『撈埋一兜篇』*** Home Playgroup ***
靖天: 『有..殺無賠……. 有..殺無賠…….』
已經玩過麵粉, 啫喱, 又聽過歌仔同畫過畫…..
呢一日決定同靖天玩大佢…. 
先攞返整好左好多日既啫喱出黎過心肝熱下身…..
自制啫喱 — 太多魚膠粉吧? 成舊磚頭咁….. 
初時都顧住睇電視, 嬲嬲地熄左佢. 即係專心曬!!! 
今次自己整既啫喱加左魚膠粉, 質地較硬, 所以靖天玩極都唔會變水……. 因為太實淨, 對靖天一定少左難度呢…
靖天: 『啫喱咋麻, 無有怕!!! 』
靖天專心後已經表現得很雀躍… 
玩左陣, 就去開左o的水彩俾靖天…. 靖天初初都眼定定唔敢掂… 教佢摸下, 掂下, 又打下手掌落畫紙到, 一陣已經習慣左, 仲要自己黎……
靖天第一次在家畫水彩…..
玩到興趣, 靖天又要試味了…. 
結果, 咪成地都係囉….. 水彩調得太稀了…. 下次要杰返一點~~~ 
如是者, 靖天就啫喱+水彩, 又吱, 又拍, 搞來搞去…. 睇見, 我都覺得好核突…
之後見佢都開始又適應, 於是就攞埋枝cream出黎, 吱o係佢手睇下佢有咩反應…
初初心肝都呆左唔敢郁, 慢慢教佢搽同埋捽, 一陣已經識玩, 仲主動攞左我吱cream要吱多o的….. 
開始炒埋一碟…… 啫喱 + 水彩 + Cream
捽下捽, 捽下捽….
玩到咁上下, 靖天開始攞黎掌mask咁敷…… 結果… 咪一面都係囉… 
靖天: 『我咁污髒你就唔好影啦….. 肉酸架!』
三樣野加埋, 又玩過, 試過味, 仲搽埋面, so far靖天都無肚痾或者敏感, 即係仲未食得死佢… 托賴托賴~~!!!
生活的酸甜苦辣總要靠孩子的嘴親口品嘗, 方能明白個中真味, 沒有切身體會絕對不行. 所以, 很多時候, 我們明知那是不可為, 不可吃的, 但是, 如果無傷大雅, 如果不對身體造成極大危害, 如果能滿足孩子探索世界的好奇心, 如果能增力他體驗百味的經驗, 何樂而不為呢?
人生的味道, 應該由孩子自己來體驗.
玩完呢個小遊戲後, 奇怪點解靖天完全唔驚, 仲要好享受咁玩o的咁痴立立, 滑潺潺既野… 但係平時上playgroup又唔係呢回事…. 掂到少少已經想逃走…. 
係因為屋企環境令佢感覺自在所以亦都玩得自在? 還是因為可以玩到咁污髒所以先咁享受?!
愛剎這一張…. 係爸B 幫我同靖天影架……
媽咪教緊靖天禁o的CREAM出黎啊!!
呢一日爸B準備好飯菜就加埋我地… 玩到咁”里HEA”, 有爸B幫手當然舒服一點…. 如果可以成日一家三口咁玩到污污髒髒, 仲要唔洗我地自己執返乾淨, 就好咯!!!!
如相片不能顯示, 請“重新整理 / REFRESH再試試,
不便之處, 敬請原諒!!
(231)
請問嗰啲係普通水彩，定係專為兒童而設既水彩呢？
係普通水彩黎咋~!
靖天媽的確有心機 @@
見到嚇鬼死我, 一睇張相以為佢搞咩鬼 @_@.
oh my god….靖天肯乖乖坐定定玩? 如果周圍咁行周圍摸周圍丟我真係想死ga…
我真的好佩服你呀! 因為我好怕麻煩! 之後一定有排攪!!
你真係超厲害! 我一次都沒俾我個囡試過, 慚愧:-(
靖天玩到變咗一隻超級污糟貓呀~~
After reading your blog, I bought some bread flour for Adrian to play! He refused to teach the bread flour at all!! How do you teach Ching Ting to play with the flour??? Please share!!
cute唔cute呢< xdxdxdxd
試, 不停咁試呀試, 試呀試
靖天第1, 2, 3次, 都係唔肯玩的
只係頭幾次發生左baby buddies playgroup……
或者可以俾少少佢放o係手掌, 又放o係自己手掌, 等佢摸下, 掂下, 感受下, 再慢慢黎…..
千萬不要急, 一急, 佢就有陰影, 然後就…更難要佢玩了
不是不是……..
搞左一陣, 拖返乾淨地下就可以了 :)
唔洗慚愧呀
怕污髒可以玩下o者喱仔咁囉
都唔會太污髒既, 痴立立少少咋麻
因為靖天乜都怕, 我先”搞”佢, 唔係我都唔洗理佢呢
謝謝聰媽鼓勵!
提前halloween!!!! kakakakaka
坐定定架…………
都玩左差不多半個鐘, 佢開心想走, 我就會停了