持續厭食的靖天 [24個月篇]
靖天: 『唔要!! 唔食!!!!』
2008年6月, 媽咪打了一篇”不會吃的靖天” [內文: CLICK HERE!]….. 當時收到很大很大的迴響… 年多後的今天再看, 也很窩心, 很感動…. 
那件事, 到現在, 媽咪還歷歷在目….
.
個多月前, 爸B媽咪又在談靖天飲食問題…. 然後, 爸B說了一句令我很意外的話: 『其實你由個女出世開始已經好緊張佢飲食同埋佢體數架啦..』
媽咪: 『你真係咁覺得?! 我唔係已經無咁緊張喇咩?』
爸B: 『唔係囉…. 個女食少O的你都發曬癲咁….』
………..
………..
………..
曾經有個朋友仔, 語帶諷刺的跟我說: 『俾著係我, 我唔會俾呢O的雜食個仔囉!』
又有人話: 『我覺得我個仔食野叻, 比認知發展叻, 仲好仲開心囉…』
.
無可否認, 靖天很小時已經愛吃零食, 爸B媽咪也不反對….
但如果…. 靖天媽媽話…
『我個女食薯片, 朱古力, 汽水, 都係一啖起, 兩啖止架喎…』
這又代表什麼?
也許薯片, 蝦條都不夠好味來吸引靖天….
要是這些小孩最愛也未能吸引她, 那什麼才能令她多吃一點?
.
要是媽咪能相信厭食也有”遺傳”…
那我得相信, 10年的靖天, 會像媽咪一樣, 進入瘋狂暴食期….. 
(410)
私人留言 (按此查看)
私人回應 (按此查看)
私人留言 (按此查看)
私人回應 (按此查看)
靖媽用左大師呢個詞彙，我突然間好似生左好多鬍鬚咁…呵呵。
但係我又明靖媽講咩喎……
車, 你咪玩啦~~~
我呢O的低學歷低智慧既生物, 唔夠你講架…. xdxdxdxd
總係覺得靖天十分幸福。
或者係教育既方法或年代唔同，我自己細個無太大既偏食或者厭食既空間。路人甲分享兩個處理既方法先…
應付偏食，直接既係如果偏食會被罰，或者係重覆只能夠選擇所偏食既食物。
應付厭食，仲簡單，只要經過挨餓，就會知道食飯既重要。
雖然呢兩個方法都與而家主流既教育方法好大分別，尤其係對小兒，不過往往係最現實既教育。
響呢個教既過程，小朋友更要學習到，佢身邊既一事一物都係得來不易呢。
大師…….. 如果一個小朋友, 有兩個唔同湊法, 咁以上所講, 就變得全部不通了!!! (投降中)
我個仔仲廋!魚毛出世有8磅,而家兩歲只係得23磅,配合佢87CM高,仲要早一個月至轉大碼片!早兩日將魚毛隻小腿同6個月大嘅妹妹比,呀妹好似仲大碌過佢!個個都話比我湊到廋晒,但係我又唔覺得有乜問題喎!最緊要佢健健康康,開開心心!
23磅配87CM, 難怪俾人覺得瘦啦… 不過好喎, 打籃球材料, XDDXDXDXDXDXD
都好乖丫,最後都肯開口食,算啦,健康咪ok囉,大大下就食咖啦~不過~隻匙羹會唔會大隻左d呀,唔用呢d匙羹用茶匙會唔會好d呀?
之前個下, 佢唔肯架…… orz~~~~
羹來說我地慣左咯, 太小的羹, 佢食兩啖就無耐性再食….. (好鬼煩!)
靖天咁有主見
或許 煮之前 問問她 今日想食咩 至煮俾佢
可能會吃多一點呢
全對了! 如果佢話”食麵”, 煮左”雞蛋”, 佢會唔會架!!
不過佢話食o個樣, 都唔見得食得特別好囉…. @.@
子女唔肯野or輕磅, 難受心情只有當事人(i.e.做亞媽o既)至會明白. 我都有胡思亂想過係唔係自己d奶有問題食到個囡咁奀 ..T_T.. 但到佢食固體食物(而又好肯食)後都係咁瘦時, 我就知道自己之前o既擔心係多餘o既. 靖天都好ar, 上過25%, 一心出世3kg, 之後drop to 3%直到e+ (1歲得7.5kg, 即其他bb 6個月時o既磅數!!!) 為有安慰自己, d片平d, d衫著耐d, 個囡真幫我慳$~
係咪你地兩公婆都瘦, 所以個女又學你地呀, 嘻!
我都接受左靖天既磅數咯, 個作為媽咪, 就硬係覺得, “食多o的”, 會健康o的…… @.@
其實睇下中醫調理下,會唔會對靖天胃口有改善呢?
我諗大多小小,同靖天一齊親子下廚,整d有趣食物,可能都可以提高佢既食慾,繼續努力呀,靖天媽!!
多謝你鼓勵呀!
其實靖天媽咪是一位超級”無””飯”煮婦…. 所以麻….
只希望, 佢長大一點, 會多吃一點咯….
靖天媽咪,唔好咁担心啦,我對仔出世時都係得4磅幾,一路到而家4歲半了,仍然keep住一日兩餐奶(細仔有時還飲夜奶添),結果佢哋比一般同age嘅重高大添,所以我成日sale比啲媽咪知,唔好厭麻煩,支奶好緊要架,你試吓啦!
wao! 4磅幾咪好細粒? 好慘啊……..
但係姑娘話, 要戒奶啊….. @.@
不過我還是比較相信: 食奶好 既道理, 嘻!!!
多謝你鼓勵呀!
嗯, 我呀仔都有呢個問題, 出世都係 5 磅幾,
之後都係食得唔多, 餐餐食飯都好似打仗…
做媽媽唔緊張就假…
見到其他小朋友自動自覺食飯真係好羨慕…
不過都無辦法, 真係迫都迫唔O黎…
見佢食得唔多, 唯有比佢瞓多O的,
瞓得多都會長肉…
靖天係女仔, 都還好, 女仔細粒都無O甘緊要,
我都見過好多BB女係比較細粒, 都無所謂啦,
最緊要健康~~
我都係抱住個心態: 女仔細粒少少無所謂……. 總好過變左大肥妹要幫佢減肥…. :)
對啊!自動自覺食飯真係又叻又乖, 又羨慕….
多謝你鼓勵啊!!!
平時食飯,有冇開TV陪食吖?
雖然好多人唔主張,但當佢分散咗注意力,可能會不知不覺食哂碗飯呢…,咩都試吓囉,每個小朋友都唔同嘅…..,努力!!!!
時開時關啦, 不過開關都係一樣情況, xdxdxdxdxd
見到你咁樣, 我禁又諗吓自己…
靖天肯坐highchair食飯已經好好啦! 嵐嵐都唔肯坐架, 一定要四周圍行黎食…最終都肯食都好吖…唔知靖天會唔會含住啖飯呢招…嵐嵐呢招我真係奈佢唔何~~~
每當朋友們話hazel咁奀, 我講到尾都係果句, 只要佢健健康康, 食量身型都唔係一個問題啦~~~我平時都係咁樣安慰自己咋…
到時拍埋靖天到, 睇下邊個奀o的, 呵呵!!!!
整d得意樣野食得唔得?
anson都好揀食架!!! 我都愈來愈搞佢唔掂…
ANSON 揀食???????? (不會吧?!)
仍唔食菜, 唔食所有green既野, 唔食飯, 除非lo左蒸蛋, 唔食新野, 生果都只係睇心情..
進展到食綠色東西已經係好勁架喇!!!
靖天呢o的, 都未入過口咁濟~~
靖天依家總有無便秘的問題啊? 梓朗以前一無便便的話嗰日就會無胃口食嘢, 就算係佢既至愛都假…
靖天會唔會係其實一餐食唔得多呢? 如果係咁少食多餐又得唔得呢…
一時時啦…..
佢每餐都食得唔多架…. 又時密時唔密咁囉;