,

靖天上學了@ Best Concept 第10-13課


污髒貓靖天 (攝於09年7月29日, 第10課)

經過上周空前的成功, 本周著實有點兒緊張靖天會否保持下去……

本周最大特色莫過於補了一堂, 變相一星期上四堂, 未上堂前, 媽咪也盤算, 一星期四堂, 對靖天更有幫忙, 辛苦一點, 但絕對是好事啊! emotion

2009年7月29日 (星期三), 陰

本周多加一堂, 係因為今個月遲左”入學”, Ms Sara補返俾我地的…. emotion

前一晚靖天”痕”到嗌救命….. (對, 係真係叫”救命”… “救命”…..) 搞左大半個鐘才能入睡, 今早起來的靖天, 精神蠻不錯, 不會太扭計… emotion

前一晚已經跟靖天”溫習” —- 今天要上學!  指定問題…….

『聽日返學好無呀?』 ———– 『好!』

『咁返學開唔開心架?』 ———– 『開心!』

『記唔記得老師叫咩名呀… 係咪Ms Ellen?!』 ———– 『Ellen!』

『咁返學喊唔喊架?』 ———– 『喊!』 (唔知幾時先講到個”唔”字)

『返左學, 要同媽咪講咩呀?』 ———– 『Bye-Bye』

第一次咁做, 靖天原則上係老點我…. 識答唔識做…..

但經過個多星期日吟夜吟, 靖天上周已經有轉機, 真係做到唔喊, 返學開心, 叫Ellen….

然後, 踏入第10課, 靖天竟然可以自己行出電梯, 行入中心門口, 沒有回頭喊…..

更加自動拖住詩詩老師 然後同我講Bye-Bye,……..!!!!

沒有收到老師電話, 更加同其他小朋友一齊放學…. emotion

問到靖天情況, 詩詩老師話: 佢今日無喊, 全程無喊無扭計, 肯食茶點, 願意一齊參與工作… 仲叫小朋友既名 (老師叫一句”賞賞”,, 佢又叫”賞賞”….. 老師叫”Samuel”, 佢又跟住叫”Samuel”)……. emotionemotionemotionemotionemotionemotion

聽到靖天今日既表現, 實在無可能唔興奮…… 如果一路咁落去, 靖天應該好快就可以學習”工作”……. 仲以為心肝要捱埋個8月先可以穩定少少……. emotion 

加油呀, 靖天!!! 媽咪等待您一份又一份的堂課架……!!!!!!!!!!!!!!!! emotionemotionemotionemotion


靖天第3周的圖畫……..

今日玩水彩, 心肝竟然玩到成身都係…….

返屋企除鞋除襪後, 竟然連腳指都有….. 睇黎靖天對水彩既恐懼, 已經唔再要媽咪擔心了~! emotion

每天經過7-11, 靖天總要走入去購購物…. 呢一日, 佢就決定買蝦條醫肚…..

食到成口都係, 仲要睇住”貓海報”黎食零食… 靖天, 您都幾識享受生活啊?!~! emotion


每次放學都有零食吃, 似足爸B同媽咪細個時咁……

2009年7月30日 (星期四), 雨

如常上學, 遇上塞車, 還好都剛剛到達無遲到!

已經感覺到靖天返學不會再狂喊, ….. 去到樓下, 已經懂得跟爸B講BYE-BYE同飛吻…. 跟住入到電梯就著她自己行…. 出電梯, 剛好Ms Sara開了門…..

看不見詩詩老師和Ms Ellen, 諗住要等一會…….  點知靖天竟然甩開我隻手, 自顧自的行入中心…. 然後回頭跟我揮手說BYE-BYE, 跟住就自己走左入課室……

門口跟課室是一條直路, 短短地…. 所以我可以清楚看到靖天的情況 (Ms Sara還沒有關門呢)

去到盡頭, 靖天看看左, 看看右, 就右轉, 走左入自己個班房…..

o個一刻, 實在好想高呼: 靖天您得左喇!!!! emotionemotionemotionemotionemotion

還記得月初時, 仲不停在想, 靖天幾時可以唔要我, 自己返學, 同我講byebye…. 然後, 發覺呢一日原來是這麼的近…… emotion

放學, 靖天竟然攞住2袋衫出黎…. 老師話佢洗手時整濕一套, 然後放學前換片時, 剛剛VV, 又濕了….. (真失敗!) 細問詩詩老師靖天今天的表現: 無問題呀, 同琴日差不多, 不過佢臨尾掉垃圾俾個垃圾桶”咬”親隻腳, 叫左幾聲咁囉….. 呀…. 呢位就係Samuel喇 (指住旁邊的小男孩), 佢今日都係咁叫住Samuel個名….

點解咁多人唔叫淨係叫Samuel呢?! 難道靖天……. emotionemotionemotion 原則上我唔反對小朋友咁細個拍拖, 但能否找一位比較高大英俊的?! 媽咪已經揀左舊肥炭做老公, 實在唔想靖天步我後塵…. emotionemotionemotionemotion

 

2009年7月31日 (星期五), 又陰又晴

跟昨天一樣, 入到電梯已經放下靖天等佢自己行…..

出到電梯….  已經唔要我拖… 開門後, 仲自顧自的走入去…. 開門的老師不是詩詩和Ms Ellen, 入左門口後的心肝有少少想縮沙~! emotion 還好轉頭已經見到詩詩老師…. 靖天見到詩詩老師就拖住老師想入課室….. 還好, 臨走前不忘向我揮手說再見!~!! emotion

放口, 聽到Ms Ellen帶住靖天出來… 不過就聽到靖天係咁叫”媽咪”….”媽咪”…..

出到黎,….. 點解眼紅紅既?! emotion

原來Ms Ellen話剛剛放學前, 要佢坐好先放學, 佢唔願意….. 老師又唔開門, 就喊左幾聲….

似乎….. 老師已經又多添了一些新規矩俾靖天, 不再好似之前咁, 有”優先權”離開…. 是好事啊, 雖然靖天算是哭過, 但至少是因為新的規則, 她不適應才會有如此反應…. 証明靖天已在慢慢的進步著… 加油!!! emotion

今天表現一如前兩天, 穩定, 沒有哭鬧….. Ms Ellen仲話要佢學下點著襪, 著唔到都試下”拉”……. emotion ….. 笨手笨腳的靖天… 要多多努力加油了!!!! emotion

2009年8月01日 (星期六), 晴

今日上堂, 嘗試爸B都一齊上中心, 好讓靖天感受一下同時跟爸B媽咪講BYEBYE的感覺….

越來越習慣的靖天, 出到電梯, 已經識得”叮噹” (扮聲)…. 叫老師開門….

開門後, 靖天就自顧自的入去…… 也不忘跟爸B媽咪揮手BYE-BYE!!! emotion

放學時間到了…. 出左班房的靖天似乎直奔門口, 還不停大聲叫著”媽咪…”, “媽咪…. ” 爭O的甜死左在門外等待的我…….! emotion

見到Ms Ellen, 當然要問問情況….

呢個星期已經無點喊, 明顯地有進步, 不過仲係好依附 (attachment) 詩詩…. 如果詩詩老師行開左, 佢會…. 有點兒”自我安撫”的表現…. 說著”爸B”… “媽咪”…. 通常我 (即Ms Ellen)都會同佢講詩詩老師出左去, 轉頭返, 然後佢就會靜下來…..

其實平時2個鐘既課堂佢會做咩架?!

佢最鍾意係刮玻璃….. (屋企有麻, 呵!) …. 每日都會刮下….. 仲有係”感官範圍”內的東西….. 例如”插魚骨”….. 18-22個月既小朋友都係對呢o的興趣大一點… Practical Life就少o的, 始終仲係好BB (Ms Ellen最愛用”bb”來形容靖天), 會洗手, 但需要我地協助, 當然, 咁細個, 唔識自己洗手係好正常既表現.

佢對水彩真係無恐懼?

真係無….. 聲音同埋水彩都睇唔到有任何恐懼!

平時既水彩係佢自己主動畫的?!

當然啊! 我地唔會叫, 或者迫小朋友做工作的! 我們設了一個範圍, 將水彩同畫紙放在地上, 佢地鍾意就會自己去畫… (唔怪得靖天唔係堂堂都有圖畫攞回家啦!) ….. 媽咪也十分驚訝…. 下?! 靖天自己畫圖畫?! emotion

專注力有無好左少少?! 還是樣樣掂一下就走左去嗎?! (第1-2周老師的評語)

好左少少…… 會玩上一陣子, 不過佢仲好細, 其實真係唔洗太擔心… 佢肯參與Circle Time已經好難得了…~~~ (Circle Time佢都願意坐下來?) 對啊….. 會一齊圍圈唱歌仔啊!!!

不要給太大壓力自己麻, 佢會感受到的……. 靖天的表現已經十分唔錯了, 俾多少少時間佢啦~~~emotion

emotionemotionemotion ================================== emotionemotionemotion

已經上了一個月課的靖天……. 已經成熟了許多, 又長大了許多…

至少在”喊”, “要媽咪”這方面做得十分成功…… emotionemotionemotion 這是十分令人鼓舞, 又十分值得稱讚的~~~~

還好靖天”收聲了”, 要不媽咪還會懊悔繼續付幾千個大洋給靖天去喊呢!~!

黎緊呢個月, 希望靖天會繼續努力, 可以多培樣一些專注力和耐性…..

著實媽咪也得意外, 從Ms Ellen口中聽到靖天自覺地畫水彩, 掉垃圾, 食餅餅, 飲水水…. 這都是主動自覺的好表現, 希望心肝能繼續這樣!!!! emotion

最開心莫過於靖天會坐下來參與Circle Time….. emotionemotionemotion 還記得上2個月, 靖天上Baby Buddies時, 還是走來走去, 坐唔定, 也會扭計唔聽話!!! 原來心肝已經在不知不覺中, 長大了……. (難怪在家中, 晚上媽咪跟她說故事, 她也願意坐下來聽上3-5分鐘吧!!!)

明白自己過於心急….. 往往希望女兒能一步登天…..

回想又發覺其實靖天也不算最差!!! 雖然不是最棒最叻的一個, 但至少不會是包尾的那個….

中規中矩的表現, 也許就是靖天自己選擇的學習模式和方法…. 縱使媽咪如何迫, 如何推, 也迫不來, 推不來……

努力學習”放鬆”的同時, 也慶幸有如此一個懂性的女兒……

適當的時候, 她總會當適當的事, 去調節返自己, 也調節了這個媽咪…. 

媽咪會繼續努力做個好媽咪…… 靖天您也要繼續努力做個乖BB啊!!! emotionemotionemotionemotionemotion

(387)

Comments

comments

一般留言 (20)

  1. 靖天真係好叻女呀!!!近排太busy…所以冇人黎睇佢
    現+已經識講咁多野又識同你對答真係大過女好多la
    呀…..我開始有d擔心jason係有語言障礙
    由佢5個月到現+都係識baba/mama/mummum

  2. 靖天其實一個星期上幾多唔同課程㗎?

  3. 你真係好有心機,慢慢地教靖天仲每日幫佢update佢進度,第日佢大個睇番,一定勁開心啫!!

    • 我估係我開心多o的, ….. 哈!
      我都係想老左有返o的回憶, 唔會老人痴呆乜都唔記得麻

  4. Sandy (細細個媽媽)

    靖天也開始習慣返學, 下年讀書煩少一樣野

    • Sandy (細細個媽媽) :
      靖天也開始習慣返學, 下年讀書煩少一樣野

      唔係啊, 婆婆話去到新環境又要適應過… @.@

  5. Good.
    其實我之前都問過一些教幼兒班o既老師,關於toddlers第一天/一月上學哭的情況, 點知佢地都話其實小朋友係隨時ready好, 只看大人幾時可以放手俾機會佢地學習成長同獨立, 通常小朋友都係喊幾日就可以慢慢適應, 相反係大人要調節自己, 唔好成日心掛掛咁, 個老師話好多時d家長見個小朋友喊, 心痛, 又喊埋一份, 變左惡性循環, 影響左個小朋友更加唁想返學.
    加油啦, 靖天媽…

  6. 好好啊 !! 返學已經成為靖天生活一部分 亦 享受其中 @@@
    靖天已經好獨立了 !!!

  7. 靖天開始學識獨立o刺!!
    “自顧自”行入課室, 好叻女哦!!

  8. 靖天媽咪終於可以放下心頭大石了…

  9. 靖天好叻女ar, 可以自己行入課室.
    我家小祐祐就唔多惦, 上星期返左3日, 雖然只係交手個時哭, 但miss就話佢唔肯入課室, 只係企o向門口望住人地工作, 點解會咁架! 結果3日都係1個鐘就走人. 希望佢今個星期會好d啦.

    • 不是不是, 靖天已經上了近一個月了….. 佢頭一個星期都係咁架…. 會喊, 不過願意入課室, 但要老師抱住咁囉…

      慢慢會適應下來, 靖天是小師姐, 這是真的, 不要太過擔心!!!

      試試在家多跟他說”上學的情況”, 會有幫助的!!!

  10. 靖天萬歲emotionemotion,等待Eloise都有咁的一日。

發表留言