靖天的一歲生日會 [家庭篇]
靖天生日… 似乎有完沒完…. 
旅行返黎既第2日, 就係靖天既正日生日…..
一年前發生既事, 仍然歷歷在目… 話咁快, 靖天就一歲…
由"丁屎"咁大粒, 養到佢依家會行會叫…. 真係百般滋味……
舊曆生日同左靖天既朋友仔慶祝, 咁正日生日, 又點少得大排人食餐飯呢….
諗左好耐, 終於都係決定o係屋企食…. 一來靖天可以自在o的, 二來又唔洗兩家人走來走去, 三來, 梗係可以慳返幾兩啦….. 
正所謂, 用得唔好嘥…. 所有佈置都係上次派對剩下的…
不過是晚無盤菜, 改返食"到會"…
今次整左個"中國娃娃"生日蛋糕俾靖天.. 襯返個backdrop…
可惜… 味道認真麻麻!!! 
選擇o係屋企真係無錯, 至少靖天成個"小主人"咁…
逗得一班老人家鬼咁開心~~~
靖天對住自己既video, 仍然係好專心咁睇…
仲要不停講野, 好似話俾人知, o個個係佢黎咁… 
"未開席", 影返幾張相先~~~
靖天對住呢個生日蛋糕, 仍然充滿好奇喔!
===全家福===
傻姨送的生日禮物!!
『吳』家狗!!!
=======================
悉心既安排, 換黎既, 係:
『咁浪費, 俾我一定會洗返乾淨再用囉!』
『洗唔洗叫咁多野, 實食唔曬啦!』
『條片好正呀, 睇到我有o的感動~~~』
『佈置得好靚呀…..』
誰說誰話, 不用多說!
好聽既說話誰人都鍾意, 尤其係我呢個新手媽咪!
絕對唔認為我安排不當, 只係周邊人從來未懂得欣賞!
一心安排"所有人"同佢地既孫女慶祝第一個生日, 換黎既, 係連番說話,…
我諗… 應該唔會再有下次!!!!!
最後, 想謝謝"主席", 幫我兜一兜, 唔係我塊面只會更加黑!!
你既一番說話, 正係我既用意…
招呼客人, 從來都唔鍾意寒寒酸酸!!!
係你同媽咪教我架麻…
老公, 得罪了……
實在係不吐不快…..~~~~
(329)
Hi, 最近無意中睇到你個Blog覺得好正呀！先知原來靖天係我個女baby buddies的同學，請問個壽桃蛋糕及娃娃蛋糕係邊到訂？等我個女下月1歲生日都整反個先。
哦….thanks!
寶寶第一個生日 , 梗係想攪好 d 啦 !!!!
小小生日會 .. 駛得幾多錢 ?? !!!!!
算啦 .. 最緊要 寶寶開心 ; 你見到寶寶開心自然開心 !!!
無謂 + 不啱聽的 .. 都在耳邊走過便算羅 !!!
對啊, 已經唔記得喇;
你真係好有心意，我都好想同言言大事慶祝，可惜呢度整個 banner 都貴過人……
生日快樂呀~
祝靖天身體健康, 快高長大!
你d相框好靚呀? 邊度搵架?
當日主角係靖天
只要佢開心
一切都已經唔重要
小小”說話”又自得d乜
“咱們仨”開心就夠了….
靖天生日快樂
快高長”肉” (十歲前喎…因為當你意識自己係女仔時, 你就會”迫”自己廋架啦…哈)
愈大愈靚 !!!
我攪生日會d人都有問我li樣幾錢個樣幾錢呀….又話佢咁細洗唔洗攪咁多野….一連串唔好聽既說話
我當耳邊風因為我覺得jason開心就已經足夠其他都係冇謂人(包括baba)生日會係我送俾jason一個回憶(雖然佢未必知道)我只會介意jason既說話其他人既說話=費話…下年我都會照攪
你下年有生日會可否請埋我呢
全家福度….個男人咁後生既? 唔係公公 or 爺爺嘛….?後生成咁?
個蛋糕巧得意喎!!
哈哈, 又係, 所以依家唔望佢肥, 但都唔好太瘦呢… 面色好差呀佢…….
多謝你啊!!
同意呀, 雖然無人問我幾錢, 但真係都幾多難聽說話
但你講得好o岩, 我開心, 我相信靖天第日, 都會安慰曾經有個得意生日會…. :)
如果出年搞生日會, 再請埋你, 又如何….. 嘻嘻!
你係黎先好喎~~~~
姨姨, 全家福巧多男人喎
你講邊個呀?
o個個係我daddy黎架!
好後生咩… 佢巧老架喇………..
係呀, 不過上次個壽桃好食o的……
再一次謝謝你~~
你意思係… 整相既相框?
用photoscape…. 佢有default架
香港呢o的就唔值錢咯………
你都可以啊, 唔整banner一樣得o者
不用客氣~
hihi, ELOISE媽咪, 咁都俾你搵到… 犀利啊!
蛋糕資料我print出黎, 星期五俾你丫 :)