靖天的朋友仔生日會
是日的壽星仔…. Mr Issac……..
早大半個月前, 一一媽咪就問我地有無興趣出席一一既生日會….
當然無問題呢….. 
今次亦都係心肝第一次出席朋友仔既生日會啊!!!! 
靖天跟哥哥弟弟們一齊玩東玩西….. 一o的都唔陌生呢! 
揹住書包仔既靖天, 可愛極了!!!! 
幾時懂得對住鏡頭笑笑呀?! 
靖天基本上玩過一一家所有的玩具….
早o係靖天幾個月大時, 已經跟一一見過面了….. 不過o個陣一一仲係一舊"小綿花", 靖天又咁細, 當然唔會記得…. 咁耐無見, 心肝同一一還算投緣…. 靖天係當日第2大的小朋友, 雖則一一是小男孩, 但靖天亦不輸蝕, 不停搶一一的玩具; 一一又傻傻地望住姐姐由佢搶自己玩具… 場面挺搞笑!!!!
靖天見到架車仔, 又要坐上去… 點知見唔對路又急急下車…..
仲有對住一一既圖書虎視眈眈…
爸爸們合照
仲有一眾靚媽們!!!!
一一:『咁多朋友仔… 今晚o的禮物有排拆咯!!!』
一一送的小禮物…超有用背囊一個!!!! 靖天揹住走來走去好搞笑耶!
靖天又大蝦細了……. 
見到新玩意, 就唔俾一一玩!!!! 
中午等爸B踢完波, 換好衫就過市中心買返份小禮物過一一… 雖然遲左少少到步, 不過我地都最早到啊! 靖天入屋無耐已俾迪迪地既CD同埋大堆玩具吸引住…. 跟手一一媽咪開埋個波波池…. 心肝仲唔發癲?! 
慢慢其他小朋友都來到了…. 全部都係小男孩?! 不過好似無人當靖天係女仔啊.. 已經故意幫心肝著返條裙…. 可惜…..
靖天畫圖畫畫到側曬頭….
點知唔洗3秒見Auntie 攞新玩具出黎, 已經企曬o係度等玩~
靖天除左蝦一一, 仲越級挑戰接近歲半的朗朗…. 總之靖天見到朗朗哥哥的玩具就會埋去搶, 而朗朗見到靖天手上攞住野又會爭一餐….
期間朗朗仲"喵"靖天, 扮曬鬼臉咁…… 靖天當然唔知咩事, 但睇得出, 朗朗哥哥對心肝真係好敵意啊!!! 終於俾我知道, 有人真係好唔鍾意靖天了….. 哈哈!!!!
靖天跟一一也挺投緣吧……
右上圖的就係朗朗哥哥… 呢一日同靖天係"死對頭"啊!!!
玩下影下相, 又到切蛋糕時間…. 開埋餐…..
生日快樂呀, 一一…… 最緊要身體健康啊!!!! 
靖天完全沉醉於一一家的玩具…..
玩多陣, 靖天開始扭計, 唯有要先行退席了…..
本來諗住俾蛋糕佢, 點知佢係咁指住粒士多啤梨, 俾左少少佢都唔夠….
結果成粒俾曬佢.. 佢就好滿足咁通場飛了!!!
要謝謝一一家的熱情招待同邀請啊!!!!
靖天收到的回禮小禮物…. 好有心意啊!!!!!
如相片不能顯示, 請"重新整理 / REFRESH再試試,
不好意思啊!!!
(201)
點會ar
熟女總有失儀時, 嘻
一一生日快樂
話咁快就一歲大了！
THX 咁多位靚靚ee
個日靖天同朗朗真係好搞笑. 好似撈亂骨頭, 完全唔啱key~~
^_^
好彩唔係同壽星仔唔o岩key, 唔係俾你地趕走都似.. xd
做乜靖天了鼻鼻咁失儀呀?~?~?~
哈哈~~~好好笑呀~~~~
HAHA 靖天真係開心就好啦! ^^ 個日靖天係公主,得佢一個係囡仔ma xddd 所以lady first,所有男仔都要讓下靖天! nvm la! ^^ 幾時得閒再黎玩過,再唔係我帶一一去你到搗亂都得架! xdd
呵呵, 做住公主一日咁多囉…… 好過無~~~
我屋企好多玩具都俾我掉左, 當然一一可以上黎….. 同靖天玩下手指既, kakakakaka
出席朋友既生日會係最開心架 !!
睇下靖天幾靚靚 @@@
生日快樂呀 一一 @@
全屋最靚既一條裙了……. xdxdxdxd
代一一謝謝你呀!
係咪先?