都唔會講~佢無野驚既~
哈哈
但靖天乜都叫驚就巧巧笑……
哈哈….. 係咪真架?
靖天叫”驚驚”, 零捨叫得可愛….
嘩！大個左好多呀！！！
不過呢，如果小朋友見乜都話驚驚，可能係受左驚驚之後，身邊既人比既關懷影響左。
佢既表達可能係想要人關懷而講驚驚，而並非真正受驚嚇。
當然啦，父母指導佢正確表達訊息就唔會有太大問題。我相信靖天會健康快樂成長呢！
好叻呀!!!靖天學野好快手呢….佢講驚驚仲好cute
謝謝分享~~~
我都覺, 識講”驚驚”, 好似已經唔再係bb了……