身材走樣了~~
好記得一年前既過年前夕, 我要老公特登車我落聯合買褲, 因為生完靖天後, 原有既褲全部都唔o岩著, 根本就無衫去拜年… 
結果, 好辛苦搵到條牛仔褲係自己鍾意, 都唔理得咩價錢, 穿得落就算…. 好記得認完中碼, 連拉鏈都拉唔到…. 結果買左條大碼…仲好記得試著時, 其實條褲好緊好窄, 只係夾硬穿上去….. 呢條褲係我咁咁大個女唯一一條大碼既牛仔褲!!!! 
o個陣諗, 生完bb, 就變左個”大碼人”?????? 話唔介意, 就呃人既!
呢一年, 算不上好積極減肥, 只係會keep住通淋巴, 有時間去必X站洗埋我戇居左既course~~~~ 什麼運動, 節食, 通通啋佢都傻…. 相反, 食量仲越黎越驚人…… 
一年過去, 又係時候買條新褲過年….. 同一間鋪頭, 同一隻牌子, 類似既款褲, 我竟然…. 著既係細碼!!! 仲要好鬼死鬆……. 
本來再試加細碼…. 不過呢….. 我都知我貪心左少少架喇…. 
但係著到細碼, o的信心已經即刻返曬黎…….. kakakakaka! 
返到屋企度度褲頭, 只係爭2寸度…. 但hip位就爭左差不多4寸…. 証明我真係瘦左個patpat, 但個肥豬腩, 仍然係咬住我唔放….
其實自己瘦定肥心知肚明, 呃到所有人都唔會呃到自己同身邊o個個, 又想瘦, 又唔願意付出… 正如三姑講, 天下間只有懶既女人…… 要瘦返去”做女”時咁… 難道積極o的就真係得?! 
(200)
勁呀, S碼番番黎
人手通淋巴WORK? 要唔要配合埋減肥GEL 如: 泰國辣椒油, 修型GEL嗎? 每次要做幾耐呀
thanks
嗯嗯~~!!!!
我都係用佢俾既油黎推架咋…..
其實要瘦番好似做女時咁。。。實在係好有難度呀。。。有計既﹐教下我丫﹗
其實已經有好大改進啦!! 仲話走樣…..
睇你既相都唔肥呀 !!
個樣係老左麻, 嗚~~~
係咪真架?
我都努力中…….
雖然都好渺茫