等了又等的哈利波特2009
新戲院 + 好鍾意既戲 + 同老公二人世界 = 超級極之十分開心! 
今個月做了一個衰媽咪….. 再一次賣甩靖天… 只因為波特先生的魔力!!!!
由佢第一集已經入場睇, 1.5-2年一套, 可以推算十幾年前仲讀緊書既我地已經行街拍拖去睇戲… 
一轉眼, 就做到第六集了!!!!
無論套戲好唔好睇, 影評好唔好, 都會入睇戲幫襯下, 只因為….. 情意結囉~!
記得上一集鳳凰密令係自己睇…. 飛買左兩張, 點知有個衰人放左我飛機, 搞到我大住個肚, 戇居居咁入場睇戲…… 
哼!!!!!!
等了又等, 終於等到第6集了!!! 好掛住波特, 榮恩同妙麗佢地呀~~~!
今次選了圓方那家The Grand Cinema, 摯友話好, 咁就好架喇… 所以貴, 都一試~! 
結果, 真係好好!! 但如果張櫈唔震, 會更好… 或者選擇式震/唔震…..
睇七點三場, 差不多時間渣車車到圓方與老公會合…..
未去過圓方停車場既我, 無當失路啊! 沒有兜錯路….. 叻! 
入到停車場, 兜了一圈, 找了個心儀的位子, 準備泊車….. 不停有車轉入黎, 但都無放棄, 慢慢泊, 話之理…. (平時的我, 會離開再兜圈兜到無人先泊呢… ) 好叻!!
最勁就係… 我竟然一手軚就泊好車了, 實在係超叻!!!!
泊好車第一時間打俾老公仔…. 無辦法唔將呢件事話佢知, 因為我真係叻得太….緊要!!! 
(老公: 有無少少想嘔? 但係…. 我都要記低佢喎, 因為我真係好叻麻, kakakakaka!)
同老公會合後, 揀了又揀, 終於揀左呢間上海菜坐低食晚飯~~!! (好多看似好好味既食店, 都真係….. 無能力食….. 嗚~~~ ) 
只因為平…. 所以揀佢…..! 不過原來又真係好好味噃~!
自拍唔成功, 俾隔離枱既外國人先生發現…. 仲問我地洗唔洗幫手…. 太好人了! 謝謝!!!!
爸B同媽咪這天晚上都戴了這副眼鏡, 遮遮深深的黑眼圈, 免得好友們看過發惡夢~~
食飽飽, 兜了一圈, 就準備入場了……看似好”勁”既戲院… 其實都是戲院一家…… 
不過真係巧多人排隊買飛呢…… 平日都咁, 假日應該仲多人了~!
好想大叫: 鄧不利多教授你唔好死呀~!!!! 我好唔捨得你呀….. 
我會懷念你架!
成套戲如果講魔法, 就真係爛左少少….. 有少少唔知佢想點既感覺……
但如果講單一故事同主角, 就覺得佢好好笑, 好得意…. 應該係刻意加左O的”笑位”吧?! 
兩小無猜既感情線都寫得好”到”…. 
會諗: 呢o的咪初戀囉…..
幾位主角都大個咯…. 妙麗同埋金妮既figure真係fit到漏…馬糞個身型成個毛豆feel咁.. 好得噃!
大結局誓必要睇啊!!! 快o的上就好了…….. 
回到家靖天還好心情沒多變, 只係間中要開門找我……….
心肝, 今個月quota用曬, 暫時都不會賣甩您了!
(181)
陰公…我仲要等到呢個星期日彤婆婆幫我湊先睇得呀…..
我都係情意結集集追
YEAH…. 555555555555
星期日仲好啦, 可以唔洗趕返工
wa….做乜嚟 Elements 都唔上嚟探下我地?
喺 Elements 真係無乜得選擇
可以想像我地幾慘?
我鍾意呢間既擔擔麵 ^^
你地….. 唔係返上午班咩? 我上黎… 見唔到你地點算…..
哈哈… 你地應該搵人幫你地”煮飯”… 好似飯堂咁, KAKAKAK
我反而貪佢會震…
果間野….好食 ?!
你主場, 梗係啦;
好耐都冇同老公兩個人去睇戲啦~~
因為確實真係唔捨得個女呢~
等囡囡大個少少, 會好o的既~!
今集既comments都真係差咗小小….
不過同你一樣, 追開就要睇!!
yeah!, 同意