靖天的2歲生日 [與米奇米妮唱生日歌]
生日快樂呀, 靖天!!!
好辛苦等到爸B放工….
『咱們仨』正式合體!!!!! 
出發……… 跟靖天正正式式的慶祝生日咯!!!! 
20分鐘已經順利到達….. 這還是媽咪第1次駕車走青馬大橋呢!!!! 
只因為…. 跟爸B會合時太急, 未能換位子, 結果…. 只得由媽咪繼續駕車咯! 
.
要選一個地方, 合靖天, 又合爸B媽咪……
這處, 應該沒有錯了!!!!
出發前個多星期, 發現HSBC有$100現金優惠, 每位減$100… 結果, $298@, 算是合理收費咯! (原價要$3xx….. 就不大划算…….)
早一天致電迪士尼, 訂了一個生日蛋糕 (承惠90個大洋…..) 有點兒貴, 但靖天生日麻, 當然要隆重其視一點!!!!
.
靖天才進餐廳, 已經給四周的環境吸引得"嘩~嘩~"聲….
才坐下, 已經看見米奇米妮在跟客人打招呼…
靖天: 『嘩! Mickey呀!!!!』
米妮這個時候走到靖天身邊…….
不停的逗靖天玩…. 又不停做手勢, 似想表達什麼…
最後, 原來她想說: 『靖天穿的裙子跟她的聖誕裝很相似… 而且還得像她表演時另一位朋友仔, 很可愛!!』
這麼長的說話, 是由工作人員翻譯出來…. …. 迪士尼的職員, 果然犀利!!! 
靖天: 『米妮…. 咪咁熱情啦~!』
還以為心肝會怕了"大件公仔"…. 誰不知, 卻熱情得叫人意外…
又拖著米妮, 又跟米妮握握手… 最後還親了一下米妮…. 
這位米妮小姐果真熱情, 而且很能影響客人心情…
咱們仨跟米妮拍過照, 溝通過後, 心情也輕鬆起來……
靖天: 『e~~~ 好開心呀!』
一場黎到, 梗係要品嚐一下麻!
米妮才離開… 米奇先生又出現咯!
媽咪問了一個很想問的問題: 『Mickey, 你幾時同米妮結婚呀?』
大家都笑了……
要不, 考慮靖天吧, 她也蠻可愛的啊!
靖天: 『你黎喇, 米奇…! 整個"5"先啦~』
靖天: 『老友鬼鬼, 梗係攬住影張相先!』
老實說, 這天晚上的照片, 實在拍得很美….. 跟網上看的, 感覺很不同…
"公仔"們的顏色, 確實鮮艷…
爸B也特別用心拍照… ….
加上靖天難得的笑容, 出來的效果, 令相片都變得異常"開心"….
靖天: 『米奇老友記…我好鍾意你架!!!』
米奇: 『妹妹, 你想食乜呀?』 靖天: 『err~~~ 食左你丫! 嘻!』
靖天對米奇米妮的熟悉度, 並不因為那些"美語教材", 而是她的傻姨是一位超級米奇迷…. (傻姨的英文名也叫"米妮"呢, 可以想像她多熱愛迪士尼!!)
每次見到傻姨, 她都嚷著要帶靖天到迪士尼….
房內又放著不同的迪士尼公仔…..
靖天, 又怎會不熱愛米奇家族?!
一場來到, 當然要跟米奇先生來個合照!
米奇先生離開後, 爸B媽咪終於有時間品嚐一下美食了!
種類並不多, 但是"貴價"了……
靖天這天晚上, 都不大愛吃, 可能是因為四周的環境太吸引吧?!……
(連雪糕都不吃, 心肝對"吃"的熱愛程度, 也實在….. )
才吃了兩圈, 跳跳虎又走來了!!!!
靖天: 『呢隻係老虎? 定長頸鹿呢?!』
靖天: 『唔好嬲啦, 我錫返你丫….』
有點奇怪….. 是造型不夠神似嗎?
靖天老是說: 『長頸鹿呀!!!』…….
媽咪幻想力低, 實在想不到, 跳跳虎何以變成了靖天口中的長頸鹿?! 
媽咪叫靖天親親跳跳虎… 然後, 又咬一口跳跳虎….
結果…. 靖天真的咬了下去!!! 害得媽咪給跳跳虎打了一下!!! (好痛唷!) 
很可愛的跳跳虎!!!!
看爸B…. 這個"斜視", 很古惑啊!
米妮故作神秘….. 其實不用故作, 心肝也不知道發生什麼事…..
跟職員約定時間….. 送上了蛋糕….. 
靖天… 似乎有半刻驚喜啊!
靖天: 『嘩!! 嘩!!! 嘩!!! 爸B… 媽咪…. 好意外呀!』
迪士尼沒有特別的好, 最好就是服務上佳!
看見媽咪在拍攝, 竟然主動協助…..
無奈…. 沒有帶相機仔, 又沒有拿來D90… 結果只能用手機拍攝…. 
這麼珍貴的時刻, 當然要好好拍下來, 留念一番麻!!! 
90元的生日蛋糕, 換來的服務, 當然要有一定水準!
靖天: 『好感動呀!!! 竟然有米妮同我慶祝生日!!!』
拍拍照, 唱唱歌…..
能夠跟米妮一起唱生日歌, 連爸B媽咪, 也感到那份喜悅和童真…..
迪士尼, 就是有這麼一份魔力, 吸引老老嫩嫩來光顧吧…. 
唱過生日歌, 許了願, 吹了爉燭, ……
靖天的生日, 算是完結了… 
(我們沒有即時品嘗蛋糕, 只因為….. 太飽咯!)
靖天: 『hAPPY bIRTHDAY TO yOU…. hAPPY bIRTHDAY…』
吹吹蠟燭, 心肝正式踏入2歲了!
切蛋糕儀式!!!!
小小的生日儀式結束後, 爸B媽咪又努力的吃、吃、吃….
靖天開始挑皮, 想落地玩……
見到米奇先生, 竟然走到他面前, 拖著他, 說是要『行街』喎…..
結果, 米奇先生百忙中抽空跟靖天在餐廳來漫步了一小圈…..
靖天: 『米奇, 做我男朋友丫, 我靚過米妮巧多架喎!』
看靖天整天晚上的開心笑容, 就知道媽咪今年選的地方沒有錯了!
雖然爸B媽咪今年未能送上"生日旅行", 但一連串的活動, 看來也挺令這位小小壽星女很感滿意…. (全天沒有扭擰, 沒有哭鬧, 又不停的大笑, 跳跳扎扎就知道咯! )
靖天: 『E!!!!!! 笑笑!!!!!』
靖天: 『米奇呀, 不如我地陣間出去散步咯?!』
原先, 媽咪還打算帶靖天暢遊迪士尼一番…. 卻又遇上天雨關係… 告吹了!!
然後, 又打算在此留宿一宵, 好讓靖天多多享受迪士尼的歡樂, 卻又因為BC未能安排補堂…… 又告吹了!!!!
還好…. 最後也能到餐廳吃吃玩玩, 唱唱生日歌…..
算是有點美中不足吧~!
靖天: 『咪攬得咁實啦, 我抖唔到氣喇….』
這隻"E-YO"….. 極度挑皮… 卻又極度可愛….
總是走到客人前作弄人家一番….
靖天初時有點怕, 因為….. 靖天給作弄囉!!! 
… 給"E-YO"嚇一嚇, 靖天就怕了!
隔了一段時間, 靖天又似乎淡忘了…..
跟爸B走到"E-YO"面前玩玩看!!!
真的很可愛, 但媽咪不敢"先撩者賤"…… 他實在太佻皮, 媽咪不想給戲弄啊!
靖天: 『嘩, 毛毛呀!!!!』
公仔:『影咩O者, 未見過靚仔?!』
平日的自助餐時間由晚上6點至10點…..
假日的自助餐時間則有限制 (每2小時一節)…..
咱們差不多7點才到達…. 吃到9點半才離開….
2.5小時, 其實吃的時間不多, 但就不停的跟公仔們拍照….
正如爸B所講: 『好鬼攰呀….. 成日都要"應酬"佢地…』
$298, 可以想像, 吃的價錢, 其實可能只佔一半….
不好好拍照, 那就變得不划算咯!
靖天: 『又有波波, 又有蛋糕, 仲有禮物…. 爽呀!』
媽咪當然也要拍一張…..
靖天: 『時間唔早喇, 不如….留o係度住返晚啦…』 (您就想!)
時間太晚, 加上下著毛毛細雨….
不能四處走, 就得離開了… 
上車一會, 靖天已經呼呼入睡….
回家竟然還沒有醒來….
結果…. 才2歲, 心肝已經做了一些污糟貓 —– 無沖涼就訓左!!! 
以為心肝會醒來, 卻又沒有反應, 跟她換片時還投訴: 『我要訓覺呀!』
………
………
到第2天早上起來, 爸B媽咪才跟她洗白白….
女兒…. 只此一次咯!!!!
(1088)
我都睇倒好開心!
今個月21日係我和囝囝2歲生日, 我都諗緊點慶祝, 妳俾左個好好的意見我呀. Thanks!
我連廸士尼都未去過 (真大鄉理), so, 想問下:
蛋糕有冇得揀款? & 係咪要同餐廳講/要求,公仔先會同妳影相? & D短片係朋友拍或是職員拍? 因為到時都係3人行.
預祝生日快樂呀!!! :)
蛋糕無款揀架, standard, 早一日同佢講就得架喇, 到時你入左座佢就會約你幾時同小朋友砌蛋糕, 好鬼周到架!!!!
全部都係佢地主動, 我都無要求….所以覺得佢地好好囉 (貴少少都值)
Happy birthday to 靖天!!!
多謝!!!!!!!!!!!!!!!
淨係睇都覺得靖天好開心啦! 相信靖天一定好難忘!
嗯, 佢對米奇米妮會仲深刻架喇!
唔好意思，點解我book位時問要$360一位，已經係話用匯豐visa，請問你$298係位已計加一呢?
你呢個應該加埋一既價錢麻?!
星期六日好似又唔同價錢啊………
我記得, 扣左100蚊, 係298一個 (難道我記錯?)
哈哈又會咁橋既, 我早一日都去左迪迪尼食飯, 不過我係慶祝結婚週年, 我又係掛住影相都無咩點食野, 不過匯豐卡$298真係幾抵, 起碼唔洗係迪迪尼入面排個幾鐘先可以同米老鼠影到一張相, 我果晚都見到好多人慶祝生日呀, 好開心~~
祝靖天快高長大, 越大越靚~~
係? 嘻!!!!!!
影相真係好鬼忙, 忙到無曬心機食野, kakakakaka!!!
咁又係, 我去過disney3次, 都好似排唔到同米奇米妮影, 今次一次過影返夠!!!
睇得出靖天真係好開心呀!! 張張相都好好笑容呢~~
搞到我都好想去廸廸尼食 buffet 呀~~
嗯嗯, 真係好好笑容, 好耐無試過喇!!
靖天真係好開心呀!
我都好想去呀!請問知唔知$298做到幾時呀?
做到3月31日呀!!!!!
靖天玩得好開心喎, 貴d都抵. 查實又唔算貴, 唔洗係迪迪尼入面排可以任影都已經抵番晒. 一心同大公仔玩都好開心, 成日met佢地個nose~ 不過一心同靖天唔同, 就係佢prefer食多過d大公仔 XXXD
要不停同大公仔影相, 真係幾攰, 都唔多夠時間食. 好在我地唔執輸, 又食又拎, 畢左一壺三文魚粥等一心晏d食 ^^
早上有Mickey, Daisy, Goofy同Pluto. 我好鐘意隻Eeyore, 好q ar~~
早上似乎仲吸引啊!!! wao!!! pluto係靖天最愛黎架!!!!
一心都好丫, 咁食法, 抵呀, 哈哈!
頂帽仔好靚呀!!!
happy birthday again!
嗯, 係上年既產品, 哈哈!
多謝白雪!
靖天真係好開心喔! 張張相都見佢笑得好開心…
迪士尼的確是小朋友慶祝生日既理想地方, 梓朗2歲生日也是在迪士尼渡過的…
真的? 迪士尼確實是個好地方!!!
生日快樂小靖天祝你快高長大呀
多謝你呀!!!!
靖天：媽咪你真係唔通氣，咁開心緊係發個好夢0拉；我重未玩夠要再同米奇去拍拖，唔好嘈住曬；沖涼日日都有架0拉！
哈哈….. 又係噃!!!!