靖天叫
靖天越見長大…. 能發出既音節亦越見多變化~~~
唔知幾耐之前有個媽咪同我講, 原來bb 2歲前大多只能發出”單音”字, 即係”婆婆”, “爸爸”, “媽媽”, 到2歲後, 佢地先會慢慢發出更多”雙音字”…. 例如”食飯”, “玩具”…..
世事無絕對, 仲要依家既bb 比以前越見聰明…..
靖天已經快將13個月, 成日都講鄉下話, 永遠都聽唔明佢乜…. 但係聽得出, 佢講野實在好”抑揚頓挫”, 估到佢心意, 就會明佢有時講緊乜野…. 例如”仆街”….. 
呢一個早上, 如常起身不停鞭撻老公做東做西…. 
…. 已經慣性成日嗌住”老公, 幫我xxxx”, “老公, 幫我xxxxx”, “老公, 唔該xxxxxx”……
靖天聽到, 竟然又o係度嗌”老公“….. “老公“……. 音節當然係錯到十彩, 但聽到佢望住佢爸b但係又o係度嗌老公, 一臉無知個樣, 實在好鬼搞笑……
雖然無錄低, 但都好想趁記得寫低佢, 曾幾何時, 靖天都鬼馬過……… 
(139)
靖天學習能力好強啊 !!
佢就想………哈哈
咁你講老公時有冇講埋”我要~~~”
哈哈, 小心靖天學埋呀~
哈哈, 靖天講”我要”, 肯定勁搞笑
靖天好搞笑呀… 人嗌佢又嗌… haha.. 情景一定好搞笑
你老公無端端多咗個老婆…..
係呀, 好搞笑啊
可惜錄唔到啦~
相信個個一歲寶寶都好鍾意模仿人既!~~