資優靖天 VS 無用靖天
其實… 究竟我想要一個怎麼樣的女兒?! 
唔經唔覺, 心肝都已經足一歲….
識左o的身邊親戚朋友覺得佢好叻, 但其實係正常表現既野.. 例如行路…
但佢唔識既, 就多到…. 十個籮都裝唔曬…
最深刻係有bb 11個月識Where is Nose, Where is Eyes…
天才兒童……..!!!!!!!!!! 
靖天就連廣東話, 都未聽得明…. 
當然, 自己心中有數, 事關我從來都無講過什麼是Eyes, 什麼是Nose…連A For Apple, B For Boy 呢o的簡單生字, 我都好少講…. (我愛祖國~~!!!! 
)
咁…. 靖天又點會識?!
又例如見過有個bb, 14個月大, 就識疊積木…. 分顏色…. 頭頭是道… 靖天? 佢唔食到舊積木濕曬我都偷笑~~~ 
顏色? 我估佢知佢鍾意紅色囉… 但佢唔知o個隻係”紅色”噃….
然後, 又會反思, 點解依家o的bb真係叻成咁……. 難道隻beantalk唔夠勁, 食到靖天蠢蠢地?!
當然, 自己付出左幾多, 心中有數呢….
縱使平時得閒, 都只會同心肝左玩玩, 右玩玩…. 極其量都係唱下ABC… 訓練? no way~~~ 
咁….. 又點怪得自己女兒唔夠人做得好呢…..
不過, 靖天唔識天才bb既野, 我仍然係覺得佢好醒喎..
事關, 佢會識o的好搞笑既野… 例如”驚驚”…. 
….. “翁鼻”….. “反捲條脷”…. “親親相中既bb”…. “邊唱邊跳舞”…. ….. ….. …..
我諗, 呢o的歡笑…. 都係四百萬既小小回報吧?!
(138)
傻啦, 唔好比較, 靖天會自自然然咁成長架啦!
健康快樂便是福! 你地有哂兩樣好幸福呢…
我阿b而家一歲都未識行,又唔識講爸爸媽媽,係咁講bb話,又成日大叫,又惡….一唔鍾意就大嗌….><
我都無晒計……..有時人地見到阿b就會問,點解未識行?點解唔識講嘢?我一聽完個心會”嗱住嗱住”好唔開心……
講得岩…
我唔係希望個仔將來飛黃騰達,
只求佢健康快樂, 有餐安樂茶飯!!
我咁睇, 我媽話我細個好叻, 一歲識行識講野又識玩積木, 但我依家…豬咁蠢, 所以細個冇咁快咁叻唔緊要, 大個唔好似我咁豬就得啦
靖天有你同benny既優良基因, 豬得去邊先得ga?
謝謝!!!
你好豬麼? feel唔到喎……….
靖天好似得返o的衰既基因咋喎
有時, 都想睇下, 靖天有咩我可以教佢多o的麻