減肥惡果?! 成身骨火?!
兩隻手都搞成咁….. 叫我如何是好?!
話說產後無耐已經開始減肥……. 目的是希望生完靖天還可以穿上三點式跟靖天暢泳去…. 結果, 今年, 我做到了! 
做了大半年的通淋巴, 眼見身型已回復不少…, 淋巴姐姐說肚皮的位置其實都需要做機收緊 (或做運動)… 思前想後, 走到以前那家美容店, 看看有無辦法……
辦法當然有, 只是銀兩問題麻….. 
做了個多月機, 明顯地一些位置是firm了, 腰位也沒有再腫腫的… 正好趕得及今個夏天跟靖天踢浪去~~~~
然後… 成功了, 就會懶惰下來….. 
繼而, 開始暴飲暴食…..
發福了, 才想起療程還沒有做完…. 那就再去做做機, 輕鬆一下吧…… 
開始的時候都沒有什麼問題…. 還舒服得睡了又睡…..
輪到做”手“的位置….
Body妹妹忽然問我: 『你隻手好攰呀?! 』
我: 『唔係呀….』
Body師: 『成日搬重野咩?!』
我: 『梗係啦, 成日抱住個女… 都重重地架~!』
Body師: 『唔怪得啦…. 你隻手好紅喎….』
朝手臂一望….. 嘩!!!!!!! 嚇死我喇….. 點解紅成咁架??????
我:『嘩! 咩事呀?????? 
』
Body師: 『好多痧呀….. 起曬出黎…. 你以前有無做過呢個位架?』
我:『有呀, 但未試過咁紅架….. 點會咁架?』
Body師: 『太攰喇… 積住好多火o係入面…. 無事既, 刮左出黎就舒服好多架喇~!』
右手….. 一樣恐怖~!
刮痧, 拔罐, 呢o的已經成日聽,…. 媽咪屋企仲有部拔罐機, 平時用黎幫老豆拔罐….. (自己又拔下), 仲話勁有效…..
一直都唔多信搞到自己紅曬瘀曬就叫”有痧”, 或者叫”出火”….. 
呢一日… 唔信都唔得~!
做過咁多次, 都無試過好似今次咁, 兩隻手臂都紅曬…… 好似俾人打完咁~!
回到家老公望到也嚇一跳我在搞什麼~!
晚上感覺兩手是”輕”了… 但是否真的叫”舒服”… “出左火”…. 就唔知道….
淨係知道, 療程的第2日要出席飯局, 打算穿小背心…. 但……. 搞成咁?! 唔著長袖都唔得啦!
刮痧
刮痧是盛行於我國民間的一種治療、保健方法。『痧』是民間的習慣叫法。『痧病』是一種夏季常見的疾病，生了這種病的人，在皮膚上輕輕刮幾下，可以刮出紫紅色的血斑像是小出血點中醫師稱為「出痧」。健康的人或是患有其他疾病的人，有時也能夠在皮膚上刮出血點，但沒有痧病的點色深紫，而且刮後局部皮膚色素的存留時間也沒有這樣長。
甚麼是「痧」?
「痧」在傳統醫學是「陰陽失衡」造成的瘀積，痧也就是瘀積體表或經絡內的有毒物質。可以概括的說，就是身體某個臟腑系統器官功能失常，以致臟腑無法正常吸收營養或新陳代謝物質無法正常排除，瘀積在相關的經脈，累積而成的病，由反射區等部位顯現出來。
刮痧原理
刮痧是在中醫的經絡學說和生物的全息理論指導下進行的，用刮痧板在體表連續刮動，利於疏通經絡，對多種疾病有治療和預防作用。
刮痧與美容
刮痧美容主要用於以下幾方面：
1、刮痧對皮膚的作用是使皮下充血，毛細孔擴張，穢濁之氣由裏出表，體內邪氣宣洩，把阻經滯絡的病源呈現於體表；使全身血脈暢通，汗腺充溢，而達到開泄腠理、痧毒從汗而解。同時，可使皮脂分泌通暢，皮膚柔潤而富有光澤，膚色紅潤，皺紋減少，還可以減少脂肪，加快代謝和有助於減肥。
2、刮痧對血管的作用是通過經絡腧穴刺激血管，使人體周身氣血迅速得以暢通，病變器官和受損傷的細胞得到營養和氧氣的補充，氣血周流，通達五臟六腑，平衡陰陽，可以產生正本清源、恢復人體自身愈病能力的作用。
3、 刮痧對人體免疫功能的作用刮痧可以促進正常免疫細胞的生長、發育、提高其活性，同時可促進淋巴細胞、白細胞和其他免疫細胞對病毒、細菌的過濾和吞噬作用。此外，刮痧可使人體的組織胺、類組織胺及乙酰膽鹼分泌增多，使其攜帶氧氣和血紅蛋白的數日相應增加，從而加速免疫細胞營養的補給。這些都有助於人體自身免疫系統功能的提高。
4、刮痧對消除疲勞、增強體力的作用是在超負荷工作和大的活動量之後，人的肌肉由於過度緊張而收縮，使肌肉內代謝的中間產物–乳酸大量積聚，人就會感到全身疲勞、肌肉酸疼。這時，通過刮痧可使1/5的乳酸氧化成二氧化碳和水，4/5的乳酸還原成能量物質，從而使全身肌肉放鬆，肌張力降低，人因此消除疲勞和恢復機體的工作能力。
(522)
想請問一下, 你係做咩機FIRM返架?
大約幾錢?@@
THX^^
RM6, 一個PACKAGE咁買, 唔記得幾錢一次咯
我想問下有關coco人手通淋巴資料
nochoice83@yahoo.com.hk
SENT
我以前都會拔下罐, 我濕重, 拔完真係好爽gar, 不過d手腳就有排都唔見得人 =3=
真係架?! 我真係娘….. 咁遲先識呢o的野~!
hey! 你應該諗爆咗出黎咪重好, 唔係到靖天再大d0個時, 紅到連肉色都睇唔到咪重嚇人…haha~~~
其實咁又係………
真係舒服好多~!
拿重野多就會?!
係喎………
你唔係去做機咩 ? 點解會變咗抜罐
可唔可以介紹下where, 我都想出出火..hehe
我不是呀~! 係做機, 但部機本身有”保健”作用, 結果推了兩推, 就推左o的”火”來…… 嚇人吧~!~!~~!!
介紹?! 今次唔介紹啊, 我唔想你破產……… =.=
我也試過刮痧(通常作感冒時), 刮完又真係舒服d喔, 成個人會覺得”輕”咗特別係個頭…
係呀?! 原來作感冒都有用?!
不過….. 呢個星期我都去左刮瘀, 真係好好多啊!
都應該真係好爽下喎 !!
雖然紅晒 ..但 覺得 輕左喎 ….
19 個月抱靖天既攰 .. 一次過出晒黎 .. 爽爆呀
嚇死左就真~!
咁body妹妹有無話幾時散呀?
佢話幾日….. 實情係4-5日…..