靖天, 您咁打尖, 都無補於事架喎…. 等多等啦~~~  

睇完巡遊, 正打算去玩巴斯光年, 點知竟然係維修中…..

還好, o係出面就見到主角, 可以排隊同佢影張相咯!!!

"咱們仨"與巴斯光年

靖天: 『嘩嘩嘩嘩….好大隻妖怪呀!!! 』

以為靖天會怕左O的霧啦, 點知又ok啊…

行過少少, 又見到史迪仔…… 唔理玩咩, 見等15分鐘就走左入去排隊咯….. 仲要係普通話, 靖天肯定唔知乜東東啦….  

入到去坐定定就有個大銀幕, 心諗唔係淨係睇野咁悶麻?! 點知….. 又出奇地好笑啊!!!  靖天傻下傻下仲笑到鬼咁大聲…..

史迪仔與靖天……

靖天原意想扮可愛, 結果…….. 都好可愛~~~

之後我地又走左去排小飛象…. 咁經典既機動遊戲, 點可以唔玩架….

不過排隊途中, 靖天又"黎料"了………

排隊等"小飛象"時, 靖天又麻麻煩煩了…..

排排下, 竟然有一隊一家七口既自由人打尖…..  爸B好威猛咁開聲話左佢地一句, 叫佢地排返隊, 班自由人竟然乖乖就範….. 應該知道自己打緊人尖麻?!

在排隊既時候, 心肝又o係度整古做怪了……
欄杆, 都玩得一餐, 服左佢~~~

等左15分鐘度已經可以"上機"咯!!!! 最想坐既"橙色", 俾幾個泰國人搶左….  真係無陰功…… 最後揀左粉紅色….. 襯返靖天….

坐上"小飛象"後, 靖天表現得當相興奮啊!!!!

好多年無玩小飛象了… 還好時間唔算長, 唔會"暈船浪"….
 靖天就充滿好奇, 不停左望望右望望~!!

玩完呢個呢, 又過埋隔離睇4D….. 又係等左10分鐘度就有得入去咯….. (可想而知, 呢一日都真係幾少人……) 靖天一如所料, 係唔肯帶個眼鏡既… 還好, 入到去都無乜扭計~~ 或者等佢大個o的, 感受會多一點吧?!

都知道心肝唔鍾意帶眼鏡, 不過巡例都俾佢玩下呢……
入到場後, 心肝表現還可以啊… 又真係會申手去摸o的圖象…. 好搞笑!~~~

之前攞左Fast Pass玩Winnie the Pooh, 睇完4D時間剛剛好, 可以入場了!!!  其實呢個"機動遊戲"都幾…..無聊….  不過又唔知玩得什麼, 當俾靖天入去望兩眼都好… 俾左錢唔好嘥…

玩Winnie the Pooh時, 心肝又真係坐定定睇喎~~~

坐上Winnie the Pooh既火車, 靖天變得斯文起來, 仲左望右望….
難道真係識欣賞?!  

睇埋維尼熊天開始黑, 我地就去排隊坐埋船仔… 曾幾何時坐船仔真係等到你嘔, 今日呢… 又係15分鐘度…. 真係爽!!!!

不過導遊哥哥就認真搞笑…… 講左o的佢自己都話好爛既gag….. 又自己o係度苦笑….因為成船人都無人啋佢….. 香港人…. 是也……. 見佢做到身水身汗, 真係好慘…  

又要排隊了… 靖天今次仲蝦哥哥, 搶左哥哥份地點 (右上)
之後又同另一個哥哥交換貼紙…. (右下), 其實係個哥哥想要靖天心口個巴斯光年貼紙, 嘻!

遊船河時, 靖天又係左望望右望望, 無扭計… 太新奇了…
最後有火噴出黎先"驚驚"….

玩左幾個機動遊戲, 天都快黑了, 靖天係時候要眠一眠…..  

抖足靖天準備陣間睇煙花…….

 … 續

如相片不能顯示, 請"重新整理 / REFRESH再試試,
不便之處, 敬請原諒!!

….. 更多….

『咱們仨』平遊迪士尼 [出發篇]

『咱們仨』平遊迪士尼 [小鎮大街篇]

『咱們仨』平遊迪士尼 [巡遊篇]

『咱們仨』平遊迪士尼 [動玩篇]

『咱們仨』平遊迪士尼 [煙花篇]

『咱們仨』平遊迪士尼 [回程篇]

(150)

Comments

comments