靖天上學了@ 面試篇 [學校2 – Gxxxx]
靖天: 『唔知可唔可以同聰哥哥做同學仔呢?!』
等了又等, 終於等到其中一間最心儀的幼稚園面試日…
安排在11月最後一個周末舉行, 害得心肝又要請假出席…. 
面試的時間是早上10時30分, 一個很理想的時間…
.
早上8點多起床後, 心肝如常的吃吃奶, 換換片, 媽咪就打點一下出門的東西….
9點半就出門口了…. 因為要先到嫲嫲家, 放下一些東西….
才去到嫲嫲家附近, 給心肝發現了一個小公園…
結果…. 她自己說”玩唔玩”….. “好丫”….. 就走左去…
這種自言自語的行為, 實在十分嚇人… 
心肝長大後會否思覺失調?!
.
玩了廿多分鐘, 就出發到學校了…
還是早了一點, 又在商場給靖天東跑跑, 西跑跑, 見有一家麥當勞, 媽咪便提議不如先吃點東西再去面試… 結果, 點了一個開心樂園餐… 心肝選了薯餅… 15分鐘, 也只是吃了一半…
早了5分鐘到達, 門口擠了一點人… 心想: 不是要等吧?!…. 
結果, 老師給我們點名後, 就在課室門口等了一會, 然後, 就進班房面試咯!
.
兩位老師….
老師: 『早晨!!!』
靖天: 『……』
媽咪: 『老師同你講早晨喎, 你要點呀?!』
靖天: 『…….』
老師: 『佢平時好少講野既呢?』
媽咪: 『唔係呀… 不過可能需要o的時間熱身…』
媽咪: 『 (同靖天講) 放鬆o的…. 同老師講聲”早晨”先!』
靖天: 『(蚊聲) 早晨!』
老師讚賞…
.
老師: 『枱上面有好多玩具喎, 你鍾意玩咩呀?』
媽咪: 『係喎… 靖天您望下, 有圖書啦, 煮飯仔啦, 積木啦, 車仔啦…』
靖天: 『 (指住煮飯仔)』其實只係一籃生果….
A老師: 『老師想食香蕉喎, 您可唔可以攞俾我呀?』
靖天: 看一看, 然後將香蕉拿給老師…
B老師: 『媽咪呢, 媽咪想食咩呢?』
媽咪: 『我想食…. 提子, 唔該靖天攞啲提子俾我食丫!』
靖天: 拿起提子給媽咪…
B老師: 『咁我呢? 我想食橙呀, 呢度有無橙呀?』
靖天: 看一看, 拿起橙給老師….
.
然後, 老師又拿出三幅圖片… 杯子 — 盒裝鮮奶 — 皮球
老師: 『靖天, 邊個係波波呀?』
靖天: 指著”波波”的圖片….
老師: 『(指著盒裝鮮奶圖) 咁呢個呢? 係咩黎架?!』
靖天: 無反應…
媽咪: 『呢個佢唔識啊… 佢未飲過…. 』
老師: 『哦, 原來未飲過…. 咁呢個呢 (指著杯子)?』
靖天: ………
老師再問: 『係咩黎架?! 諗下?!』
靖天: 『(蚊滋咁細聲) 杯杯…』
.
老師: :『你幾咩名呀?』
靖天: :『….』
媽咪: :『放鬆O的, 你知道自己叫咩名架?!』
靖天: :『X靖天! (已經會說全名了!)』
老師:『今日邊個帶你黎架?』
靖天: :『媽咪囉…』
又俾媽咪貼中了問題….. “邊個帶你黎”…. 這條實在問得不好, 媽咪也以為只有九塘才會問這個問題! 
.
然後, 輪到問媽咪…
『平時邊個湊架?』
『佢識得自已去廁所未呀?』
『佢開心/唔開心會點架?』
『佢鍾意食乜架?』
.
老師: 『見完架喇, 結果會一個星期寄信通知你!』
媽咪: 『咁若果係收既, 佢讀到上午班既機會大嗎?』
老師: 『大呀…』.
靖天: 『下? 咁就問完架喇!? 咁快手, 都唔好玩既….』
整個過程, 連等候時間, 才10分鐘… 實在極度有效率….
只是, 整個感覺, 有點怪怪的……
在等候期間, 才發現, 上次開放日那位”不大友善”的職員, 原來是校長!!! 
… 當時媽咪只是查問一下有關升小一的情況, 這位校長著媽咪到校門口自行查閱?! 
… 這天, 她對我們還算友善, 只是對其同事/職員, 卻…. 有點”上司下屬”的感覺….
.
老師問題極度巧妙… 媽咪事後懷疑, 這是測謊的問題…
老師: :『平時邊個湊架?』
媽咪: :『返左工就婆婆湊, 放工放假就自己湊…』
老師: :『下? 咁爸爸呢?』
媽咪: :『當然有幫手啦!』
老師….. 也問得太仔細吧?! 是想測試靖天會否來自單親家庭? 還是想知道爸爸有無份投入這份家庭工作?! 要是我答: :『靖天無爸爸架!』咁老師會因為這個項目而將靖天肥佬嗎? 又如果我答: :『爸爸佢唔會幫手湊女架!』 那老師又會如何打算?! 再者, 就算爸爸不幫忙, 媽咪也可能講大話啊?! 這個問題, 實在問不通, 問不通! 
.
老師: 『囡囡識得自己去廁所未呀?』
媽咪:『未呀..』
老師:『咁佢識唔識自己開聲話去廁所呀?』
媽咪: 『都未識…』
老師呀老師, 囡囡連”去廁所”都未識, 如果佢識得自己開聲話去, 咁我就唔會界定佢”未識”啦..!
.
老師: 『呢盒咩黎架?』
媽咪: 『佢未飲過, 唔識啊!』
老師:『下? 原來未飲過呢O的奶架? 即係都仲係飲繄要沖既奶粉?』
媽咪: 『係呀!』
老師呀老師… 佢2歲都未夠, 飲呢O的高鈣脫脂奶, 極有機會痾死佢架喎… 好似講到靖天無飲過就好有問題咁既?!
.
.
靖天這天的表現其實並不理想, 也許是之前到公園玩了一會, 覺得累吧?!
已經面試了好幾遍, 但卻從沒有見過心肝像今天這麼繄張…
期間看到心肝不停”捽手指”… 低下頭不敢正視老師…. 臨尾更想攬著媽咪….
老師不曾感到靖天的不安, 只是一而再, 再而三的”希望”心肝能回答問題…
這種希望, 我想…. 應該叫做”壓力”會更貼切…
很感謝兩位老師對靖天的熱情, 可以理解的是, 她們時間有限, 每每見到校長, 就細聲說: 『夠鐘喇, 校長催喇….』
說到底, 媽咪也付了30個大洋, 為的只是這麼的一個面試….
要是學校面試的人數多, 可以安排多一天進行…
但這種”拿拿臨快手O的”的感覺, 實在不好受….
是校長問題? 是學校行政問題? 是老師問題?
.
最後, 心肝乖乖的將椅子拍好, 還兩手放在後面, 像排隊的乖乖離開課室… 引起兩位老師極大的好感….
媽咪不知道, 靖天到底會否被取錄, 只是…. 媽咪實在擔心, 這是一所”田鴨”學校嗎?!
(720)
我地通常去interview會早15-20分鐘去幼稚園比佢喺入面玩, 熱下身同熟左個環境先~
靖天當日表現好好丫!!!! 咁多問題都識答!!!!
good luck and all the best!
(係無得早架……. orz!)
所以, 無得熱身…. 全靠佢自己架咋!!!
謝謝你!!!
呢間我朋友話她朋友個女讀近, 家中不是用英語, 但讀了之後英文不錯喎.
其實這家只在我隔離村, 不過他要親身到學校取報名表, 我完全夾唔到時間囉.
同埋bk的comment都麻麻地…的確太填鴨喇…
我反而報左聖彼得堂, 今個星期六interview. 我鍾意他全日班. hehe
我個朋友仔個仔又係囉… 英文真係好好!!!
bk的comment是有點負面, 但聽聞佢地既教學是沒有問題的…. :)
聖彼得堂好啊!!! 好出名架!
加油呀!
我第一次去攞form時都以為佢(校長)係文員, 而且態度好cool, 但讀咗之後, 又發覺佢對小朋友好友善, 我成日見佢帶小朋友入電梯(準備搭校車), 佢好唔錫身, 成個人攔住個口, 驚小朋友走咗出去, 見倒呢個場面, 又加咗唔少分 比佢! 但始終未同佢傾過一句偈
想不到, 校長對住小朋友又是另一個樣子!!
實在需要加分啊!
表現不理想?其實靖天好叻女,大部份都得,但未接觸過又點怪得.接觸咗咁多間,還是最心儀嗎?
哈哈…. 一直都心儀, 想是情意結吧?!
其實呢間學校已經算肯俾時間去in 靖天… K1 mass interview 嗰種快速 interview 先嚇死人… 我見過有間學校只會俾2,3分鐘你.. 問多句都唔會… 我領教過一次之後, 便開始諗學校憑乜嘢可以咁短時間去決定呢個小朋友合唔合適呢?
竟然? 2-3分鐘真係過份左少少啊……..
交左0拉，不過重未好sure讀唔讀…咁你呢，有幾大機會會讀
你唔係話呢間唔好咩?! …… (還是搞錯左呀, 衰鬼?!)
校長不友善應該不是太大問題因為最終小朋友對得最多也會是老師吧!
你又有道理喎….. kakakakak!!
um…以你所言, 校長睇黎都係好威嚴咁wor…但係又未必係壞事嘅!
放鬆d啦! 反正都係等, 不如等得輕鬆d啦!
其實沒有緊張啊….. 心中已有結果, 嘻!!!
校長似…… “老闆”多O的…….
就面試同校長跟老師gei關係, 仲有之前你交表時gei情況, 呢間學校真係要再三考慮考慮…
也許吧…….
也許是自己要求太高?
呢間行政真是麻麻…..
呢間收會唔會讀呢?
是否比靖天讀半日?
哈哈, 這家行政素來都不甚理想…..
我估, 會收吧… 哈哈!!!
鬼馬的靖天原來也有怕醜一面 XDDD
預祝靖天面試成功!!!
好似越黎越怕醜添啊!
我一向都話唔鍾意個校長架啦 …
估唔到 靖天未入讀 就遇到了 .. 哈哈
當初聰兒面試時 .. 都遇過這位校長 …
可幸 … Interview 聰兒的朱主任超級友善 …
相信 … 只是校長的問題而已
老師 … 絕對友善 !!
你就好啦, 成日遇到好既主任, 我一次都未見過呀, 嗚嗚…….
靖天已經好叻叻, 幾次面試都有好表現, 拍 !!!!
我地決定咗係天水圍區讀,唔知會唔會同靖天係同學仔呢 ??!! HEHE ~
真的嗎?! 也是一間學校?!
哪一家啊?!!!
一定唔係九塘個d先問邊個帶佢0黎啦,我見幾間都間間有問wor,我都唔係去九塘個d呀,我窮人0黎吖嘛,hahaha
係架咩? 嘻!
連面試都咁亂，因為我同你的情況剛好相反。我早你一星期in，當日老師好好又顧及到eloise的感受，去過學校咁多次係未試過比我感覺咁好的一次重即時通知叫交留位費。
嘩………. 你既待遇同我咁唔同既!!! 羨慕啊!!!
咁有無交到呀?