他與她的兩周年 [賣甩靖天海鮮夜]
老婆: 『食得未呀, 老公, 好肚餓呀…….』
老公: 『影埋先啦, 衰婆……. 成日顧住食食食! 』
星期五同靖天上完堂, 就即刻掟佢上婆婆屋企, 準備我們的二人世界….. 
話曬都結婚周年紀念, 正日三人行左, 咁當然要搵返晚循例食返餐飯慶祝一番呢…… 
左諗諗, 右諗諗……
最後我們揀左玩煮飯仔…… 
放低靖天, 就去左三聖買海鮮…….爸B話要靚既海鮮啊……
買完海鮮, 去埋吉之島買牛扒…… 就回程咯…..
好頑強既蟹…. 佢夾住左我地隻匙唔放呀!!! 
(本來係老公幫我影, 不過實在太恐怖…都係渣機安全o的….. )
今晚有…凍蟹……. 九蝦….. 茄汁中蝦…. 牛扒…… 仲有KFC既蜜蜜燒雞翼… 仲有仲有薯角…..
食到一半已經好飽….
兩年幾無飲酒….. 結果….. 食左少少已經頂唔順… 食返汽水!~~~
未開飯前遺憾無買甜品… 食完飯就慶幸無買到….
抖左陣, 接返靖天…. 又變返咱們仨了….. 
多謝老公放左成日假陪我地噢!!!! 
(311)
嘩。。睇見都流口水呀﹗﹗
嘻嘻, 係幾好味架
好sweet!
祝一周年快樂!
係兩周年喇….
我結左婚先生靖天架…….. @.@
我見到都好想食, 可惜我老公無咩心思又唔識煮野食
好幸福啊 !!!
好似好好味喎 ~~
唔知下次有冇我份呢 ~~ 呵 !
你老公又幾有心思喎!
你係咪真先?
下次預埋你~~~
周年紀念, 點都要幸福返一晚半晚呢…..
一年一次…. 算係咁了… @.@
好好味呀~
你0地就好啦,耐唔中可以賣甩靖天二人世界,哈哈哈
搵日一齊食
你都可以啊, 賣甩彤彤俾婆婆先囉
咁你煮又得o者