『咱們仨』初到香薰園
飲完奶, 我地就去埋粉嶺既香薰園參觀~~~~
傳說中既香薰園想去好耐了… 只係一直未有機會 (不是太曬, 就太冷, 再唔係就落大雨, 又或者要上堂…..)
出發時天朗氣清, 誰不知去到目的地, 天開始陰… 還好, 未算太熱太焗…..
泊好車, 就入場了!!! 入場費承惠5個大洋一個… 可以接受啊!
去到門口點都要影返張相…. 靖天, 唔好叉鼻得唔得?!
一入門口已經有個"餵羊"既地方…. 不過之前餵過了, 加上呢度既羊仔味道….. 
欄也圍得高高, 也不便給靖天多看一會…..
唔餵羊, 可以餵魚啊!!! 
心肝也挺投入, 無"驚驚", 仲不停問我地攞魚糧掉到池中…
中午餵左羊仔, 下午餵埋魚仔吧……
靖天餵金魚啊!! 不過都掉唔中既…
見到大小朋友在撈金魚, 靖天已經不停舉手, 想一齊參與……
餵完魚, 我地就去左"整蠟燭"既小攤檔幫襯一番…. 事緣早幾日靖天在婆婆在如常攞傻姨既東西黎玩…. 點知小魔怪靖天用手挖呀挖, 挖呀挖, 佢就將傻姨之前跟未來姨丈在香薰園整既蠟燭座整爛左, 仲搞到一地都係沙…..
雖然傻姨無怪靖天, 不過也不好意思啊….. 所以決定整返個, 送俾傻姨留念….
花得最多時間, 應該就在這處….
靖天整爛左傻姨o個個, 媽咪特意跟靖天整返個送俾傻姨啊!
靖天與媽咪開始了!!!
整到尾, 想整個英文字母在最頂處…. 媽咪就主動完成….. 可惜, 手工勞作一向都係C+的媽咪, 點整, 都整唔到個"V"字…. 
仲要俾爸B取笑一番….. 
媽咪要整個"V"字在最頂啊!!! 結果…..
媽咪搞唔掂, 還是要爸B出馬…
點知爸B惡到….. (誰說我家的爸B沒有火?!) 
有個"V"字架…. 証明係靖天有份整的~~~~
玩完當然要參觀一下呢度既薰衣草…… 踏入夏天, 感覺開得更盛, 更美… 但係爸B話對花花草草沒有MOOD….
靖天又走來走去, 望都唔望下O的花花….. 結果呢…. 拍出來的照片當然沒有了"張力"….
既然爸B沒有"FEEL", 也無意強迫要佢多拍…….
靖天望都唔望下O的花… 只顧東跑西走, 又係一個奇景……
靖天: 『我都唔鍾意花既, 去餵羊仔啦…..』
靖天一o的都唔惜花… 還好無俾人見到…..
不拍花, 也拍拍其他吧….. 有"千秋", 有"石頭"….. 呢度又大又空礦, 其實來這走走, 參觀一番, 也是值得的!!!!
有個只供拍照既"千秋"…. 當然要"到此一遊"吧….
靖天: 『爬, 爬, 爬…. 有無咁細個小朋友識攀石丫?!』
靖天有幾唔鍾意影花….. 看看就知……..
還好, 同媽咪影相時, 未致於太扭計….. 不過都唔多專心啊.
(上圖) 靖天: 『媽咪, 香蕉呀, 食唔食得架?!』
(下圖) 看靖天的得戚樣, 好似在說: 『花有咩咁好玩, 低B!』
整個香薰園大到真係….. 假日黎到咁多人都唔覺迫狹, 實在難得!
閒逛了約1個小時, 天色越來越暗, 就決定回家休息休息了…… 5月的這個長周末, 亦就此結束… 也不知又要等到何時來可以如斯盡慶了…. 
(311)
D 相影得幾靚WO
唔知向九龍入去,可以搭咩車??
你知啦,我冇私家車嘛…
好令呀個場, 紫色花花好浪漫, 果然係一個好去處
呢度真係好靚呀!!
第一張我覺得好靚~~無全家幅既?
好好玩喎, 去D咁多花草地方, 靖天有冇比蚊咬呀 ??
香薰園個度D紫色花花係唔係薰衣草來呢? 影相出來個效果好靚喎~~
想問問，這裡是否有足夠的車位呢 ? 自行駕車入去的話路牌是否清楚呢?
P.S.: D相影得很靚；很佩服你有這麼多的耐性和設計網頁的天份。
你好, 絕對有足夠車位 (出面成個爛地都係停車場….)
路牌不算好清楚, 建議先看好地圖再出發~~
我覺得… 你o的相仲靚喎, kwoksir……………
係呀, 係幾大幾舒服~
無啊, 我地搽左蚊怕水, 呵呵
係呀係呀~
其實有心影, 會好靚架….
只可惜爸B無心機囉~
對啊…. 地方仲好大, 哲哲可以玩餐飽了
有全家幅架… 一千零一張, 你望清楚O的…. :)
係真係幾舒服幾靚…..
你地又可以去下咯!
謝謝鼓勵!!!
唔好咁講啦
你九龍可以去到粉嶺轉小巴的~
http://www.lavendergarden.com.hk
佢有教點去架!