靖天每周新招 [14個月]
14個月了………..
14個月第1個星期:
進步中
識叫”姨姨”, 不過要講好多次先叫到 叫佢”握握手”, 會主動走埋黎捉住我地隻手搖下搖下 教左個幾月, 學懂問人攞野要講”唔該”, 不過好多時都無左個”唔”字 (唔知係咪發唔到音…?!) 同佢講give me five, 佢會”five”我地, 依家仲加埋係咁”yeah,yeah,yeah” (終於)識得唔要就擰頭示意, 尤其是當佢唔想食野時 (終於)識得攞住塊布周圍抹 (終於)識得叫佢個名會舉手 教左幾個月, 俾東西佢, 終於識得回覆一句”謝謝”, … 
會叫”嗲吔”… (咁”媽咪”呢?….. 
) 第三隻, 第四隻牙仔, 同第五隻牙仔終於都出黎咯!!!!!!!! 
聽到Rock Music / Pop Music / Hip-Hop Music會”un身un勢” 買左書枱後, 第一次好集中咁聽完成本故事書 扮罰佢, 要佢雙手放後面, 佢就會照做, 不過手太短, 放唔曬, 嘻! 開始蒙特梭利Playgroup的第一課
機會點 大蝦細, 見比佢細既小朋友會搶人玩具 踏入14個月, 進食仍然好差 經過幼潛一課, 發現靖天專注力 / 耐性還是很低 唱”Sleeping Bunny”失效, 唔會再乖乖訓覺 繼續拒絕收拾玩具
小毛病 天氣反常, 鼻水繼續流 3月8日早上痾左一pat 綠色便便 (好嚇人!) 要繼續觀察會否腸胃有事
14月第2個星期:
進步中 在書枱上可以聽我講完兩本小故事書 見到人影相會發出”咔喳”的聲音 玩煮飯仔記得我講過要同bear bear一齊分享”食物”, 果然玩玩下識得o係箱度捉返隻bearbear出黎餵佢食野 (終於)知道手指o係邊度, 同佢講”手指”佢會指住自己既手指 (終於)見到汽車會講”車車” (終於)o係街/馬路會叫”街街”, 以前只會出門口先講”街街” 能叫”公公”, 不過發音低左八度, 怪怪的 第六, 第七, 第八隻牙仔也一併出來 (亦因為一次出三隻, 令靖天痛不欲生!!!) 叫佢全名, 會舉手嗌”到”… (不過個到字發音仍有待改進…)
機會點 拒絕進食固體食物情況越來越嚴重 對匙, 叉有恐懼 睡覺前要媽咪抱住既次數忽然變多 半夜扎醒大喊大叫的情況變得嚴重 上畢三課幼潛, 發現心肝平衡力需加倍努力 (不能提起腳跨過障礙物) 媽咪手多俾左個奶咀靖天玩, 搞到當晚半夜發狂搵奶咀 
, 証明原來心肝對奶咀仍未忘情
小毛病 3月17日晚上, 又無故發燒, 持續一整個晚上, 翌日如是 應該是出牙仔吧? 幾天心情都好差, 好扭計, 成日喊, 好痴身 下門牙側出了一粒半塊指甲大的牙瘡 / 白點, 令人擔心 因為一次過出好多隻牙仔, 令靖天成個口腔都紅紅腫腫, 有些地方更像傷口似的 口氣忽然變得得重, 是腸胃問題抑或口腔清潔問題?! 
靖天本星期的進度好似忽然慢下來… 是因為不舒服吧?! 好多時間都好痴身扭計, 眼見牙肉全都是紅紅腫腫的, 應該好辛苦吧?! 希望您快o的出好牙仔, 做返個開心寶寶吧…..
14月第3個星期:
進步中 第一次到迪士尼樂園參觀 病好後精神同胃口都好返好多, 肯多試一點固體食物 識得唱生日歌, 不過只係”BIR..B”, “BIR….B”… 完全發唔到音 望見蠟燭唔理係咪自己生日都會極速吹熄佢 對同輩的好奇心越來越重, 眼神交流等都明顯增多 鍾意”入錢UM”, 專注力加強不少 見到小島會叫”雀雀” (好肉酸耶….. 
) 會”掂”高腳尖走路 叫佢排隊, 佢會雙手放後尾, 不過只限3秒
機會點 對痴立立的東東仍然恐懼, 上課玩水彩畫會扭計唔肯玩 在街忽然大巴打落媽咪度, 應該是無心吧?! 力度控制要多加教導教導 忽然唔識叫”爸爸”…. 改口叫”麥嘜”…. 激c左爸b 
已經變成近乎零固體食物…. 俾乜都係2啖就lur返出黎….. 
小毛病 第一次患”口腔潰陽”, 令靖天痛不欲生
本星期忙得要命, 著靖天時間只係起床的大半小時, 同心肝臨睡前的大半小時…. 靖天本星期發生咩事, 都係一知半解…. 3月快將過去, 應該可以多一點時間陪陪心肝, 教教心肝吧…. 
14月第4個星期:
進步中 識得唱”Twintle Twintle Little Star” …既頭半個字 — T-go… T-go.. 教佢玩”小明”幾日, 已經會講”明” (又係無左個”小”字), 仲會拍拍手 學習除襪子個多星期, 依家回家叫佢除襪會自己除, 仲會放回鞋架上 (仍需協助) 忽然識得玩”配對”, 將積木入落合適的格仔入面 (只限圓形及方形) 從國內買回圖書數本, 開始每天早晚講故仔, 由第一天十分抗拒, 到3日後會留心聽
我講畢全書 (5分鐘的故事) 3月30日晚上, 婆婆煮了海膽炒蛋, 靖天一口氣食過整整一碗炒蛋 
4月01日下午, 煲左豬潤瘦肉粥, 靖天一口氣食曬一碗 (好耐無試過食媽咪煮既粥喇, 嗚嗚~~~~) 識講Pink, Golden, Purple, 仲要一個鐘就學識左, 要多謝Flash Card (因為去左試堂!!!!) 
識講”俾”, 跟手將東東交俾我 叫佢”笑”, 佢會識哈哈大笑 講”乖女”, 佢會飛吻, 然後側側頭, 手點在面上, 懶cute的樣子 沒有任何協助及扶手情況下, 自行完全三級矮矮的樓梯 (在屋企樓下泳池對出) 第一次由婆婆家自行走回家, 全情沒有扭抱, 全程約5分鐘(雖然行到打曬圈, 又手多多) 落樓見到看更會叫”伯伯” (但回家又唔會叫只會飛吻, 真奇怪!) 超遲的”請請” 唔知邊度學返黎既”乾杯”, 仲要國語的, 碰杯後就會扮飲 踏入4月, 開始加為每日講2本故事書, 一中一英, 早/(午)/晚各3次 見到每晚講既圖書會舉手, 想聽, 又會自己揭黎睇 (可惜英文圖書睇左2日已經俾佢整爛左~~~)
機會點 好多聲氣, 但好多音都發不出, 似乎靖天未如想像般可以做個早熟的吱喳妹 
固體食物, 仍然係心肝最大既機會點 問佢, “晴晴”係邊個 / o係邊度 (即係媽咪個名), 佢會向我”請請”, 聽不出兩音的分別….. 拋球 / 踢波, 係完全未掌握到, 只怪爸B媽咪太懶惰了 越來越怕陌生人, 未致於會大喊, 但會表示”驚驚”,
小毛病 天氣一變就會流少少鼻水, 鼻敏感情況不能改善
(161)
晴天好叻呀, 識好多野呀!
我囡大佢少少都唔識呀:-(
可能我….. 放得太大吧………. =.=
哲哲近期都同靖天一樣, 大巴大巴咁打落黎, 有時打到我大大聲又好痛, 我話佢, 佢好似好好玩好好奇咁繼續打, 我都唔知點解會咁…
忽然唔識叫”爸爸”…. 改口叫”麥嘜”….
呢個好好笑~~~~~
靖天好叻女呀^^~~識咁多野,比野佢又識謝謝!!我教左言言好耐都吾識呀…
食野方面言言又係咁…..飲奶飲少左…但粥仔又吾肯食…..愈大愈奀了…..我都好驚佢營養不足呀>
“開始蒙特梭利Playgroup的第一課” .. 點解唔見你 post 既 ??
未寫完啊….. xdxdxdxdxd
靖天真係識好多野喎! 比個叻佢!
(米b全部都唔識, 我係咪要檢討下… =.=)
米媽不要這樣子啊…….
米b唔做, 未必係唔識架麻………
教”謝謝”, 我都教左好幾個月… @.@………
多o的提佢講, 佢會講到架!!!
原來言言同靖天一樣, 都係”無衣食”….. >.
係咪超可愛呢
不過激c左爸b
條片洗左, 希望救得返可以post出黎過大家笑下
過癮麻, 打落黎我地會叫……. @.@