反斗城瘋狂購物記
印象中, 好似都無試過o係反斗城買咁多玩具俾靖天…….
上次買泡泡機申請左入會 (好明顯係因為買多過一個數所以免費入會啦~~ 
)
上星期收到佢地電郵話2月27日做買3件送第4件既優惠….. 好似只限一日….. 
本來已經跟手就del左個email…. 點知之後同朋友傾偈講多兩講, 又心郁郁…. 想搵返個email望真的…. 唔見左~~~ 
不過星期五….. 爸b要去飲, 得我同靖天…… 去買玩具?! 萬一買到, 我兩隻手搞唔掂o的大件玩具同埋靖天啊….. 去到星期五, 靖天上完堂就訓到傻左… 諗住都係算啦, 慳返o的….
… 點知醒左既靖天又精神好多…. 咁o岩婆婆話是日唔煮飯, 仲要無人返屋企食 (即係傻姨同舅父仔….) 咁咪問下佢一唔一齊食飯…. (順便幫手去購物一番…. 
)
如是者….. 靖天, 媽咪, 婆婆, 同埋公公就去左市中心食飯同埋行街….. 
首先……. 我地去左食”翡翠”….. 係唔洗我俾錢既, 因為我有老豆同媽咪埋單, 呵呵!!!
跟住….. 全程飯靖天痴實婆婆唔要我, 我樂得自在係咁食係咁食…..
然後…. 攞左架車仔出黎係推玩具返屋企… 因為公公同婆婆都唔肯放靖天上車~~
最後… 入到反斗城… 心肝梗係開心呢… 本來揀來揀去都買唔到玩具…. 
實在太…貴了!
點知轉個頭婆婆推住兩大件玩具話買俾靖天…. 
呵呵…. 跟手我又買埋我想買好耐俾靖天既玩具…. 剛剛好, 四大件!!!!
大件夾抵食…. 仲要”唔洗錢”…. 媽咪開心過靖天呢…. 
除左最左手邊o個張”畫布 – Aqua Doodle” 係我最想買俾心肝, 其餘3份都係婆婆話買俾靖天….. 埋單都攞定銀包出黎 (心諗, 又出血…. 好窮耶!!!), 咁又順口叫靖天問公公俾錢… 外孫果然係外孫… 靖天都無出聲, 公公已經攞左張500蚊出黎俾佢……
4件玩具, 埋單4xx….. 婆婆仲話唔洗補錢咁好… 梗係啦, 買3件送多件… 唔係我都唔走入黎…… 煮飯仔呢o的其實都唔洗成百銀… 
不過算啦, 慳返o的時間可以唔洗淘寶都好~
最最重要係…. 竟然俾我搵到之前上堂玩過既Aqua Doodle…. 又可以俾靖天練習練習… 
其餘3件….. 好女仔啊….. 煮飯仔….. 洋娃娃?! 靖天回到80年代我們小時候?!
玩具, 當然不是亂買….. 總會有佢用處吧?! 
不過屋企無位放了, 影完相, 都係攞返去婆婆屋企寄居好了….
(319)
靖天發達囉！
買左返黎一個星期, 佢已經將o的玩具打曬入冷宮了………
又大出血wor…我奶奶同我爸媽一定唔會買呢d玩具日用品比哲哲, 佢地覺得只會係晒錢, 就算朋友親戚送又好, 二手比又好, 佢地都覺得咁多玩唔晒, 雖然係姐…但都想佢地買少少叫有d表示…唔知你明唔明我講咩, 雖則我唔係物質既人…
講起反斗城我就興, 哲哲生日寄左張$50 coupon, 打算好日都唔去買, 見今次就破下財, 點知拎上手個coupon就過期咁滿, 都唔過一個月就要人買, 邊就到時間出去kowloon tong or shatin wor…正PK黎ga
你星期五唔駛返工o架? 可以同靖天去返學…..?
都好抵呀 … 平均都係百令蚊件 @@
點解我係會員都無吠到 e-mail 既呢 ??????
朋友係未我呀? 我個日都有去買,買左盒顏色筆,水果切切同bb廁所板,仲有d生日會既野 xddd
你仲問…… 最衰係你至真………..
水果切切我一早買左喇, 呵呵, 但靖天唔識玩, 我無攞出黎……
顏色筆? 係咪爉筆呀?
抵呢…. 反斗城買, 算係咁咯, 嘻;
你收不到? 一係我下次再有優惠, 話聲你知丫
嘩~大豐收呀﹐靖天實儘開心啦﹗﹗﹗
係咪收唔到呢 ???? 可能我都好似你咁 .. 睇到就 delete 左掛 .. 哈哈 !!! Anyway .. 你知道有咩 so 野 .. 就幫忙話聲過我知啦 .. Thanks and kiss you @@@
上星期反斗城響”時代”開倉, 諗住入去只係”八下”,
點知呢樣又岩, 果樣又睇中,
結果變成一個大購物袋,
但係…三思後…
我將大部份放番原位,
只係買左2件就走左 !!
對我黎講, 破小左財叫做好成功架啦….呵呵!!
其實係我開心o的, 哈哈
通常呢o的望一望已經好快del, 點知轉頭自己又心思思想去…. 嘻!
哈哈…….. 好彩今次有公公打救我, 唔係又…..@@
梗係要啦, 你估我唔洗do咩………
今次唔洗我出血, 所以無問題, kekekeke
我明你想講咩既…. 買小禮物公公婆婆爺爺嫲嫲真係唔會蝕, 耐唔是都買o的買o的咁…. 反而我叫佢地唔好買. 嘻
tst都有反斗城o者, 傻瓜