『咱們仨』的2317 4567
屋企既家務, 一直都係由老公負責…….
曾幾何時, 自己都有幫下手….
點知老公嫌做得”那西”…. 再唔係就話東話西, 嬲嬲地索性唔鬼做! 
到有左靖天, 更加連衫都唔洗洗, 唔洗晾….. (通常佢叫我做我都會扮肚痛, 又或者頭暈… 
) 然後佢就會叫我坐低抖下….. 咁又做少樣……. 
到生左靖天, 屋企成日都要保持清潔, 所以一星期老公都會吸塵拖地最少兩次….
然後, 工作唔知幾時開始忽然增多, 抽到身做家務既時候開始變少….
加上靖天越黎越大, 有佢o係度做清潔就難上加難, 因為佢會搞搞震無幫襯…….
慢慢就由一星期兩次, 變為一星期一次……
近月, 老公既工作變得激突忙…. 加上放假就出左去玩…. 有時兩星期都未必打掃到一次…. 
諗起…都覺得恐怖…..
不過自己唔做, 當然唔可以”叫”老公做呢….. 搏鬧咩~~~ 
忍無可忍, 決定用o的私己錢請個鐘點…. 幫輕下老公又好, 執乾淨屋企又好….. 
經朋友仔講解一番….. 又問左好多野…. 第一個鐘點姨姨終於前日上左黎~~~~
姨姨用左2個鐘搞個廚房… 心諗: 洗唔洗咁耐呀~~~ 
跟住又用左個半鐘搞個廁所… 最後用左45分鐘幫我吸塵抹窗拖地…..
點知搞掂姨姨同我講…. 佢話佢做咁耐, 真係未見過人家既廚房污髒成咁…..
我入到廚房望一望, 實在係嚇一跳…… 
先係爐頭個不锈鋼板…… 原本已經起左o的一粒粒既油漬, 老公同我點”省”都唔甩, 以為無得救, 就無理佢….. 點知姨姨竟然全部同我地”省”甩曬….. 
原先我地個洗碗盆係”黃禁禁”, 起曬漬, 老公搞過都唔成功…
點知俾姨姨搞一搞, 白返九成….. 姨姨仲話角落既兩撻漬幫我再諗辦法~~~
抽油煙機自入伙第一年老公抺過下, 已經有差不多3年無搞過…..
今日俾姨姨搞搞, 即刻新既一樣……
佢連水龍頭都”省”埋……. 好誇張呀!!!!!!!!
雖然呢位姨姨真係好….鬼…..長……氣……. 但係佢又真係好鬼勁…..
諗住唔俾老公知, 點知搞到個廚房咁, 無得呃啦…. 心諗實俾佢鬧C喇…..
點知佢見到個廚房已經嘩嘩聲, 仲話我醒….. 
老公話, 咁執一執, 又可以擺三年…….
有時….. 男人計數, 仲度縮過我地O的女人……….
(170)
give me 5 xdddd
真係23174567果d架?
好勁呀!!!
貴唔貴?
過年搵佢地搞一次都好喎…
好掂喎, 可唔可以send埋比我呀
我都想執執佢 :p
媽媽又要返工, 放工都希望留返d時間陪小朋友, 所以請人幫手的確唔錯!
喂, 個鐘點姨姨幾錢呀?
我個廚房都…..幾”乾淨”下…..
hahahaha ~~
4567 ~ 真係幫到你架!!
平時間屋都係我打晒色(即係打掃)
今年農曆新年前太忙加上又懶蛇上身,
貴就貴啦, 所以決定搵左個姐姐幫手,
我個姐姐同你姨姨岩岩相反, 全程無講過晒,
仲有小小黑面…(可能本身性格掛…)
但係佢手腳快之餘仲唔”0拿西”…
幾百蚊…加埋小費…抵呀…
哈哈 .. 好在我屋企無咁誇張咋 @@@@
不過 … 間唔時搵專業清潔黎攪攪 .. 又真係可以幾年唔再郁呀 .. 哇哈哈
咪咁衰啦… @.@
呢個鐘點又幾好wor…由佢把口講咩都得, 對手識做野又做得好咪得law, 呵呵
你屋企? 點會呀…呃我
咁又真係無得頂啊
係呀….. 真係幾犀利
再請要3年後lu…….
老公話……
好呀, 我pm你丫
係呀 不過我打去屯門個仁愛堂咋麻…….
555555555555555555555