都唔係想像中咁難明o者……..

周末的晚上, 賣甩左靖天拍拖去…..

只因為想睇劉青雲…….

可惜YAHOO既影評實在係令人嚇一跳……

結果…. 還是去了~!  抱住”唔會睇得明”既心態去睇呢套再生號, 就沒有太大壓力…..

出左荃灣既百老匯….. 睇咁多次戲都未去過…. 竟然, 位子不太舒服既…  

85分鐘既片長, 話咁快就睇完….

出黎已經聽到有幾位小朋友爆曬粗話爛片, 睇唔明, 唔知佢做乜……

然後…. 我地睇得明噃?!

只要當佢係戲中戲咁睇, 就會好容易明白……

故事只係一層扣一層, 用左小說方式去表達…..

最後還是包返埋一舊, 變回現實….

以前細個睇小說, 都會有呢o的橋段呢, 只係今次導演包多左幾層咋麻…….

即係套戲想講乜?! 咪生與死, 愛與不愛囉…..

太玄太深入既, 無興趣亦都唔會明白, 但求簡簡單單理解左個故事就好了……

睇完戲, 在荃灣廣場兜了數圈, 都搵唔到野食,… 不是太貴, 就是太多人….

結果, 他與她還是返屋企附近吃壽司… 平少少, 又自在一點~!

怱怱食飽飽, 就接返靖天, 三人世界咯!

已經好耐無同老公去拍拖睇戲……

感覺已經不同以前拍拖… 總會覺得有點點兒的時間限制…

靖天在婆婆家, 倒不會大吵大鬧掛住我地而扭計…

反而是這個爸B和媽咪總是心掛掛的, 有點點兒的歉疚, 好似放低左佢, 係我地既錯….~!

但願, 靖天不會覺得這是一個「錯」…. 因為爸B同媽咪要行街, 拍拖, 睇戲, 食飯, 拖手, 攬攬, 錫錫, 才會有您啊!!!

(115)

Comments

comments