靖天上學了@Baby Buddies 第10課 [Clare老師再見了!!!]
已經上到第十課了…….
靖天: 『是日天氣酷熱, 都係光脫脫咁玩開心o的…. 』
今日係CLARE老師的最後一課了… 
之後原來佢會去九龍塘既學校教書…
好唔捨得啊… 雖然老師無特別教靖天什麼, 但CLARE真係一位好好既老師, 好用心, 好有經驗, 每次唱歌仔同講故仔都好生鬼… 謝謝你過去對靖天的愛護啊!! (靖天課堂上既乖巧已經討得CLARE老師好歡喜呢……)
可惜最後靖為太眼訓, 搞到老師抱佢影相喊曬口….. 失敗失敗! 
老師與靖天!!!!
其實今日真係好攰…… 好想叫婆婆陪我地一齊上堂,…. 仲要俾爸b渣走左架車, 即刻唔方便曬… 
靖天早一晚又傻左, 成晚都訓得唔好, 朝早又唔願食奶… 未上堂已經見佢捽眼, 心諗: 今日我死定了!!!! 
結果……. 都死左一半…….
Warming Up 時間
有板有眼的靖天…….
靖天難道大個真係想做煮飯媽媽?!
煮完飯, 梗係要試試手勢如何…….
唔止自己食, 仲識照顧埋”妹妹”…. 餵埋妹妹食…
如果現實中真係有個妹妹/弟弟, 靖天會這樣嗎?! 
雖然話學懂分享, 但難免又會爭下玩具…… 
本來今日又有cream玩, 諗住同心肝除左衫唔洗煩,
點知佢又唔玩… 仲走左出去第2度… 激氣! 
靖天學轉烏拉圈?!
靖天真係好鍾意玩敲打既野…. 睇佢幾肉緊就知~~~
打打下嫌條棍唔夠大, 仲要換第二條…… 
最後既泡泡時間…. 靖天今日唔篤, 選擇捉o的泡泡黎食….. 
正常個個小朋友都Tidy-UP時, 靖天竟然去左偷懶! 
上一堂既勞作…
心肝今日既驚喜係…… 與小朋友分享玩具!!! 
玩pasta會一粒粒咁派俾小朋友…
自己攞住一個鏟仔, 又會將令一個俾身邊既小朋友……
繼而就俾身邊既媽咪們讚心肝好乖巧好懂性…. 真的麼?!
不過讚既我地通殺….. 人地講就要信麻….. 
第2個小驚喜係佢開始習慣圍圈唱歌仔同埋聽故仔… 至少, 佢唔會發曬癲咁狂扭計, 又會靜靜咁坐o係我身邊, 望住老師既圖書….. 雖然未講完都已經企左起身想走, 但至少, 都有一個小進步…. 
放學前因為心肝已經捱不住…. 唔肯唱歌, 唔肯聽故仔… 唔緊要啦, 心肝今日精神狀態真係差左o的……
未返到屋企已經訓左… 一路訓到7點半, 先醒醒地…..
希望呢一覺, 可以幫靖天叉好電啦~~~ 
(199)
我都好想教好言言學 share，不過我相信會好難，因為佢成日都覺得隔離飯香……
佢地咁細個, 未識架
我呢排睇2本書都係咁講……
至少去到18個月先有呢個concept
我地唯有慢慢教慢慢等囉.
點解你有咁多時間既?你唔係working mama咩?
靖天可以返咁多唔同既班既?
噢 .. 導師離開是最不捨的呢 .. 個時 Alison 話要結婚唔教 .. 我地都超級不捨呀 !!
but .. 陸續會有新既導師既 @@@@
靖天真係叻左呀 ….. 希望日後會見到佢繼續繼續的叻叻 @@
一一都係著shushu樂now xddd
咦? 咁o岩既?!
我都希望靖天可以繼續進步啊!!!
之前都聽話alison好犀利, 可惜我無緣一會…. xd
不是啊, 靖天呢個都係平時o個班咋麻
我多假麻, 嘻……..