『[搓麵團』*** Home Playgroup ***
枱布都包埋, 今趟夠專業喇卦?!
因為在屯門Baby Buddies上課時, 發現心肝對麵粉團既接受程度一般, 估計都係怕左佢”淋patpat”既感覺… 又見o者喱, 麵粉等都適應接受到, 決定再試麵粉團……
麵粉買回來已經有個幾月…. 一直想玩, 但又找不到機會….. 上星期時間比較清閒, 又見心肝食飽後乖乖地無扭計… 就決定”混亂”一番…..
本來諗住跟靖天一起製造麵粉團, 為免越搞越禍, 還是由媽咪先來一遍…..
麵團整左”正常”, 同加左顏色兩款… 以為佢未必會接受有色的麵團… 但看在靖天眼裏, 似乎分別不大…. 
傳說中的食用色素, 謝謝林C奶的提點, 先知原來有得賣…
不想成日在地上玩煮飯仔… 今次決定一用買返黎鋪左成尺塵既小桌子… 佈置一番後, 就扔心肝埋去….. 
在我準備途中, 心肝已經不停舉手示意要玩….. 一放佢落地, 已經飛奔到枱上… 可恨椅子仍然好高, 心肝實在坐得有點兒辛苦….. 
靖天: 『開檔…. 咦? 痴立立…. 咩黎架?!』
初開始, 心肝只係如常咁玩煮飯仔, 未有為意今天的”目的”….
見佢視麵團為無物, 就將成舊粉撻落佢面前…. 佢望一望, 就開始篤下, 掂下… 一摸, 就知中計了…..
靖天: 『立痴痴…. 都係用刀叉好o的….』
靖天: 『好核突呀… 一pat pat…. 痴住我隻手既…. 』
靖天”扮野”程度實在相尚有潛質…. 飲水, 斟水, 絕不兒嬉…..
靖天: 『好口渴呀, 飲返兩杯先~~~』
靖天”扮”飲水真係好專業…. 有板有眼….
跌左落地仲識自己執返… 進步之餘, 如果現實生活都咁”專業”就好~
玩左十幾分鐘, 始終都唔多願意用手去接觸麵團…. 所以媽咪就狠狠地將佢隻手按落麵團上…. 等靖天好好感受一下, 痴住, “張住”隻手… 有咩感覺…… 當然, 一早已經知道心肝未能接受….. 掂左好幾下, 佢已經投降, 想我幫佢抹走佢….
在媽咪誘導下, 心肝終於用手嘗試”痴手痴腳”的感覺…
靖天: 『我隻手呀…. 媽咪… 救命~~~』
諗住教靖天切, 擺…. 結果佢學到個”精神”, 切就切唔到, 擺都擺唔到..
之後仲要借意掉左個麵團落地…. 
夾硬左一次, 見佢唔接受還是算了… 俾返件工具佢, 心肝又即刻沉迷曬…. 仲走去”試味”… 靖天, 乜有味架咩?! 
玩左幾下, 心肝似乎都好抗拒, 結果俾返個舀佢…
靖天:『今晚既晚餐… 試下味先~~~』
有工具o係手, 就玩得自在好多……
俾張紙巾心肝抹手, 第一次佢真係攞住黎抹, 仲自己掉落垃圾筒 (可惜錄不到~)
到第2次, 見抹唔甩, 就無上當了….
玩左大半個鐘, 手尾, 當然由媽咪搞返掂呢~~~
其實之前玩水, 將O的色素滴落佢手掌度, 佢已經有少少驚, 跟住即刻要洗甩佢…..
之後又見過好幾次佢玩原子筆, 印仔, 整污髒左隻手, 諗左陣又會喊起上黎…..
似乎心肝已經知道, 隻手本身係咩模樣, 而”加左野”既手, 佢會表示唔鍾意, 什至會驚….
至於點解….. 上蒙班時老師有講過, 但係唔記得…..
不過都抱住上幼潛班時張姨姨既提點: 等佢手部有多點不同觸覺/嘗試, 如果唔係佢第日就好容易”嫌三嫌四”….. (就例如整污髒左隻手, 佢會”咦”…. 然後就唔敢再去玩/試)…..
但願, 心肝長大後真係唔會嫌三嫌四, 每樣東西都敢去嘗試接觸吧…..
(251)
hihi, thanks a lot for your sharing & I found it very creative & useful in traning up BBs ar! Curious to know where you buy the 餐具? They are very beautiful ar!
呢份餐具係婆婆o係反斗城買架…. 一套好多件, 可以看看!!!!
hello, 我每天都留意你的blog,靖天好靚呀,我個b細你個b約一個月,都冇靖天識講咁多野.今日比我個b玩泥膠,佢好唔中意..都唔知點解,佢又唔中意沙…不如msn傾下可以嗎?
多謝你呀~~~~ 係咪b仔呢? 男仔好似會慢少少啊, 不用太擔心的!!!
應該係”質感”問題吧… 多嘗試就唔會有問題了!!
你真係有創意..
以靖天媽咪既努力黎睇 .. 靖天唔會係嫌三嫌四既小朋友架 @@
靖天唔似O甘細膽喎~
可以玩大半個鐘, 專注力都唔錯!
靖天可以坐定定咁玩一陣, 都好專注, 叻女!
上星期上堂玩麵粉, 佢又唔肯玩了…. @.@
我都唔知點解佢咁抗拒….. @.@
玩呢o的專注力就唔錯, 俾本書佢就….. >.
佢玩水仲專心耶…. @.@
(有鬼用咩)
哎約…… 煮飯仔咋麻
細細個都玩架啦~