又是泰國菜?!
~~~是日晚餐~~~
上星期上完幼潛, 又唔想回家叫外賣…..
老公就提議落深井試間泰國菜…
之前同佢舊老細食過, 話又平又抵食……
間野叫深井泰皇菜, 我地6點半去到, 當然無乜人…..
點知坐左一陣, 已經爆曬棚….. 埋單時, 竟然要等位…… 
成間餐廳都係泰國人主理…..
o的野真係幾平….. 如果係星期一至五…… 
咖喱炒蟹都係98蚊….. 平日價……..
呢一日係星期六, 當然無咁著數…..
算不上好貴, 但個心硬係”那住那住”咁…… 
叫左4個菜, 加左碟白飯, 再加多份蒜蓉包… 埋單$25x……. 可以接受…既~~~ 
佢既招牌菜, 咖喱炒蟹, 著實又真係好鬼好味!!!! 
唔係都唔會叫左碟飯 + 份蒜蓉包… 成兜汁俾我地食曬咁濟……
那住那住除左因為價錢, 仲有…… 當然舊肥美既腩肉….
再係咁食法, 就好快又”生得”….. 
(209)
噢 .. 算啦.. 美食好難抵擋呢.. 哈哈… 好在聰媽唔食海鮮 … 呢個招牌菜.. 無我份.. 哈哈
Free parking?
Thks! Must go!
有無試過彩華花園嗰間小曼谷呀? 又係唔貴, 又好味o架!! 不過都係要早啲去囉, 如果唔係又等餐死~~
嘩….真係好抵!
不過對我太遠啦…
係無既, 但謝謝報料, 一定要同老公試下~~
你梗係當一日遊啦….. kakakakakaka
無相干!
佢有代客泊車啊!
sure!!! :)
噢…..聰媽, 咁你miss左喇~ kekekeke