靖天: 『雖然我無份去, 但本本書都係我架….. 多謝媽咪~~~』

書展在香港已多年…… 對書本不是有濃厚興趣….. 直至有了靖天….

2年前大肚時, 在灣仔上班, 書展期間, 人又多, 車又多, 又迫人…… 熱辣辣已經夠辛苦, 仲要迫住咁返工放工, 實在係討人厭!

上年靖天出世, 發覺書展的奧秘….  原來….. 會有好多好平既兒童書買架?!  然後, 又因為靖天年紀還小, 沒有湊湊熱鬧……

今年, 靖天已經18個月, 上年已經承諾自己, 今年一定要去一趟, 買些平書…..  過去咁多個月, 買給靖天的書不算多, 有些很好的, 卻沒有買, 因為太昂貴了, 不捨得…..

然後, 又唔知點解書展期間工作也忽然增多….. 怎樣也騰不出時間來…..

左算右計, 終於在呢一日, 跟靖天上課後, 極速回家放低佢, 然後極速坐巴巴出去… 巴士少有地坐爆人….. 明顯地, 大家都是為著書展而上車的~!

也等不到總站, 就在上環落車轉的士…… (太熱太迫太焗了~!!!)

去到半路, 司機叔叔問我係咪去書展…… (係呀~~~) 然後又問我有飛未 (未呀, 陣間買)… 跟住佢話….. 條龍好長喎….. 你睇下 …..

時間是下午的1點正…… 心想, 我只能騰出這天下午的3個小時, 點都要入去了….

下車後怱怱到7-11買飛, 就去排隊入場…..

點知行極都唔見隊尾…..  終於在新鴻基中心對出條天橋見到家鄉…….. 當時已經十級後悔…. 但飛買了, 想轉讓, 又不好意思……  又熱, 又多人, 又得自己一個….. 成個傻婆咁排隊…. 心內一O的都唔好受…..

還好, 中間沒有間斷的係咁行係咁行….. 結果, 15分鐘後就入到會場….. 已經安心好多….

極速走上3樓兒童館……. 是次目標是有2個: 買字典, 同靖天的兒童書…….

兒童館不算太多人啊….. 只少我還可以跑跑跳跳的逛著…..

準備好一個超級大環保袋….. 第一站, 就買了3百多元圖書…..

看圖認物書, 10蚊本……

呢個要49蚊…. 不過平時俾靖天攞出街都幾好~

都係普通認知書, 10蚊雞@

立體書…. 150蚊3本……

超級無敵大故事書….. 88蚊本 (原價$299)……..

然後加多1蚊….. 買左本大大本認物書…..

靖天攬著唔放添呀~!

已經滿足左8分….

跟住一行行的走….. 為著那些傳說中的Audio Books………..

終於在一處找到…. 109蚊4本的中文故事書連CD…..

中文款的……

本來都不買了, 但銷售員哥哥話係講國語….. 都好………. 等靖天聽下~!

然後又繼續找找找……. 找找找……. 最後在一間不起眼的小店即到了!!! $38.5一本連CD, 完全符合預算….. 只購2本, 先試靖天反應, 好的遲些時間再買吧!!!

已經9分滿足… 但還是想走下去…..

時間所限, 不能每店細看….. 知道已買到自己心水….. 就到主館找我等了又等的東東……

呢一日, 有少少甩…. 入到主館, 轉彎一望就看見Cambridge的攤位… 一問, 當然有呢, 才書展的第2天…….

原來差不多300大洋的字典, 八折發售, $234.x……

沒頭沒腦的問了銷售售小姐是否這處最平…. 小姐也挺老實… 答左我一句唔知~!

不過再補一句: 今年好似得我地呢度有得賣……

那好吧, 既然上堂老師也說過書展買這本字典最平, 就俾錢吧, 不想再格價….. (拿著十多本兒童書, 實在不想多走……)

太重太多人關係, 實在不得不離場……

最後俾護衛員叔叔老點左, 行左條冤枉路, 還好 (都話有”甩”架啦) 俾我望到架的的…. 極速上車就回公司去……. 準備晚上的加班!!!!

第一次逛書展, 也算辛苦, 因為只有自己一個, 沒得商量….

連埋排隊用了剛剛2個小時, 可想而知我是走得多快多急……………

埋單800蚊有找….. 係全日最失望的地方 (人家拿了2千個大洋準備出血架麻………)

我以為, 我會將個兒童館搬返屋企俾靖天, 原來…… 我係如斯孤寒……

兒童館…… 似乎小朋友越年長, 就越買得多書……..

也許過多幾年等靖天上小學, 我會跟其他家長們一樣, 帶個皮喼去入貨…….  如果到時仲未破產的話……..

呢一日, 發生左o的事, 令我覺得……. 幾出色的教育機構, 總會有”向錢看”的時候….

話說走到一個攤位, 賣蒙特梭利教具的….. SOGO內也設了分店…..

走進去, 銷售員已急不及待的向我推銷, 問了一款的價錢….. 折左都咁貴既….

正當離開時, 就聽到一位媽媽跟那銷售姐姐的對話……

媽媽 (手拿著一個圓柱插座): 「我個仔8個月, 呢個o岩唔o岩玩呀?」

銷售員:「o岩架喇, o岩架喇…. 呢個可以訓練到佢專注力添架….」

媽媽:「係架? 好呀好呀, 咁我就要呢個丫….」

然後走進了一位會展的職員, 告之此家攤位既擺放品”出界”, 想找負責人

負責人:「我就係喇….」

會展同事:「唔好意思, 你介唔介意執執o的位…」

負責人:「我唔得閒, 依家好忙… 晏o的先啦~」

會展同事:「唔好意思呀…. 可唔可以依家搞搞佢,…..」

(已經黑面)負責人: 「xxxx, 你跟出去睇下啦~」

然後, 佢就繼續全力咁推銷佢既產品…. 所謂忙, 就只因為佢在推銷…

大家都係搵兩餐, 有咩所謂……

但一個8月個大既BB, 適合玩圓柱插?! 也真是奇聞…… 可能該銷售員深知呢位小寶寶係一位天才,… 所以無難度….

買返去, 可能18個月時bb都始終會識, 但講到呢一刻個bb已經o岩玩, 就真係好有保留…

如斯落力推銷蒙特梭利產品, 難怪越黎越多家長認識呢樣野…. 又越黎越多家長一件二件既教具買回家…..

如果花幾百大洋, 得閒教個B插幾下木條就可以訓練到專注力, 我諗…. o個o的兒童心理學家, 什麼什麼治療師, 什麼什麼專業社工, 全部都係轉行賣玩具了………

真係好想大聲講句: 蒙特梭利, 唔係咁簡單架………

(388)

Comments

comments