『咱們仨』與馬灣艇仔有個約會 [馬灣公園篇]
馬灣公園, 我們來了!!!!
上年黎, 未開….
今年4月黎…. 多人到嘔 + 靖天訓左….
今次揀左平日既下午黎… 即刻舒服曬… 成個公園都係我地咁….. 
可惜既係…. 原來公園係向西…… 臨近日落, 去個"向西"既公園… 
結果就會曬到甩肺, 加上好似越行越多蚊…. 結果只係走馬看花….. 沖沖走上"山頂" 又沖沖走返落黎…..
相, 拍得不多……
有點兒失望, 但無奈靖天太討厭太陽伯伯, 想多拍幾張都唔願意…. 
玩左個幾鐘…… 大家都濕透了… 就返回酒店換件衫, 準備去沙灘….. 
因為係平日, 呢個"特別景點", 無人同我地爭了!!!!
諗住俾佢自己行上去, 點知唔專心之餘, 仲好多蚊… 還是快快走上頂算了~ 
靖天永遠都係望住地下行….. 果真專心!!!
回程時, 又諗住俾佢試下自己落樓梯, 點知… 又落下唔落… 似乎仲係"驚驚"啊!
媽咪與靖天
心肝對住"小青蛙", 都可以咁friend…..
靖天: 『放我出去呀… 放我出去呀….』
用左十數分鐘上到山頂, 其實風景真係好靚, 仲有少少風….. 人又好少…… 好想多拍幾張照片留念, 但係心肝一係就走來走去, 一係就扭計要抱… 什麼心情都沒有了…. 
靖天, 您幾時先會愛上太陽伯伯呀?
好快上到公園頂… 景色實在宜人 (不過好西斜呀!!!!)
一向討厭同陽光玩遊戲既靖天…… 咁猛太陽下, 當然唔會乖乖….
應該可以拍得更好的, 奈何心肝討厭太陽伯伯…
邊行邊飲果汁….. 心肝還是第一次噢!
落返黎, 見唔到太陽伯伯, 靖天心情即刻開心返….. 又要自己行, 仲摸東摸西…. 如果唔係爸B 俾蚊咬到扎扎跳, 實在唔想咁快走人….
沖沖逗十數分鐘, 就"下山"了….
靖天就係咁…. 又要驚, 又要好奇…..
見到貌似平衡木既物體, 諗住俾心肝試試走… 點知又驚得要死…. 兩步已經要落地…
趁靖天走左去, 媽咪也拍返幾張單人照留念….
又難得心肝心情挺佳, 爸B當然唔會放過靖天啦…..
超級無敵靚的一張"花照"… 攝自媽咪, 呵呵!!! 
(200)
靖天落樓梯時隻腳仔伸下伸下咁, 好得意呀~
等我都試下要阿仔自己落樓梯, 睇下佢咩反應先..
平日去遊人不多，真好
我們那天又多人又迫，想影相也難
馬灣公園又真係好靚喎, 我上個月去左一次, 但係摸門釘….=(
有機會，我同囡囡一定會再去！
係呀 .. 呢個公園最差既地方的確係 … 超曬 @@@
靚媽, 張花係真係影得幾靚既! ^.^
(p.s. 直出, 沒有執過)
(再p.s., 呢色水先叫好少少, 唔係囉住支小白求其影兩張就叫做話”利”)
上次去馬灣公園都係平日，人很少…..
但去到發現原來要上山….
因阿B仲細，要抬住架BB車上山，實在攞命….
都未有機會入去公園逛逛…..係門口影下相…..
D相影得好靚……
我估早上去會好一點吧?!
都唔知你講乜?! ………. @.@
係呀, 人少到丫…….
我地今次無帶車仔, 所以可以行上去…..
下次你都試啦丫…..:)
哈哈…… 輪輪盡盡咁囉……
希望佢練習多o的可以落得好o的啦……
對啊…… 如果安排到平日就最好了……
摸門釘? why架?
其實真係幾靚, 但好多蚊, 記得帶蚊怕水呀~