靖天上學了@幼兒潛能訓練課程(幼潛)第1課
好辛苦先抽到…. 當然要隆重其視……
靖天的第一本手冊啊!!!! 
返學前有少少阻滯, 仲擔心會遲大到…. 點知爸B既烈火戰車話咁快就到左尖咀….
上到課室只係4點半, 時間剛剛好!!!! 
連埋靖天有8個同學仔, 我地有幸竟然同啟仁 & 敏堯一班…. 好有緣耶!!!! 
其他既同學仔好似都係12月, 1月既BB…?! 實在太好喇, 又可以識多幾個新朋友仔…..
先係WARM-UP時間… 老師攞左一箱玩具出黎過小朋友熱下身… 靖天當然係老實不客氣…. 三扒兩撥就將O的玩具攞曬出黎…. 但又唔係玩…. 
靖天老實不客氣……. 小朋友都老實不客氣……
扮講電話, 仲要”喂喂”聲….
靖天係咁攞曬玩具出來……
呢一堂既小驚喜係, 靖天竟然知道呢架thomas係車仔…
攞到手仲放o係地上面碌來碌去……
玩到走曬光都唔知…… 仲要俾爸b影埋…..
唱左歡迎歌後, 就開始今日既課程咯……
好多家長, 又好多同學仔…… 
唱歡迎歌, 還好靖天仲未扭計….
爸b專心, 媽咪掛住影相… 靖天最乖……
練習一 – 五官歌
用一首歌仔介紹曬眼, 耳, 口, 鼻, 脷仔, 手, 拳頭同埋手指
原來1歲既bb應該可以知道自己既眼耳口鼻o係邊度咯…… 
嘻~~~ 即係又係時候教靖天新野喇~~~
上堂心肝還算專心去聽同理解, 課後在車上我都繼續介紹眼耳口鼻o係邊度, 教佢摸下自己, 又摸下我… 出奇地靖天好好奇啊!!! 到落車時…. 靖天已經知道”鼻哥”o係邊度, 仲可以好準確咁指俾我睇…….. (因為成程車我只係教左心肝邊度係鼻哥…… 哈哈!!! )
初時仲擔心一個器官係咪有排學…….點知返到屋企又成日提住同教佢… (呢o的咪叫新C坑囉~~~ XDXDXDXDXD) 到第二日, 佢已經知道邊度係嘴仔, 同埋耳仔… 心肝, 係得噃…. 証明您仲未有學習障礙…. 不過究竟係咪真係明呢?! 就不得而知了……
練習二 – 打哇哇
首先用鏡教bb 點”呵氣”……. 看似簡單, 點知教左好耐靖天都係…. 唔識… 淨係識得吹… 跟住就教佢”哦………”咁出聲… 好難耶!!!! 然後就教佢用手輕拍自己嘴仔, 藉住呢個方法等佢知道, 原來係可以發出一o的得意聲音….
結果? 靖天只係識用聲線扮”打哇哇”, 而唔係用手去拍打嘴仔從而發出聲音囉….
練習三 – 觸覺發展
放左不同觸感既地氈/障礙物, 先教小朋友誇過一條捲起左既毛巾, 看似簡單, 結果… 心肝隻腳原來係提唔起的…. 
跟住行o的吉吉地既地氈, 包括石春路… 果然小朋友身體真係好好多, 全場8個bb, 好似真係無乜邊個唔敢行….. 反而我踩上去就覺得好痛…. 
靖天踩呢o的無難度, 不過又唔知點解要佢踩真草地就咁痛苦?! 
玩左一個圈, 開似無耐性了……
===============================
仲有小息時間… 張姨姨派左每人一張濕紙巾…. 抺抹手就開餐咯!!
好鍾意像敏堯般熱情…. 靖天幾時可以明白理解?!
原來之前既導師記錯, 靖天既班主任係張姨姨, 唔係馬姨姨喎… 嘻! 無所謂啦…
因為早一日靖天上過Baby Buddies, 到今日張姨姨用中文叫靖天做一o的指令時, 佢竟然… 唔明?! ….. 到我o係佢耳邊細細聲用英文講一次, 佢先有返少少反應… 好似呢度收玩具要同玩具講byebye… 仲要數1-10… 平時上baby buddies老師就唱tidy-up song 跟住就動手執野… 平時靖天一聽到首歌已經識得放返o的野落箱, 今日就呆左幾秒, 到我細細聲同佢講tidy-up please…. 佢先知係收玩具…..
星期五就上baby buddies, 星期六就上幼潛, 開始有點點兒擔心, 唔同方法去做同一個指令, 心肝會唔會好混亂呢… 
希望靖天可以適應過黎… 同埋可以學習原來同一樣野可以有不同做法啦….
今日心肝堂上表現還算不錯啊, 張姨姨仲話: 唔好睇佢細細粒粒, 都識好多野啊… (其實識來識去都只係會主動放返玩具落箱/兜仔… 同埋行得好穩唔會跌…..咋麻~~~ ) 不過張姨姨教既一o的小小指令, 例如”謝謝”要點點頭, 做左幾次, 心肝都開始有少少意識去做了… 呢個都係一個好方法等佢知道要”謝謝”, 嘻, 我地學到野喇……. 
放學後, 同爸b講起心肝今日表現, 爸b竟然話… 普通啦… 
因為今日教既其中兩個小練習, 其實一早已經識左, 但係心肝就發揮唔到出黎… 加上尾段心肝開始集中唔到… 所以爸b話靖天應該可以做得更好…. 睇黎, 呢個爸b認真要求高喎…. 
心肝, 您有難了….
唔緊要啦, 靖天, 您今日已經好叻架喇…. 唱中文歌仔, 媽咪都需要時間適應 (歌詞好怪耶….哈哈…..) 等媽咪練習多幾次, 再同您一齊唱, 一齊練習, 好麼?!
好唔容易先有得上堂, 我地要努力啊!!!! 
(535)
我都有呢個困難，因為响屋企我哋講 cantonese ，出去玩佢就聽 english，唔知係咪咁所以有Ｄ佢兩個 languages 都聽過嘅嘢會混亂佢呢?（自我安慰中，因為佢到呢家都唔肯指比我睇邊處係眼耳etc）
Bilingual ＢＢ真係唔易做。
我都報咗(5月), 希望抽中啦~
我都有再報, 希望可以做到同學仔啦~
今朝起身, 佢隻眼仲有腫, 希望星期六情況好d可以帶敏堯返幼潛啦~~~~
訓多o的, 無問題….
敏堯加油呀!
又真係幾多野學喎 .. 等得耐都係值得既 @@@ 繼續努力呀 @@
我會架喇~~~
我之前都想去抽架….但之後唔記得左
咁大頭蝦架~~~
下一期係323 (如無記錯) deadline架, 你記得入form喇!!!
靖天媽媽, 好多謝你咁稱讚敏堯呀….. 可以和靖天一齊做同學真係好開心, 真係約都無咁o岩.
靖天真係好叻女, 好醒目, 睇o黎敏堯真係要好好向靖天學習喇………….
唉………… 敏堯今天去醫院割左佢果幾粒蒼蒼, 希望星期六個樣無咁嚇人, 可以返到幼潛啦..
唔好咁講啦, 敏堯真係叻女麻…. 靖天都好開心可以識到敏堯架…. 你睇下敏堯幾熱情就知啦, 呵呵;
割左蒼蒼敏堯有無好返o的呀? 眼有無腫呀?
多多休息, 我地星期六見喇!
兩個言語會令小朋友初頭學得慢o的架, 但佢一吸收爆出黎就會連珠爆發囉…. 所以睇你點睇囉…
靖天由細到大我都唔會點同佢講英文.. 極其量係tidy-up, hello, byebye… 連thank-you都係英文…
所以講呢o的佢就明, 其他英文佢就會打曬問號架喇~