『畫畫篇』*** Home Playgroup ***
靖天『mISs MAmi, 今日我們做甚麼?!』
上兩星期同靖天玩左唱歌仔….. (其實差不多日日都玩….
) 雖則心肝唔悶, 但媽咪就有少少悶…. 
所以呢日又搵第二o的野同心肝玩下…..
上playgroup除左唱歌仔, 咁不如試下畫圖畫….?! 
雖然心肝未識攞筆, 但俾佢接觸下, 亦無壞吧…..
所以上星期就去左文具鋪買左盒蠟筆同水彩俾靖天……
原來蠟筆都好多牌子… 諗左好耐都唔知邊隻好…. 結果買左呢隻….
水彩就買返我細個時用開o個隻… 35蚊得6枝…. 貴到丫… 
仲買埋本畫簿, 大張o的… 等靖天可以畫得舒服o的….
一開始靖天真係好有興趣…… 攞住o的筆係咁畫畫畫… 篤篤篤….
手仔還算有力, 可以畫到o的顏色出來……..
相機既吸引力始終大過枝筆…. 錄到心肝畫畫的情況已經托賴了!
然後…. 就開始分心了… 因為開住兒歌囉…. 
靖天開始古靈精怪, 對眼同對手係唔一致的….. 
畫到尾聲, 心肝仲要揭去第二版新既再畫… 
好似真係識咁….
點知中途跌左枝筆, 諗住俾過第2枝佢… 佢又唔要…
仲堅持要執返枝筆…. 然後又要坐返好先畫…
點知張櫈仔… 太細了… 坐好左, 又o係第2邊跌返出黎…
種種既小行為, 似乎又話我知, 靖天又長大了…. 
這就是靖天的傑作了!!!! 雖然有部份係我畫的…… 
表現還算滿意吧~~!!!
爸b放工返黎見到仲話要”錶”起佢…… 正傻佬!!! 
可惜既係, o的蠟筆有一半已經俾靖天跌斷左…..
實在有點兒後悔…. 早知買木顏色俾佢無咁嬲…..
(175)
靖天咪叻囉！言言係咁將支嘢放入玩具，一筆都無落過响張紙度呀！未睇靖天幅作品我仲諗住係正常，點知原來13個月係有能力攞筆，咁究竟係靖天出色，一或係言言笨呢？
我都喺公司攞左D蠟筆比ANSON, 但QUALITY唔係好好畫唔出色~
你好有心機呀!
都好好呀 .. 聰兒對靜態沒動沒有興趣呢 .. 每次同佢畫畫 ..佢都坐唔夠 6 秒就走人 … 想死 !!
嘩, 你買faber castell比靖天, 好落本呀~
聰兒係好動派呢
下, 點解咁講呀?
好平咋
呢隻好出色呀, 可惜好易爛啊~~
靖天好鍾意畫野架, 以畫爛左紙為目標架…..
不過可能婆婆成日教佢用筆所以佢識卦…..
佢好早之前已經識渣起枝筆畫來畫去架喇~
唔係靖天出色, 都唔係言言笨, 只係….. (我都唔知… =.=)