靖天上學了 @ 幼潛第2課
因為無得影相, 所以只能進步純文字的解說…….. 
出發前…. 由高位影落心肝度, 原來對眼可以咁大….. 
準時4點9去到課室, 已經有小朋友到左o係度玩玩具了…..
靖天剛起身, 呆左數分鐘, 見佢都無咩反應, 就用玩具引下佢, 好快佢就已經樂在其中, 仲差點兒跳埋入個玩具箱到添~ 玩左陣就開始上課了…..
練習一 – 社交 (握握手) 訓練
張姨姨帶領我地一齊唱左首”社交歌”, 先由爸爸媽媽一邊唱一邊同小朋友握握手, 之後就2個小朋友一組咁做….
靖天初時都挺集中聽住歌仔一路俾我地摸來摸去做動作~ 到分組後, 佢就唔肯同敏堯握手…. 
仲要走左去….. 敏堯搞搞下又唔鬼理靖天….. 兩個小朋友就係咁爬走左…..
靖天識give-me-five…. 唔知幾時識得同小朋友握握手呢?! 
練習二 – 尋寶遊戲
將一個小玩具放o係一個索繩袋入面, 輕輕索緊, 睇下小朋友識唔識得拉開個索繩袋攞個玩具出黎….
靖天初時會用暴力夾硬扯個玩具出黎, 教左佢一次, 佢就已經識得鬆開個袋跟住攞個玩具出黎….
看似簡單, 又係一個Problem-Solving既練習, 還好心肝耐性多返少少, 唔會3秒就放棄….
練習三 – 平衡力訓練
呢個練習係想訓練小朋友單腳提起既能力, 張姨姨首先將一張貼紙痴o係小朋友既腳指公上, 然後就叫我地教佢一邊扶住我地, 再用另一邊既小手攞返張貼紙… 同一時間亦都要鼓勵小朋友提起佢隻小腳, 藉以訓練佢地既平衡力.
靖天一俾張姨姨痴貼紙, 就已經急不及待輕輕提起佢既小腳將佢撕左落黎… 看似好叻, 但靖天無依從張姨咁講, 左腳就右手斯下, 右腳用左手撕下, 而係左腳對左手, 右腳對右手…. 張姨姨話咁做既難度會高一點, 因為需要更高既平衡力…..
當然不是靖天太叻, 而係佢仲未懂得”交叉平衡”原理, 所以呢頭撕, o個頭佢就已經坐低左….
靖天走路已經越走越叻, 又著實係時候教佢下如何”平衡”, 唔好好似媽咪咁, 廿幾歲人走路都東歪西倒, 成日pk…….
***** 課堂趣事 *****
茶點時間時, 張姨姨問: 有無人想要餅餅, 想要就舉手….
靖天竟然好用力咁舉起左佢隻手!!! 
引到張姨姨笑曬口….. 所以第一塊餅仔就俾左靖天! 到靖天食完, 佢又自己主動咁舉手….
搞到張姨姨又要俾多塊靖天….. 場面也挺搞笑! 之後靖天就好似high左咁…. 行來行去, 未食完, 又想走埋張姨姨度攞第3塊餅, 結果….
張姨姨話: 你夠喇!!! 靖天即刻好失望咁”妙一妙”張姨姨就走左去…..
小朋友真係好鬼現實, 有jetso就痴埋去….. 
無就睬你都傻……
***** 課後感想 *****
多得張姨姨第1課既”提點”, 令我知道原來13個月大既小朋友已經可以學習一o的深層指令, 以為13個月只懂say hi & bye既媽咪, 上過第一課後先知道原來佢地已經知道什麼叫”想要就舉手”, 什麼是”五官”……
經過一星期既練習, 靖天學懂左”舉手”, 學懂左四官 (淨對眼唔識…. ) , 也暗暗歡喜靖天既學習能力比我想像中強….. (真係以為教佢什麼是鼻子要教一個月先識架…….. ) 靖天, 您要努力啊!
(303)
13個月嘅言言都仲係傻傻咁，係佢真係蠢，一或係扮蠢乜都唔駛做？
不是不是, 言言又係o個o的…. 一係唔做一做就爆曬出黎o個隻啦……….
咩上幼潛唔比影相咩? 我見之前啟仁媽都可以ga…
好叻呀…貴唔貴?
有無WEBSITE比我睇下呀唔該?
你住邊頭架?
好呀!
ADD ME: AGGIEWING@HOTMAIL.COM
仲諗住約靖天去玩添…
好叻呀!搞到我都好想報 again xdd
我正密切留意下期課程…呵呵…
報啦報啦, 係幾好既, 咁出名上下無妨呢….
開始報名喇喎, 3月9日截止喎
唔洗留意啦~ 快o的報!
我都有影呀…上一堂………..
只可以第一同最尾o個堂先影相架咋
1800蚊十堂, 一o的都唔貴
每堂一小時
我住屯門架, 同你真係…… 嗚嗚
呢度: http://www.hkcs.org/cdcb/pec/pec.html
有時間大家msn 聯絡下丫 :)
拿, 去玩我乜都得架喎!!!!
add左~