『咱們仨』初玩士多啤梨園
靖天: 『自己摘, 特別好味啊!!!』
還記得….. 數年前新興摘士多啤梨, 媽咪已經很想去…..
相約朋友, 一直也約不到…..
事情就不了了之….
直至靖天出世, 又好似沒有了這回事…. 
好了, 靖天快2歲, 終於想起, 可以帶她去摘摘士多啤梨…. 還可以讓她親手採摘一番…
.
也知道, 不是個個士多啤梨園都有士多啤梨的….
有些太旺, 都給摘光了!!!
有些卻又需付上昂貴的採摘費…..
最後, 選了這個位於元朗白沙一段的士多啤梨田…..
沒有名字, 沒有牌號, 沒有網址, 只是在網上看過, 找過資料, 都說這個士多啤梨田很好, 很大, 很多士多啤梨….. (先假設媽咪看的, 都是來自不用的留言者!!!)
這個士多啤梨田有一個停車場…..
志強種植園 (士多啤梨自摘園)
電話: 2470 7981 / 6571 0626 / 6856 4211 (羅小姐)
地址: 白沙村第一段 (橋頭下車步行5分鐘)
在元朗市中心坐39 號小巴到白沙,
路上見車的左手邊有大幅Banner 就可以落車
在元朗西鐵站坐的士入去, 約HK$2x蚊….
位於元朗白沙第一段….
難怪來到士多啤梨田, 只得『咱們仨』一家….
實在太……… 偏遠了!!!!
自駕車… 也找了兩圈才找到…. 
士多啤梨田的位置, 其實就是元朗白沙一段….. (應該是大棠和元朗市中心的中間, 位於橋興路)
附近有一停車場, 泊好車, 就沿指示牌走住村……..
沿途都有指示牌….. 先走過看似恐怖的小路 (其實一點也不恐怖!)
向左走? 向右走?! (有指示牌架麻!!!!)
不停跟著指示牌…….. (鐵皮屋內, 應該是養豬的….. 很臭耶!!)
穿過重重小徑, 看到大片田野了…….
穿過小徑, 看到一遍遍的菜田……
嘩!!!! 真係好鬼……… 靚~~~~
仲有棟棟都好大好好"生養"咁, 真係想…. 摘o的返屋企試下…. 
生菜又大又翠綠…. 實在想吃一口試試!
圖片雖小, 但仔細看…… 真係超大棟啊!!!!!!!
走過菜田…… 終於看到遠遠的…. 士多啤梨田!!!!!
近看, 遠看, 都不十分吸引……
但感覺, 真係很大…. 也許是因為那一望無際吧….
這就是我們要找的士多啤梨園了!!!!
先問價錢…. 60蚊一磅?!
爸B: 『唔係喎, 我地上網睇, 40蚊磅咋麻….. 平O的啦!!』
爸B倒真會講數… 結果, 老闆娘? 計平了少許…
給我們膠籃和剪刀, 就開始咯!!! 
靖天: 『點摘架, 媽咪?』
媽咪知逆有些士多啤梨園是不會提供較剪的, 所以一早也預備了….
給靖天專用的較剪!! 就是平時在家練習的那個小剪刀咯!!! 
心肝用上, 剛剛好, 可以一起剪、剪、剪咯!!!!
為靖天準備小較剪, 當然沒錯啊!
雖然是周日, 也是下午時間…..但人客呢, 竟然只得我們一家…
這絕對是老闆不會宣傳, 不會賣廣告, 而且地點有點僻遠所致吧?! (連網站都沒有, 叫人怎麼會懂來這兒…. )
沒有人, 當然有沒有人的好….
『咱們仨』可以大玩特玩…. 又不怕影響其他人咯!!
藍天, 萬里無雲… 配上翠綠的田地….. 感覺很舒服耶!
拍出來的照片就只得我們…
感覺實在很好!!! 要是這天能相約幾位朋友仔前來, 應該會更好玩吧?!
(第1次來冒險, 實在不宜帶同朋友…. 免招….. 
)
靖天: 『原來做農夫咁辛苦….』
靖天穿上厚厚的衣服, 動作不大靈光….
加上要蹲著將剪刀斜斜的, 橫橫的用… 更加是有點難度…
結果, 心肝多次剪到…. 葉呀, 空氣呀, 士多啤梨呀….
很她剪得如此辛苦, 就知道, 她很投入很努力吧! 
低能的媽咪….. 超興奮….
(下圖) 中原一點紅……. 咪就係咁解囉!!!
遇上太陽伯伯, 這天心肝沒有扭擰, 只是不停的皺著眉…..
做農夫, 是很辛苦吧?!
還好, 心肝不會浪費農夫的美意, 因為她從來都不吃菜麻!
靖天: 『媽咪… 幫我放好佢!!!』
穿著厚厚的衣服, 心肝的動作實在變得極度笨拙….
自己摘的…. 感覺其實很好!!! (加上好天氣…..)
靖天: 『不如試下好無味先丫!』
要是有香蕉園, 蘋果園, 香橙園…. 媽咪還是會帶靖天到士多啤梨園…
只因為世間盡是生果, 心肝只愛士多啤梨~~~
也奇怪, 士多啤梨如何無味, 如何酸, 她都會吃, 但蘋果呢, 香蕉呢, 橙呢…. 只要有一點點不甜美, 她都會拒絕吃下去…. 
靖天: 『好! 食得…..』 (未俾錢架, 女~~~)
(中圖) 靖天拿著較剪, 不停在找士多啤梨啊!!!!
皺著眉的靖天… 是因為太陽伯伯吧…. 
心肝雖然願意跟媽咪一起採摘, 卻未算十分投入…
也許不明白這個玩意的"好玩之處"吧?!
她….. 還是選擇左看看, 右看看, 然後…..
又摸摸東, 摸摸西….
還是需要媽咪協助一番…..
靖天: 『要揀個靚既先剪架~~~』
靖天: 『叫我望住, 又唔俾我食, 想點?』
意外收獲, 就是這隻小蜜蜂…
很難得的機會, 可以給靖天這麼近距離看蜜蜂….
小蜜蜂在採花蜜 (冬天仲咁勤力?) ….. 牠的專注, 使媽咪可以安心的讓靖天近近的看一下什麼叫Buzzing Bee……~~~ (真的很"buzzing"啊!!!)
冬天….. 還有蜜蜂?!
靖天: 『蜜蜂呢?! buzz…….. buzz…….』
這裏的士多啤梨其實多得很…
大家也在研究, 是因為無人幫襯, 囤積存貨?
抑或真的面積太大, 可以輪替給人採摘?!
數量多, 士多啤梨也大大粒的, 紅紅的….實在吸引!!!!
(爸B泊好車後, 先視察環境, 老闆(娘)還給他一口試味啊!!!)
這個士多啤梨不美, 卻很大!!!
(下圖) 媽咪: 『老公, 你影到我個patpat巧大呀!!』 
靖天不停在士多啤梨田走呀走, 走呀走…..
沒有準備腳架, 也沒有準備相機仔…
結果拍不到靖天摘士多啤梨的情境….
也沒有『咱們仨』的合照…
實在有點遺憾….
靖天: 『唔好摘咁多喇, 好貴架!!!』
爸B和靖天都要合照一番麻……
採了35分鐘, 我們就離開了….
媽咪不敢採太多, 怕貴麻…. …..
誰不知, 埋單時, 一磅還不夠…. 那媽咪就多摘幾顆….
埋單: 不夠一磅, 收HK$43.6 (後媽咪多加幾粒, 最後合共HK$53.xx)
還有禮盒送!!!! 這位阿姨真好人啊!
這位阿姨見我們抱著寶寶, 又讚靖天乖巧 (其實只因為靖天叫了一聲"姨姨"吧! )
就給我們一個小禮盒, 放著士多啤梨…
那媽咪就放心拿咯!!!! (聽聞, 自己摘的士多啤梨, 很容易給壓爛啊!)
靖天: 『下次再黎過…..』
靖天: 『食得未架? 好心急呀!!!』
實則的顏色, 就是圖片的顏色囉…. 實在紅得交關….
離開時, 遇到另一位一家三口….
聽到那位媽媽大叫『靖天呀!!!』 (但媽咪唔識佢架喎….) 
原來這位媽媽曾經看過『咱們仨』的日誌… 難怪會叫起靖天的名字來!!!
來到了無人煙的地方也遇上朋友仔…. 實在難得!!!
這位小妹妹, 才… 21/22個月…. 但竟然比靖天高上半個人頭……
眼睛還大得要命……
心肝… 您….. 幾時可以高多少少? 對眼大多少少?
遇上朋友仔, 大家都在結識一番!!!
走到停車場, 又遇上另一家(成年)年打算摘士多啤梨…..
這確是一個好地方, 我們會再來的啊!!!!
(639)
清明節剛去過上水大隴附近一個士多啤梨園, 很易找的,在路口位, 四十元一磅, 一百元三磅, 好熟好甜, 部份較軟身易被壓扁, 摘了三磅, 一日食晒, hahaha!
woo~~!! 好吸引啊, 謝謝分享!
私人留言 (按此查看)
私人回應 (按此查看)
白沙我識呀,因為我之前有去開SAA,都ok近我喎,不過我寧願去大棠玩話晒個度有靚風景睇又可以放狗嘛
係? 不過真係近你就係既, 嘻!!!!
我地一心摘士多啤梨麻, 無所謂啦, 嘻!
白沙村第一段? 我以前差唔多每個week都會去架! 果度有個類似”愛護動物協會”的機構叫”保護遺棄動物協會” (就o係白沙第一段藍色牌條橋o既左bin), 我同c6會去果度探d貓貓狗狗. 如果咱們仨唔怕近距離接觸貓狗,同嗅動物味, 不妨一去! 可以教靖天愛護動物~
係呀, 果然好記性!!!!!
我都打算帶靖天去, 但….. 未安排幾時囉, 嘻!
需要預約嗎?
唔洗預約, 但最好就around 11:00am (好似開10:00am), 因為太晚去d狗狗”招呼”左大多人的話就再乜興趣同人玩! XD
都唔算咩料啫~
唔係架, 你唔講, 我又會自己搵時間搵資料麻, 嘻!
好正咁喎 ~ 等我都約朋友仔去玩吓先 !
上個星期去咗大棠摘, 都冇士多啤梨…激死 !
好呀, 支持支持!
無? 俾人摘曬喇?
我地都打算1月去呢度摘,
http://www.yl.hk/ktsb/index.htm, 有朋友去過都話幾好, 佢話1月去o的士多啤利又大又甜
呢個o係鄉村俱樂部隔離麻?!………
你試完記得話我知呀!
天氣好好, 如果60元真是有d貴….
我27號去左大美篤士多啤梨園, 剛好天唔好原本是40元一磅, 後來見我地多人平一半比我地…不過真是好大風
佢收我唔係60蚊磅啦, kakakakaaka
唔知係咪無人幫襯……. xdxdxdxd
嘩, 20蚊磅? 咁真係激抵……
我都係想去好耐啦…想摘士多啤梨呀 :D
不過你呢度好似好難去咁喎…
住大西北會好一點……..
但其實唔難去因為我知有小巴到村口架
冬天是採士多啤利嗎?我都好想去呀….不過剛剛謙謙病了, 又要再等…最遲要幾時去嫁???
係呀, 士多啤梨係12-4月架!!!
等謙謙病好你又去下丫!
多謝靖天媽媽的介紹，天氣凍都有得摘士多啤梨架，遲d天氣好d都想帶阿仔去下~~~
不客氣 :)
希望快o的好天啦…… 我都想去多o的郊外呢~
唔知春天去會唔會有得摘呢？呢啲有冇分季節呢？
12月至4月就ok架喇!!!!!!
我都係剛剛先知, 士多啤梨係冬天食品….嘻!
嗯, 好似越凍d士多啤梨就越靚 (聽講ja, 我唔係好食的)
係囉, 聽你講呢度真係無人, 定係平日黎所以唔多人ja…睇你地著咁多衫果日應該好凍,可能係咁d人唔願出街…
所以應該係1/2月去最好………..
咩平日呀 我去呢日係sunday afternoon黎架!!!!!!!!!!
同埋呢日唔凍架, 係大風少少咋麻…….
anson上次去細個左d, 宜家去實會摘到我破產!
梗係全程望實啦, xdxdxdxd
我地今日都去左錦田,細粒好多,不過味道都ok
錦田個個可能太多人去咯, 嘻
每次看到士多啤梨園都好想去..
只可惜.. Chester 敏感吃不到. 去都是浪費
如果有 車厘子 園 … 咁就好啦
下? 士多啤梨都唔得???????????
車厘子園, 係又好啊!
Dear 一心媽媽
明白曬!!!!!!
太好喇, 多謝報料呀!