靖天上學了@Baby Buddies 第5課
呢一堂, 係我第一次渣車車靖天返學…. 原因係因為的士又加價!!! 起錶$14.5, 一來一回都唔少野…. 當然我可以坐小巴, 但係單拖湊住靖天….唔制!!! 
雖然唔係第一次單拖渣車車靖天, 但係今日靖天好乖啊, 無扭計無發癲… 泊車仲要快靚正, 無老公o係身邊, 果然舒暢好多…..
街錶2個鐘都係8蚊雞… 計埋油錢應該點都平過坐的的, 哼, 經過呢一次, o的信心又返曬黎…. 一於以後要渣多o的!!!! 
~~~~~~~~~~~~~~~~~~~~~~~~~~~~~~~~~~~~~~
上堂做左熟女, 今堂做返個男仔…..
已經1歲有多, 但係靖天似乎仲好迷戀佢既口腔, 每事每物都要用個口去研究一番…. 
今堂既茶點食”自製麵”, 老師俾左材料我地, 我地自己撈黎食….
睇下, 靖天竟然識得用個匙放入口啊!!! 
不過靖天既動作做得都…… 佢好似想俾張枱食多過佢自己…. 
唔去沙灘都有沙玩….. 當然要俾靖天感受下…. 大個女, 唔驚了….
玩得超起勁!!!!
音樂時間, 今日靖天愛上這個…….
仲記得上幾堂, 有個姐姐攞住個喳喳一路行一路玩,
佢只係14個月大, 當時諗, 靖天唔知幾時先好似呢個姐姐咁叻…..
點知今日, 靖天竟然都做到了!!! 
雖然準確度都仍然爭少少…
最後係bubble time~~~~~
靖天研究左一陣, 已經表玩得好投入….
(223)
可以自己餵自己好叻喎！^^
成日都覺得你好勁~~~~
我好勁???? 啋………
仲咩啋喎, 你唔好惗錯第樣野呀! 我話你識渣車仲要一個人湊埋個B咁樣好勁乍喎,HEHE~~
我記得,咁又係喎…
靖天表現好好喎 !! 好投入呀
你真係好勁呀!!!我連左右都要
我應該都不識而搓車
係呀, 佢ALWAYS PLAY HARD架; 哈哈
之前整花左老公架車好多次, 又撞過車架我;
梗加要啋……. 你應該知我早一陣子… 整花左架車架, 嗚嗚
嗚嗚…….咪係囉~
係呀, 有個意識咁囉