老公…. 我想…..
老婆: 『我想…… 好無o者?!』
老公: 『妳話點咪點囉… 老婆仔~~~~』
從前…
有對夫婦…..
有1日………………….
老婆: 『拿…. 老公~~~~!!! 我想同你講少少野!』
老公: 『你講啦….
(心知不妙) 』
老婆: 『拿, 咁我地係咪好耐無去旅行先?!』
老公: 『唔係囉! 年頭先去黎….』
老婆: 『拿, 咁年頭, 到依家, 都成8個幾月啦, 係咪先?!』
老公: 『係…. 』
老婆: 『咁8個幾月係咪好耐先?! 靖天都20個月大咯!』
老公: 『唔覺…. 8個月就好似係琴日既事…. (開始知道發生咩事~!) 』
老婆: 『但係你唔覺得生活好枯燥, 工作壓力好大, 好想去RELAX下架咩?』
老公: 『我覺得一家三口去旅行, 壓力仲大, 仲辛苦喎~! 
』
老婆: 『耶….. 乜你咁架?! (開始出”耶“功!!!) 』
老公: 『哎呀…. 老婆… 咁你想點呀?! 
』
老婆: 『我要去旅行!!! 
』
老公: 『嘩, 年頭先去黎, 一年未到又去, 我地無曬錢架喇!!!老婆呀… (下刪二千五百字既訓話!) 』
老婆: 『我唔理… 樓下張師奶又去左日本, 隔離座葉師奶又去過澳洲, 我地去泰國咋!』
老公: 『又係你當初話要返”鄉下“既~!!! 』
老婆: 『唔……….. 老公呀!!!! (出埋”嗲”功)…. 』
老公: 『無得傾呀, 你老公我就黎俾炒架喇!!! 仲亂洗錢!~!!! 』
老婆: 『你係咁喇麻?!
…. (最後黎個賴地硬) !!! 』
老公: 『好喇好喇~~ 去埋呢次3年唔准再去旅行, 好無先?!!!』
老婆: 『好啦好啦…. 到靖天大個O的先去囉 (啋你都傻, 奸計得逞, 出年至算!) 
! 』
靖天快2歲了…. 2歲前, 機票錢實在吸引, 唔去實在走寶…. 可惜銀兩有限… 唯有近近地, 叫做坐多次飛機, 對靖天對自已有個交代就算~~~~~
只怕去埋呢次, 真係有排都唔洗去….. 
老公老闆, 你靈靈性性, 千祈要長命百歲… 我地仲等住你開飯架!!!
.
銀兩唔多….. 又唔想返鄉下….咁~~~~ 去邊好?!
(179)
係就係靖天未返學之前去多兩轉啦
我都有排唔會同聰兒去旅行 …
之後得暑假時段 … 太貴太多人了 .. 哈哈
我都想去多幾轉, 無銀兩呀………………
耶~~你就好啦, 又去旅行 ~
去埋呢次無得去咯!
咁去邊丫? 台灣?
嗯嗯; 你一早估中了啦……..
一於去日本啦~
日本太貴了吧………..
見到你地兩個對話好攪笑，不如去台灣，
台灣就是我們的選擇啊!!!
睇個標題以為你哋想….生多個添~ keke
啋………大吉利是;
其實可以一家三口去旅行, 相信去邊都一樣咁開心…
其實都係…… 嘻!