老公… 我愛你呀~~~~
老婆…. 我都好愛你o者…….

本來諗住”正日“先賣甩靖天, 二人世界一番…..

但係剛過去的周末天氣好得要命… 星期六早上到泳池游過水, 老公還是不夠喉, 話想去曬太陽……. 正日是星期日…. 二人世界, 就沒有陽光與海灘…..

結果, 貼心的老婆讓一步, 正日改為家庭日….. 紀念日慶祝就提前於周末…….

上完堂, 就的左靖天上婆婆度, 跟住我地就出發…北上去!!!

慶祝, 也只是美其名….. 實則是很想上去吃個飯, 揼揼骨….

上堂前, 在家來個港女一貫作風 —— 自拍… 誰不知, 拍拍下, 第三者介入了~!!

4點半才安頓好靖天, 出發去….. 周末的下午過關 + 交健康申報表 = 人是多了一點, 時間也花多了一點….. 還好, 未到6點已經過關了!!!!

時間有限, 今趟不能逛逛購物去…  上到去第一時間食飯先……

其實…. 老公累得要命………

超無聊的錄影!!!! 不過好搞笑~!

今次首試江南菜…. 位於大劇院萬象城的江南廚子… 聽聞也不錯…..

我地早去, 不用等位, 但入面差不多FULL HOUSE了;
到我們食飽飽, 出面竟然好多人在等枱!! 勁!

等食中…..

環境確實是十分好….. 有那種”江南”的味道~~!

國內既規則, 飲食文化已經千奇百怪… 呢一日又俾我地見識過什麼叫”買一送一”…….

香港買一送一, 當然是買一杯, 送一杯…..

國內呢間餐廳既買一送一, 都係買一杯, 送一杯….. 不過送出O個杯係一張贈券, 要下一次先用得上!!! 今次能否使用?! 不能…….. 即係…. 永遠都唔可能同一時間享受買一杯, 送一杯了?!

國內的買一送一認真搞鬼…….

是因為太肚餓吧, 餐前小食也特別好味….
那杯桂花茶.. 淡到…………… 不知怎樣形容;
4蚊位茶介, 沒有要求吧; 如果要鐵觀音, 菊花…. 就收二十幾個人仔….. 食水太深了;

XX蝦 (唔記得) / 粟子雞 / 蟹粉雞毛菜 / 籮白絲酥餅 (3蚊隻) / 蟹粉小籠包 (6蚊隻)

所有餸菜都係水準之作!!!

埋單(好似)26x人仔… 其實計返港紙, 一o的都唔平…….  

不過咁既裝修, 咁既食物, 咁既場合 (紀念日麻!) ….. 食貴一點…. 也算吧~!! 

最多…. 無下次呢……   (因為走既時候, 在地下見到一間90%相似的餐廳, 價錢平了一截… 下次要幫襯, 都係幫襯平一點好…. 嘻!)

等車中….. 又來一些港女作風!!!!

之後坐地鐵去左福田揼骨…….

今次好隨心咁揀左間叫德興城既做按摩……….應該都真係好平了…… 普通油式, 90分鐘, 收158個大洋, 仲要包兩個大堂項目!!!

平, 當然有平既唔好…. 環境似90年代的……. 服務也是一般的國內作風…..

做兩個大堂項目時, 也沒有什麼特別…. 只係吸煙區同非吸煙區只係左右兩邊分開, 結果.. 去到一半鼻敏感就發作, 痛得要命…….

之後諗住上房揼骨呢….. 個哥哥仔竟然要我地分房…… 因為話公安呢排查牌好密, 推油呢o的項目, 就要男女分開, 唔係就會有麻煩…….

初時都心平氣和同佢講, 話我地兩公婆唔怕….. 點知佢都硬係要我地分開……  結果, 當然係借意發火…….  仲好….. 平時教靖天, o係屋企, 返工受受埋埋既氣, 正好一次過發曬出黎!

之後佢又搵左個高級少少既同我講, 都講我唔掂…. 先安排我地一間房…….

我既理據係: 如果係有咁既規矩, 點解一開始唔講?! 硬係要男女分開?! 實在令我好懷疑呢度係正骨場定邪骨場?

係有心想洗開我, 想我老公可以多付幾百, 出完骨火出慾火?! 大佬…. 如果真係, 都唔好搞人地兩公婆上黎有心揼骨架啦….. 還是覺得我比較好烚, 沒有所謂?!

要出火咋麻… 我有免費服務架喎….. 大大個老婆棟o係面前, 老公想, 也不能多說吧?!

兜生意, 唔該make sense少少…….. 好無?!

還好, 兩位”正骨”小姐也十分認真, 仲好細心…… 手勢也不俗~~~!!!!

90分鐘, 其實未足鐘的…… 不過都真係鬆好多…….

之後沖涼, 埋單, 返香港接返靖天了!!!!

(182)

Comments

comments