靖天在會在希和彤彤 + 圖書館奇遇記
靖天: 『彤彤? 在希?! 弟弟同妹妹喎…. 係咪帶得返屋企架?!』
認識小婉子, 已經是多年前在ESD上…. 大家都選了同一家公司拍婚紗照, 傾下傾下, 就好一段日子了….
然後各有各忙, 但間中都會閒聊幾句…. 傾傾湊仔經…. 小婉子的囝囝在希, 是0807的寶寶, 比靖天小半年多….
小婉子的朋友仔, 阿青, 也是她的網友啊, 她囡囡彤彤, 也是0807的寶寶…
好耐之前, 小婉子已經向我說咱們仨有一位超級粉絲…. 每天都會追看咱們仨, 感謝之餘, 也暗暗開心, 原來寫下的文字, 拍下的照片, 會有人默默在支持…. (也就是好幾位無名氏支持者, 靖天媽媽才繼續寫下去….. 謝謝你們喔!!!!) 
有一天, 在希媽媽告之我, 彤彤會說”靖天”…. 而且還給媽媽拍下來, 想放在網誌, 問我是否介意她的囡囡會叫”靖天”….
可以說介意麼?! 介意, 就是介意為什麼不是先教彤彤自已的名字, 而是教一個從沒見過的BB名字?! 傻了麼?!…………. 但眼淚, 卻又暗暗的流下來…. (我想, 任何人, 都希望自己的兒女, 多人喜歡吧….) 
實在要見見彤彤本人, 也要見見在希啊!!!!
本來約會因為時間不合而告吹, 但3位媽咪都十分有心, 遷就一番, 就約好了!!!!!
.
這天, 跟靖天上課後, 我們先到荃灣找通淋巴姐姐, 她說買了一件小衣服要送給靖天啊! (謝謝….. ~! 
)
然後, 見還有時間, 又不想跟靖天走來走去, 就到附近的圖書館看看書….
對上一次進圖書館, 大概已有幾個月….. 媽咪也想看看靖天走進圖書館, 會否跟以前不同?!
結果, 一個又一個驚喜, 出現在這個荃灣圖書館…..
靖天沒有東奔西跑, 一進圖書館, 媽咪解釋幾句後, 心肝就去揀圖書….
選了一本圖書, 就拉著媽咪一起欣賞….
看完了, 竟然將書放回原處 (當然, 正確位置還是錯的 
), 要是放不進書架, 靖天還會耐心的放呀放, 放呀放…. 但求放得正, 放得好, 才收手!!!! 
好了, 再選另一本…. 心肝這次似乎不大願意坐在小梳化上閱讀, 而是走到遠遠的小桌椅, 先將圖書放上枱, 然後拉開椅子, 坐好, 再翻起圖書來看…..
翻了兩翻, 又走到拿出來的書架前, 努力的將書放好,…. 再找第3本….
如是者, 來來回回, 也好幾遍了….
直至看見坐在梳化上的婆婆… 這位年老的婆婆大概是跟著孫兒外出走走吧?! 孫兒沒有理會她, 她就獨個兒的坐著….
靖天: 『婆婆…. 呢隻係猩猩黎架! woo woo woo~~!!』
靖天初時有點好奇, 又有點怕…. 媽咪著靖天不如跟婆婆一起分享, 一起看書…
靖天想了一想, 竟然真的打開書本, 跟婆婆一起看起書來!!!!
看完一本, 放回原處, 又找第2本….
這次, 還要找婆婆 (因為小梳化剛好被CD架遮著, 看不到…), 心肝還搞笑的說: 『婆婆…. o係邊呀?!…..』
像足一個小大人….. 
靖天邊看, 又邊扮動物 (是一本動物書啊) ….. 引得婆婆不停發笑…..
最後, 心肝還跟婆婆握握手, 說聲BYE-BYE, 來個飛吻, 依依不捨的離開圖書館……
但願, 我家的靖天, 長大後也能保持著有這個愛心, 與人分享, 會尊重老年人…. 這種教育, 媽咪實在不知道怎樣教才適合, 只希望, 在您年少的幾年裏, 好好感受一下….
.
.
離開圖書館, 媽咪帶著靖天坐港鐵到在希的家, 一點也不難找啊, 因為媽咪耐不耐就會到這附近逛逛麻~! …..
彤彤和阿青已到了…… 靖天還沒有脫掉鞋子, 已經想進入在希的玩樂圈….
心肝, 您可真懶玩啊!!!!!
靖天: 『咁大隻叮噹既…. 好得意呀!』
在希: 『彤彤…. 哎呀, 唔好意思, 摸親妳隻肉手添…』
在希和彤彤比靖天小, 當然靖天要表現一些”姐姐”風格麻!!!!
結果…. 心肝沒有搶玩具, 但就十分鍾意打小報告…. 
在希唔小心整親佢, 靖天竟然話: 『哥哥打我…..』
已經解釋了十多遍在希唔開心的原因, 但靖天卻似乎不大理解….. 好笑, 卻又頭痛~! (唔小心打左您一下O者, 唔洗記咁耐麻?! 再者, 人家是弟弟黎架, 雖然高過您…. )
然後彤彤想摸下佢個熱水樽, 佢唔俾, 又話: 『妹妹搞我呀….』
心肝呀, 妹妹想摸下睇下O者…. 唔洗下下都同媽咪報告麻?! 人家又唔係有心既~~~~
記憶中媽咪小時並不愛”打小報告”, 爸B也不似是這類人, 何解心肝會咁?! …..
這個行為, 其實十分可愛有趣, 只是媽咪擔心到靖天大一點, 還是這樣子, 那就注定會變孤獨精….. ……
.
打完小報告….. 心肝發現左呢張櫈….. 也不理媽咪就走上去坐下來, 看似十分享受的~! 
屋企都有啦…. 平o的咋麻~~!!!
趁媽咪傾緊偈, 心肝….. 又作反咯!
Low Chair似乎比High Chair更好….. 不過… 靖天還是不坐的! 
靖天話擒就擒…. 呢張貴野黎架!! 坐多兩秒喇….. 女!
縱使靖天是大寶寶, 但似乎還沒有真正學懂與同輩交流….
彤彤和在希還小, 當然不知道怎樣辦…
靖天呢, 也因為在希一屋玩具, 而忙得團團轉…. 小朋友麻, 已經不是她杯茶咯!
3個小朋友…. 靖天算最大, 但仍然是零交流的!
然後, 心肝又古古惑惑的, 想嚇彤彤!!!
在希家有一個網床, 心肝還是第一次見呢….
放著波波, 十足一個波波池的, 靖天好奇, 那就給她玩玩好了!
她的興奮, 吸引了彤彤”觀嘗”… 靖天在床內, 又似乎十分享受……
跟彤彤開始玩起來… 巧過癮啊!
網床的波波池, 又真係好玩o的…. 靖天入左去, 賴死唔肯出返黎~!
心肝… 竟然跟妹妹玩起來, 還叫了幾聲”妹妹”啊!!!!
!!!!!! Happy Halloween!!!!!!
當彤彤也走進網床, 靖天忽然覺得不好玩 (自己一個好咩?! ) 經常借意想爬出來…
還好, 網床夠高, 心肝想爬, 也要花花心思…..
想爬出來麼….. 又無咁容易喎!
當彤彤也踏進靖天的範圍…. 情況又變得”零”交流了!
坐了個多小時, 來個大合照, 我們就出發到附近吃個下午茶….
帶靖天外出用餐, 實在頭痛, 因為心肝一進餐廳就會變左8隻手…… 十分嚇人!
彤彤果然是位乖女孩…. 一吃, 就是大大碗的爛飯, 靖天說要試味麼, 才放進口, 已經皺著眉想吐出來…. 媽咪當然Say No呢~! 問她好無味, 唔出聲…. 問她有無興趣再試一下, 擰頭了!
在希呢, 也不弱啊!!!! 無8隻手, 但都有6隻手…. 嚇到在希媽媽差點大叫出來….
去到餐廳… 彤彤餓了, 靖天傻了, 在希也有樣學樣了!
其間, 靖天發生了一個小意外…. 媽咪給那個”凍飲搞搞”過心肝玩玩, 誰不知心肝就不停咬著咬著…. 正當媽咪想會否給無牙的靖天咬斷, 就聽到”啪”一聲…. 
成枝斷左…… 
心肝呢, 當然大哭起來!!! 再看看, 上”岳”已經給弄損, 流血了!! 還好, 情況不算嚴重…
喝點水, 食粒糖, 就無事咯!
可以想像靖天如何將之碎成咁?!
.
在希兩口子多坐一會就走了 (人家要北上”發燒”唷, 嘻嘻!)
留下彤彤跟靖天, 我們多談一會, 見靖天開始累, 也一起離開了….
感謝青青的支持, 也感謝小婉的歡待……
雖然約會的時間不長, 但確實十分自在舒服, 有機會的, 也要多聚一點啊! 讓靖天學習如何做一位姐姐, 學習一下禮讓, 也是好事麻…..
.
(710)
諗起o個日…真係勁唔好意思…在希太失禮了…哈~
我地要快d再約下一次啦~~希望在希有進步啦!!哈~
仲講? 怕咩唔好意思, 小朋友總會有心情唔愉快的時候呢~!!!
期待下次的約會啊!
iawezsil@yahoo.com.hk
Thansk!
sent
一定一定! 我們一起努力啊!
yeah!!!! 加油! 加油!
靖天happy halloween0個幅相真係超級爆笑…
都好羨慕你同靖天咁多朋友仔, 成日都可以一齊出去玩! 大有大玩, 細有細玩, 最緊要都係個寶貝玩得開心!
這應該是一年多前的事了…… =,=
咪玩啦! 依家你都有份玩架! 不過係靖天玩你之麻…呵呵!
係啊…… 真係就黎俾佢玩死…… ORZ!!!!!
您好！
可否給我荃灣通淋巴姐姐的聯絡方法？
Thanks!
你留電郵
小朋友互相交流真係好開心, 又可以睇下佢地果d微妙既關係, 我地d大人企埋一邊睇已經夠娛樂~
靖天要多多觀察, 佢有打人傾向架, orz~
靖天的表情多多，很可愛 ^^
越大越古靈精怪~!
靖天如果係角落位置爬 .. 就好易記得出來呢 ….
我已見識過聰兒怎樣爬出來羅 .. 哈哈
枝棒棒 咬斷了 .. 靖天都幾勁喎 .. 哈哈
咁高, 好難爬啊!
係喎, 棒棒都咬得斷, 係咪抵佢流血呢?! 哼!
靖天好乖巧，識得跟婆婆分享!
靖天媽媽，每天也有追看你的blog，看着靖天成長，雖素未謀面，但感覺很親切呢!
靖天這天真係令我有點意外呢…
Victoria媽咪, 多謝你既支持啊!! 希望有機會可以多多交流, 繼續支持支持!
一路睇你嘅blog, 一路見到靖天的進步，靖天媽你做得很好呢！
因為你由細睇到靖天大囉, 嘻!
杏子, 你才是我學習對象呢!
是否大部份小朋友都不太喜歡同細過自己的小朋友玩呢? 梓朗也是見到大哥哥和大姐姐先有興趣行埋去…
有書本話係, 我都唔太知道…..
好奇怪吧
~呵呵~小孩子朋友要多見面，學習能力便容易溝通，好長晝的一天blog。
多謝分享^.^
我每篇都好長…… orz~!