靖天上學了@ 面試篇 [學校4 – ZENxxx]
靖天: 『媽咪話, 要笑多O的, 甜O的, 先會有學校收架!』
這是靖天第一家面試的學校, 媽咪似緊張, 又似不緊張……….
其實, 實在無須緊張, 讀或不讀, 不是一個人可以決定, 著緊與否, 靖天也不會明白, 也無謂白緊張一趟卻得到壞消息吧?! 這樣不划算啊! 
而且, 靖天這陣子發生一點事令媽咪十分困擾, 面試是否成功已不是當前問題…. 只想帶她見見世面, 取個經驗, 玩玩看就算……. 
.
靖天: 『首先, 要有信心!!!』
隨校長走進班房, 校長著媽咪帶靖天選一份玩具, 然後一起坐下來….
細看, o的玩具, 實在不甚吸引…. 不用靖天選, 也知道她根本沒有興趣… (全都是積林, 併圖似的工作…) 最後, 還是輕輕為靖天取一份顏色鮮艷一點的, 希望可以吸引她長一點時間…
靖天自己拿著玩具籃, 放在桌上, 拉開椅子, 就坐下來玩…….
此舉也吸引了校長的留意…. 說靖天挺乖巧, 會自己拿玩具, 自己拉櫈, 自己坐好….
然後, 校長開始跟媽咪對話……..
『小朋友叫咩名呀?!』 …………. 『靖天』
『幾時出世架?!』 …….. 『1月6日』
『大B黎架喎…… 唔~~~ 第日學野會有著數呢!!!』 ….. 『其實應該分別不大吧….』
然後, 校長又跟媽咪討論大小B的問題….. 當然, 作為一位老師, 當然覺得大B比細B更易照顧吧…. 看校長表情就知,….. 縱使媽咪如何解釋, 也給校長一一駁回…. 
『咦? 唔係住呢區喎, 咁遠, 唔怕辛苦咩?』…….. 『我同爸爸打算….. 所以應該唔會太辛苦』
『點解揀我地呢間學校既?』 ……….. 『其實…….. 』
這時, 靖天已經站起來, 將玩具收起, 欲放回原位!!!
媽咪也來不及反應, 校長已經十分驚訝… 『下? 佢識得自己放返玩具?! 做得好好喎!』
『係呀, 平時o係屋企我地都有要求佢咁做……..』
然後, 靖天又選了第二籃回到位子繼續……..
靖天這時拿起一個玩具, 校長問: 『呢個係咩色呀?!』 …….. 『藍色!』
其實係紅色….. 靖天這個星期什麼都”藍色”, 媽咪還趕不上解釋靖天這陣子的情況, 校長已經在表上打了一個”交叉”….. 還安慰媽咪: 『唔緊要, 佢仲細, 未咁快明白, 慢慢黎!』
如是者, 靖天來來回回三次又放又攞玩具, 最後一次, 還說『好重呀, 媽咪….. 』
校長又表示驚訝:『下? 佢識講好重?!』…… 『係呀, 佢有時會知道…….』
『你地特登教佢呢?!』….. 『無呀, 囡囡唔太鍾意我們刻意教她知識….. 我還是比較喜歡Learn From Experience』…….
『咦? 媽媽都明白呢點喎……..』 ……. 『有時睇書學過, 現在也在進修…』
然後, 校長又對媽咪十分好奇… 問了一些深入一點的問題…
最後, 校長跟媽咪分享了評估表的內容: 『佢都好懂事, 真係好大個, 好多野應該都唔係呢個年齡層會識….. 做得十分好喎! 不過, 語言能力係咪麻麻呢?! 佢未識講自己個名?』
『都唔係呀, 佢都幾多野講架…..』
校長即時問: 『話俾校長知, 你叫咩名?!』 …….. 『 (望望媽咪) 靖天….』
極細聲, 應該只有媽咪聽到…… 最後, 校長再送一個大交叉給靖天!!!!
『不過佢專注力應該不是太好…… 每樣玩具都好快就玩完既?!』
『嗯…. 其實o的玩具, 佢麻麻地, 佢唔係太鍾意積木型既東西…..』
最後, 媽咪找來一份併圖, 就是平常在家玩的那份, 靖天拿出來, 再放回去….. 都放對了! 然後, 校長又滿意了!
臨時前, 靖天發現了洋娃娃, 忽然變得異常興奮, 又異常投入… 終於, 校長認同媽咪了: 『睇黎佢真係對積木沒有太大興趣, 見到佢玩洋娃娃, 真係成個樣都唔同曬……. 』
離開課室前, 靖天將椅子拍回 (又給校長一讚), 就隨我們離開課室…….
校長也熱心帶我們走一趟學校, 看到中間有個好大的playground, 靖天問也不問, 就衝埋去玩…… (理都唔理下媽咪…)
校長: 『佢一o的都唔怕陌生喎! 仲好識得自己去發掘身邊既事…….』
媽咪: 『其實佢依附感好重, 有時會好怕陌生人, 不過….. 唔知點解黎到又無, 可能因為呢o的都係佢鍾意既玩意; 如果老師你要佢砌積木, 相信應該唔會咁投入……』
校長: 『咁只係佢對積木等無興趣而已, 不用太擔心!!! 媽媽你放心好了, 囡囡咁會自己發掘新事物, 待她準備好, 一開曉, 就會自己來, 自己學, 不會有大問題….』
媽咪: 『(心內說) 承你貴言吧, 校長……』
玩了十多分鐘, 媽咪請靖天離去, 竟然得到這樣的回答: 『唔好呀!!!』
校長: 『嘩…. 佢又真係知道唔想, 唔好, 算好清楚知道自己想點喎…. 』
媽咪: 『唔….. 呢方面佢認知是還可以的….. 不過如果太學術性, 囡囡就不行了!!!』
再三邀請下, 終於讓靖天離開playground……
靖天不願離開的程度, 令校長十分開心, 因為有小朋友欣賞這個環境麻, 嘻!!!!
靖天: 『要努力向上!!!』
去到面試中段, 校長已告之媽咪面試的結果…
沒想到, 靖天第1家面試的學校, 會表現得如此自如…….. 實在有點兒汗顏!! 因為這天早上, 靖天在BC哭了一個多小時, 媽咪還跟Ms Ellen在商討靖天的依附問題……
可以看得出, 校長對大B似有特別的情意結….. 也對靖天的自主, 主動十分欣賞……
唯面試時間太短, 很多東東都流於表面, 有些地方, 其實有點兒誤會了靖天….. 
媽咪見工面試時, 習慣跟公司說出自己的問題, 好讓人家明白, 你請的, 不是一個完人, 我也有缺點, 你僱用我, 就得接受這些缺點, 否則後果自負!
在靖天面試時, 似乎媽咪也採用了這個方法……. 其實十分危險, 也十分不理智!!! 
媽咪在這短短的面試中, 最少3次提到靖天專注力不足, 不好疊積木, 也不喜數理玩意….
而且, 靖天的依附感甚強, 上PLAYGROUP會哭, 情緒不甚穩定!!!
這些, 都是會影響靖天將來學習的重要事項…. 與其待老師發現然後跟媽咪投訴, 又或是發現貨不對版要求退貨, 倒不如讓這個媽咪先行報案, 好讓你想清想楚, 是否決定收靖天為學生!!
我不介意老師誤會靖天的能力, 但卻極怕老師以為靖天是大B, 就擁有過人的能力!
始終, 媽咪相信, 小朋友面試, 表現往往比成年人更加飄忽……
這次, 算是媽咪好彩, 靖天沒有扭計沒有痴身, 才令校長有此幻覺以為靖天聰明乖巧….
當然, 校長不是全錯, 有些東東, 真的十分細心, 是有經驗的判斷…. (如靖天出世只得5磅多, 也看得出….. 
)
學校作了決定, 那爸B媽咪也得為靖天作決定啊!
靖天: 『咁就一定得!!!!』
(495)
啱啱睇到你呢篇(冇黎幾日之嘛~~hehe)
我都有考慮果呢間(我應該冇估錯吧!!) 因為係我阿媽住果區, 方便佢湊 (因為救世軍我仲未諗得掂點安排)
但朋友2個女都係元朗果間讀, 佢推介元朗果間好d. 但如果我揀元朗,又失咗方便我阿媽嘅原意~唉 !!
你in邊間
係喎, 你媽咪住o個頭喎… 咁咪方便多囉?! 好事啊!!!!
反而你有朋友話元朗好?! ….. 唔…….
我不是元朗那間呢~!
你幫靖天報N1? 點解唔報K1?
我都想靖天讀k1….. 後年吧, 哈哈
她還沒有夠年齡呢~!!!
好叻女wor, 表現真係好好, 如果換轉係嵐嵐, 一定只會痴住我唔放…校長問靖天野, 雖然答 x or細聲, 但係都總叫肯答wor, 嵐嵐起屋企就超多野講, 但係一出到街, 連我地問佢佢都唔so我地架…
所以靖天再去面試, 問題應該不大呢…
mama不如諗吓揀邊間重好啦!
靖天都痴住我啊, 只係…. 去到新環境佢又八八卦卦囉, 要是規定單對單, 那靖天一定…..”死硬”!!!!
這些”菜單式問題”, 已在家不停給靖天洗腦, 但要她回答陌生人的話, 實在有點難度…..orz~~~
選邊間…… well!!
其實真係無主意…. 間間都好, 間間都想讀, 嘿嘿!
唉…係就好….我都想….未in都知唔係啦
唔好咁緊張啦, 好簡單架咋, n班interview….
彤彤無問題了!!! :)
靖天真是叻叻…
幾時先知收唔收?
你讀左幾多間學校比靖天?
校長已經即時告知…..
已取錄….. :)
但我們還沒有付留位費呢…. 嘻嘻!!!
其實揀, 只是幾間…..
不算太多吧?!
其實大仔真的好D，想當年我也是計算才生的，因我知道香港現實的教育遊戲是這樣！我也感激個天幫我。不用擔心，靖天好叻啦，吾好頃比壓力自己。
大小b問題… 我想不是一個很重要的因素……
感謝支持~! 會努力的了
呢間學校個校長咁好,親先INTERVIEW…因為我個B INTERVIEW都係老師IN…
係啊, 咁o岩校長有少少時間囉, 也感到十分榮幸呢~!
Good job Veronica!! So where is this school?
o係大西北架…….. @.@
靖天的表現好好喔! 如果靖天的心情好的話, 相信嚟緊的面試都不會難倒佢…
也只是撞彩吧…..
還好沒有問abc, 12345, 和疊積木咋~!
一向都話靖天不錯呢.. 哈哈
對啊, 所以靖天的怕醜, 真係激c我….
靖天interview好叻呀!真係羨慕
不用羨慕啊, 彤彤咪又係一樣…. 嘻!