時光倒流9個月~~~~
開心左18個月…. 係時候, 重投它的懷抱……..
兜兜轉轉, 在這個行業已經幹了差不多3年…….
還記得過了試用期, 就係咁OT, 放假明明約左人都走左去…. 為既只係 
….
試過由星期六下午, 一直工作到第2朝天光…. 然後回家沖個涼休息休息就跟老公過大海….
辛苦, 但每當月尾看見戶口忽然多左咁多 , 幾辛苦幾無時間都值得!
然後, 有左靖天, 縱使腹大便便都無間斷過 (只係首3個月病到十彩迫住返唔到)…..
仍然係不停返, 放工返工, 放假返工…. 安排到就走左去返工… 為既, 又係~~~
直至靖天出世的前一個月, 才停下來, 怕太激心太緊張, 在辦工室作動就不太好了….
然後… 產後2個月, 又繼續….. 掛心靖天, 也想趁她沒有太多”意識”找多個錢, 多買幾件衣服過她…… (還記得上年, 每每出去都係帶住個奶泵…. 騰到時間就鼠左去整彩虹牌… 辛苦, 不過仍然回味!)
然後靖天漸大, 要帶她上PG, 帶她檢查, 周末, 放假更加不願意掉下她…… 閒時能夠相伴的時間已經好少, 如果假日都走左去, 實在過不了自己~~~~~ 適逄大地震, 小薯仔如我, 保住了職位, 卻無限期停薪停職….. (仲好, 唔洗煩!!!)
到上2個月, 上司開始致電要求周末周日上班…. 時間卻不太爽~~~ 推了又推….
其實不停給靖天理想的學習, 我們也需付上相當的銀兩啊!!! 奈何家窮, 爸B只能給我們飽飯和一個不會塌下的家, 其他, 都要再張籮張籮……
既然節不了流, 就得想想辦法開源……
終於…… 為著給靖天更多的課堂, 決定重新安排時間…. 不在偷懶… 
踏入盛夏的這一天…… 媽咪上班去了….
公司轉到了新地方, 某程度是方便了, ….. 這處本身已經係一個”好高級”的地方…. 在此返工, 還好上班前跟同事打探好, 如果唔係都唔知呢度原來咁”玄”……….
先係3樓坐一條扶手電梯上一層, 就到達8樓 (有鬼呀!!!!!! 
)
然後好似IFC咁, 要拍咭入閘…… (但唔知邊個位拍囉~)
繼而電梯入面又係無制禁, 其實張咭已經set好左你去邊一層 (好先進呢!!! 
)
連OFFICE既洗手間都要拍咭先入得…. 仲要洗手間入面竟然有溂口水使用
Pantry飲品需要入密碼 (唔洗入錢)…. 但又唔放雪櫃, 好神奇!
新環境當然靚….. 無敵大海景 (遇上大風雨都幾驚~!!!) 真係做野都醒神o的…. 
在那層那家, 就不方便多說….. 但指示牌, 給我感覺: 嘩!! 好勁呀~~!!! 
坐電梯落返地面, 又係拍咭….
無驚無險夠鐘收工, 工作量不是想像般多…. 但效率明顯地比9個月前低了許多!!! 
感覺也不一樣了… 似個新人, 卻又老得很… 同事間少了很多交流…. 已婚仲要有小朋友既只得我一個… 感覺永遠都是怪怪的! 
放工後, 才知道, 整天心緒不靈, 原來是因為它…….. 
極速回家 (都係45分鐘~~~) 靖天已經在家等著… 看到我笑了…. 爸B話接她回家後, 看不見我, 滿臉失落, 沒有了笑容, 跟她說話也沒聲沒氣似的……
吃過飯後已經10點半…. 靖天捽捽眼睛, 就帶她入房休息…… 相處的時間少了, 靖天沒有扭計沒有發脾氣, 只是嗲一點, 痴身一點…… (訓訓下唔知點解”游”左出黎訓在我懷中?! 
)
未來將會有更多這麼樣的日子… 心肝: 您能支持到嗎?!
雖說有錢唔係萬能, 但大家都明白無錢就萬萬不能…….
我們都想找個可以令我們衣食無憂的老公和爸B, 閒時HIGH TEA行街買衫衫, 卻又遍遍遇不上 
… 還好未去到憂柴憂米整天為錢嘈嘈閉…. 也感謝自己還有手有腳, 縱使有朝一日老公唔要我我都可以自食其力…..
一個月辛苦好幾天, 換來更多的享受和快樂, 靖天…… 我們這就試試看, 好嗎?! 
幸福似距離我很遠, 鬼叫你窮唯有頂硬上……
假使有朝一日我不再揮霍, 可能也可以做個幸福小奶奶~~~!!!!
靖天媽媽, 努力吧!!!
(280)
其實靖天媽做呢個決定前必也巳經考慮到點做對靖天嚟講係最好…既然無得十全十美咁就唯有做出取捨…靖天始終有一日會適應到沒有媽媽常伴的日子, 到佢再大一點佢又會明白為何媽媽不能常伴左右呀! 所以靖天媽咪你要加油呀!!!
也是的, 兩者之間在努力取得平衡, 但願我會成功~!
有工作，工作回饋加可以強對靖天的投放。
既可以實踐對靖天來到世界的責任，亦透過工作証明自己的能力。
靖媽，生活再苦也有其含意。
下面你回應其他讀者，你與靖爸吵架時鮮為人知。
原來：
你有丈夫，丈夫亦理會你。
其至為了外人不知的事與你爭論得面赤耳熱。
其實一切一切都是你所擁有的呢。
因為你有靖爸和靖天，也有這裡，還有很多的讀者來支持你們仨。
總比孤獨的路人甲好得多了。
為何路人甲每每道出的留言, 都會令我如此感觸, 如此感動…….
真的有意思, 希望路人甲常來, 給我多一點智慧啊!
靖天媽要加油呀!!!!!!!十萬個支持~
謝謝你啊! 會努力的了!
為咗提供一個更好既童年生活比靖天, 你要加油呀!! 相信靖天會明白的!
謝謝你啊!
加油呀! 老婆!!!
有我同靖天撐你!!!
知道喇……… @.@
那裡呢 .. 你很幸福的啊
有這個爸 b 才會有這個小天使靖天呢 !!!
爸 b 愛惜你兩的程度 … 實在令人心甜呀 !!!
每次看到 “咱們仨” 都感到你們一家超幸福 @@@
一個月幾天 .. 相信也可以令靖天更易獨立啊 !!!
努力吧 !!!! 加油吧 !!!!
你太誇獎了, 我地嘈交時你不知道呢…….
希望靖天能適應一下…. 但願….
你絕對明白呢個世界嘅遊戲規則呀!
“鬼叫你窮唯有頂硬上”…真冇錯, 我都係一樣呢!
學聰媽話, “一個月幾天” …
總好過我地一個星期五日嘛, 說真的, 比個機會靖天試吓暫時papa mama唔起身邊, 都未嘗唔係一件好事呢! 係咪!
你誤會了…..
除左一星期五天的正常上班, 我還需要多加幾天的晚上… 這就是我憂心亦都唔開心的地方了…
啊! 原來搞錯咗, 咁又真係幾唔開心wor, 因為又少咗時間見靖天, 2來又要再諗吓叫邊個take care佢, 雖然婆婆會幫手, 不過playgroup方面始終都係parents帶會好d, 呢個都係我一直唔比嵐嵐返playgroup嘅原因…
不過都冇法啦! 都係0個句…
鬼叫你窮唯有頂硬上…
現實就係咁殘酷…
係呀, 係幾失落.. 但又真係無辦法…
可以跟她百無聊賴的渡日, 但又唔太想……
對啊, pg自己帶會好一點, 多點體會麻, 又是一個親子活動呢………
一齊加油吧!