咁好太陽, 當然要出外郊遊下….

想去嘉道理農場已經好耐好耐……

可惜成日都遇到阻滯…. 唔係天氣唔好, 就落起大雨; 唔係要去飲, 就因為靖天要返學…

終於… 四天既復活節假期, 可以去湊下熱鬧了!!!!

本來是『咱們仨』的戶外活動… 放假前夕跟天朗媽媽談天談西談到嘉道理農場…. 結果, 一齊去, 更熱鬧!  再出發前兩日, 又跟哲哲媽媽談天說地談到嘉道理農場, 竟然哲媽都表示興趣啊…. 結果, 又拉埋哲媽落水…..!!!!  四小K 的復活節小聚… 獨欠彤彤~~~  沒辦法, 太遲安排, 彤彤佳人有約了!! 唯有寄望下次!~~~

預約唔到車位, 唯有做一日乘客…..

為免天氣太熱, 又或是行唔曬… 決定一早就出發!!!!

未夠十點就到了農場…. 辛苦了朋友仔吧?!  (出發前無同朋友講, 同過我地去玩既朋友們, 都知道我們是癲的… 走上整天也可以不感疲倦… 縱使加多個靖天, 都只會更瘋!!! )

剛到農場, 靖天變左隻豬仔

謝謝天朗媽媽幫我們買了門票, 可以取得11:20分的那班巴士上山去!!!  如果晚一點去, 巴士票派曬, 就要自己行上山 … 或者上唔到上架喇!!!! )

未夠時間上山, 我們先在山腳下左看看, 右看看….

靖天睡醒後, 左走走, 右走走

長長斜路… 也給靖天試著走感受一下

眾多動物中, 最愛"大肥豬"…… 真係好肥美呀!!!

靖天見到雀仔, 識揮手say hi啊!!

農場其中一個大景點, 就係呢幾隻大肥豬!!!!  真係肥得好交關…..

靖天初時都驚驚地, 之後就識得同肥豬SAY HI, 又講BYEBYE….. (因為佢想走麻, 嘻!)

幻想咬一口這隻大肥豬的媽咪!!!!

見到"山貓"… 初時靖天都笑笑, 跟住又話"驚驚"….

農場另一個特色好多花花草草…. 可惜靖天還沒有學懂欣賞…. 唯有大一點再來上上堂!!!

好多好多花花草草… 仲有小蝴蝶!!

成個農場, 都好多路牌指示, 但係同個地圖 (承惠五個大洋!) 又唔多MATCH, 結果…. 我們走了好幾次冤枉路….!!!

好清晰既路牌, 不過還是有點兒"當失路"

坐農場既巴士上到觀音山…. 真係… 靚得好….交….關!!!!!

加上天氣不熱不冷, 不曬不陰, 真係好鬼舒服!!!!

雖然農場話可以徒步上山, 預計行程1.5-2小時, 但沿路所見, 縱使只係馬路一條, 但真係斜得好可憐…. 如果帶住靖天, 相信2小時, 係上唔到山…..

傳說中既觀音山….. 風景實在好怡人!!!!

上到觀音山, 靖天又看風景, 又走斜路

有朋友仔同行真好, 唔洗set腳架都影得合家照!

觀音山附近的小石路… 初時靖天有點兒膽怯.. 好快就適應過黎. 仲可以自己行…

上到頂頂有個小草地…. 3小K走來走去….

哲哲挑戰難度要走石膊邊, 嚇得哲爸哲媽商曬汗…

天朗雖然仲未走得自如, 但在爸爸幫忙下亦都十分享受…. 到走時更加唔捨得, 大哭上黎!

心肝最驚既"草地"… 不過o的草咁短, 又著左鞋, 當然不是問題呢!

上到觀音山, 靖天見到觀音石像, 竟然"請請"上黎……
其實初時唔知佢做什麼, 點知佢指指觀音,
跟住就作起"請請"手勢, 仲不停講"請請"….
成個家族都沒有"拜觀音"的習慣, 靖天亦都未見過"觀音像",
點解心肝見到觀音像會自覺"請請", 或者要等佢大個少少問下先可以了!

~~~咱們仨~~~

有點兒可惜的是…..

禽流感影響, 入唔到雞場; 不過死唔心息的媽咪, 也走上小樓梯, 近距離帶靖看看小雞

去到鹿苑, 鹿仔又放復活節假, 唔見左;

行過少少到達猴子樂園… 得3隻小猴子;

然後, 覺得好遺憾, 點解香港沒有一個像樣的動物園…  故事書可以教靖天乜野係獅子, 老虎, 鴨子, 公雞, 但相信感覺遠不及親自看一遍…..

後話:
靖天在農場遠觀雞場後, 回家後忽然懂得"喔喔的"扮小雞;
看過大肥豬後, 翌日在圖書上見到小豬, 竟然指著說"豬豬"……
縱使心肝長大後不會記得自己曾經到此一遊, 但不得不否認, 每次外遊, 總會給靖天長大一點, 一點, 又一點…….
郊遊一次, 好過我在家教佢幾十篇 (都仲要唔識…) ….
是微不足道, 但如果外遊一次, 可以給爸B媽咪留個回憶, 靖天又可以學習一點新東東, 辛苦一點, 又如何?!

爸B咁樣同靖天落樓梯….
還好架車夠硬淨, 唔係真係碌到甩埋出黎…..

走人了…. 兩個男K不支倒"車"….. 靖天精力果然旺盛!!!!

預計6小時的行程, 結果我們3小時不夠就完成了…..

該令朋友仔有一點兒失望….  

其實如果可以自己上山, 在觀音山上, 爸B同媽咪都絕對相信至少可以逗留一個多小時… 只是坐穿梭巴士, 逗留時間有限制….. 是有點兒可惜…

中午回程後, 哲哲一家累得連午飯也不吃, 急急回家休息~~~

天朗一家跟咱們仨, 決定到元朗醫醫肚再作打算.. 太…肚餓了!!!

(186)

Comments

comments