靖天上班去 [17個半月篇]
靖天: 『爸B, 媽咪…. 你地返工咪好囉, 做咩要帶埋我喎…』
周末的早上, 一早起來….. 精神挺好啊…. (該是呢幾晚都早訓覺吧?!)
爸B早上要上班…. 媽咪PATPAT痕, 多口問了一句: 『不如我地一齊返工咯?!』 
『那靖天呢?!』
『帶埋佢一齊返囉………』
『好呀……. 無所謂~~』
『下? 你講堅架? 你o的老細呢?』
『星期六好隨意, 無所謂~~~~』
結果……. 咱們仨就極速換衫裝身, 趕搭最後一班村巴…….. 
上班去!
出發返工!!!!
靖天: 『爸B話, 坐車返工要聽歌仔架喎…. 』
以為靖天high足全程… 誰不知上到車一陣, 就呼呼入睡……….落車都未醒, 爸B未夠鐘, 當然先吃個早餐補充體力麻!
一邊食早餐, 靖天都唔醒……. 媽咪唯有用強而有力既臂彎單住頂住靖天吃早餐麻! 
靖天訓到…. 冧一冧~~!!!
媽咪單手抱住靖天都可以食早餐, 犀利! 
然後呢…. 媽咪就回公司努力一下……
爸B就帶住靖天上班去了!!!!!
還記得上一次爸B帶靖天上公司小休, 靖天喊到收唔到聲… 今次呢, 實在係有點兒擔心…….
該是因為靖天休息夠吧?! 跟左爸B個多小時, 都無扭計.. 仲走來走去…..
靖天: 『jAnet姐姐就係我呢日既上司喇! 』
靖天今日跟爸B返工, 都唔係白食白玩啊….
在PANTRY見到JANET姐姐在收拾整理, 靖天竟然走埋去, 拿起一條紙杯, 幫JANET姐姐放進櫃內…. 一條又一條……. 好搞笑耶…. 可惜沒有相機在身, 不能拍下靖天第一次上班的情況….. 
咁靖天係咪以後可以跟爸B返工, 幫補下家計呢?!
靖天: 『KErrY姐姐有hELLO MIMI玩喎… 梗係痴身佢!』
玩左個幾鐘, 靖天就上左媽咪公司食奶, 跟住到媽咪交更…… 帶左靖天外出走走, 單手抱住靖天 + 買左少少野 = 又熱又攰…. 
返到公司樓下, 又交回靖天給爸B…… 好讓媽咪可以極速做埋手上既功夫…..
到一點放工… 靖天已經乖乖睡在爸B懷抱……… 
(224)
唔錯喎 .. 一齊返工 . 仲要地點好此近 . 可以交更添 .. 哈哈
咪只限星期六先可以咁囉, 嘻
你2公婆sat都要返工 ???
我唔洗, 不過返左公司做野咋麻
hey…..your office is near your husband office??
對啊, 我們在同一區上班的!
真係好, 可以帶埋返工, 比同事一人抱一齊, 自己可以安心做野, 呵呵
周末先可以啊~