,

『真實舀豆豆篇』*** Home Playgroup ***


靖天: 『UM……. 好味!~!!! 』

舀豆豆是”倒沙”另一個靖天最愛的小玩意…..

也許跟”煮飯仔”模式有點似, 所以靖天特別鍾愛吧?! 但媽咪安排這麼一個玩意, 是想她訓練”舀”的技巧, 可惜…. 靖天並不領情….

然後, 在第一課BC跟Ms Ellen傾過”玩什麼”的問題後, 她說在家根本不用給這些玩意, 應該直接給她舀飯仔, 舀食物… 舀豆豆這些只應用在課室, 因為課室不能無時無刻都供給食物小朋友練習……….. emotion

要靖天舀飯仔, 也需要婆婆的協助……. emotion 然後婆婆目標只有一個: 靖天乖乖吃光飯仔, 就滿足! emotionemotionemotion

這天早上, 靖天又再拿了舀豆豆出來玩…….


唔食得既”豆豆”, 靖天都係偏向用手….

一如以往, 她選擇了”倒”….. “左倒右倒”…. 樂此不疲的……

著她用匙舀豆豆呢…. 她似乎並不情願, 更加不理會我~!!!! emotion


還是選擇倒來倒去….

想起Ms Ellen的說話, 決定抽起膠粒, 換成小饅頭……

結果靖天竟然肯用匙舀起饅頭來吃… emotion


換上可以食既小饅頭… 情況就不一樣了

正如靖天婆婆說: 您荒佢大個唔洗自己”畢”黎食咩…….

但係這是自理能力的一個重大環節啊!!!! 第時返學, 佢唔識自己食, 邊個餵佢喎…..!!!

靖天婆婆竟然話: 咁咪仲好, 有老師專人照顧, 有著數!

………………. 俾婆婆激到噴曬血的媽咪, 不想爭辯下去…… emotion


其實真係好鍾意見到靖天用匙黎食野….

其實近呢半個月, 靖天已經嘗試用匙舀食物, 只係缺乏練習的她, 往往都天一半地一半…

加上極度厭食的靖天, 佢唔願意食, 點迫都迫唔黎….. (朋友們也知道靖天媽媽曾經試過強行張開靖天的嘴咀塞她吃糊仔吧?! emotion)

正如健康院姑娘講: 長得好, 唔代表食得對!!! emotionemotionemotion

現在唯有寄望靖天靈靈性性, 唔洗迫唔洗練都慢慢學懂自己進食….. 如果唔係真係成世都唔洗戒奶了….. emotionemotionemotionemotionemotion

 

(227)

Comments

comments

一般留言 (16)

  1. 唉! 喂食嘢真係一個幾頭痛的問題…早餐和午餐都可以由佢, 喜歡食多或少…但晚餐唔喂飽佢即係=成晚唔晒瞓因佢唔飲奶粉所以瞓前無得話俾支奶佢等佢食飽飽先瞓…如果佢肚餓佢就會係咁起身吵要埋身食但我邊有咁多可以俾佢食到飽為止…

    至於自己”畢”嘢食, 佢只會食餸, 想佢”畢”飯就難了…如果由佢又驚會养成偏食的習慣…

    • 哈哈…. 梓朗都係一個揀飲擇食的小b?!
      不過已經好過靖天了….
      我們唯有繼續努力吧!

  2. 我就比言言用匙更食生果囉!因為係佢至愛,跌落地會比我掉,所以佢會好小心,不過最後都係用手多,嘿嘿!

  3. oh~~~原來靖天同嵐嵐都有同樣嘅問題, 都係唔多鍾意食野, 又係零食除外…唔知靖天平時係點食飯呢… 因為平時公公婆婆負責湊, 婆婆餵飯係需要極點嘅耐性…快則1hr, 慢則2hr…

    依家嵐嵐同我地一齊食飯時會比佢自己”不”飯黎食, 雖然唔係”不”得太好, 不過我地都唔理佢, 由得d飯跌, 起初佢”不”唔到, 佢就成隻碗攞起比我地, 一係就快老皮碗都掉埋…後來有人教我, 總之佢做咩都唔理佢, 佢覺得引唔到你地注意就會自己食, 試完之後, 真係得wor…

    雖然平時餵飯佢食得小, 不過同我地咁樣食都可以食到大人半碗, 都算ok…

    學我媽話, 總之比佢試啦! 佢突然間有一日會識架啦! 但係唔試就一定唔識lor…

    • 對啊, 佢連零食都不太好….. 頭痛死了!
      婆婆就好有心機餵, 但我就無了, 如果佢唔食的話, 我就會收碗….. 最多下餐早少少餵佢囉… (佢都唔會肚餓既)

      嘩, 嵐嵐好叻啊… 靖天不會這樣, 不停叫你, 叫到你應佢…. 見你嬲嬲地又會扮喊同你講對唔住….. 唉…

      你媽咪都好啊, 肯俾佢自己食, 我媽咪就no喇.. 佢但求餵曬靖天就算了;

  4. “連零食都不太好”…真係好難搞wor…

    不過嵐嵐都好蝦我地架, 因為我地都要返工, 到sat / sun 會同佢去玩(婆婆都要返假嘛), 不過呢2日就食得好差, 通常我地只係可以餵10啖以內, 之後佢就會周圍行/玩, 一路含住啖飯唔吞, 其實所有bb都會蝦自己pama呢…我個做法都會同你一樣, 唔食就算, 反正佢總之見到我地個心都係掛住玩, 野唔食都no problem, 真係激c…

    • 所以真係叫曬救命………. @.@
      我無乜耐性同佢”磨”麻, 哈哈………… 所以如果撞到一餐半餐佢好乖咁食曬, 我會勁開心呢~~~

  5. 我都食過呢d小饅頭呀,甜甜地好好味架

    • 莎莉蛋糕 :
      我都食過呢d小饅頭呀,甜甜地好好味架

      其實對小朋友黎講真係太甜….
      不過俾佢練下玩下, 都可以…既~~~

  6. 我仲擔心緊自己無乜點比anson舀野練習, 宜家比你提一提, anson晚晚dinner都有自己舀飯飯, 好彩~~~

  7. 好好喎 …. 舀得好好呀 @@@
    俾靖天多 d 自己舀飯食啦 ….
    舀舀下就好似聰兒咁 … 大胃王 .. 哈哈

    • 咁都叫好, 聰媽對靖天太仁慈了……
      聰兒就勁啦, 白飯都食得曬… 分一半叻俾靖天就好了

  8. 試下去jusco十元店買小饅頭呀
    奶味重d,又無咁甜 ^^

發表留言