靖天: 『新學校, 有無沙沙同埋煮飯仔玩架?』

. 

2010年2月4日 (星期四), 陰

踏進2月份, 上月家務事, 總算靜止下來…

取而代之的, 是靖天離開BC, 踏進新“學校”的新開始….

.

這家中心在荃灣, 比尖沙咀, 近一點, 但老實說, 咱家出荃灣, 仲辛苦過出尖沙咀…

早上起來, 準備好東西, 8點半, 就出門口了….

出門口時, 靖天還沒有起床…

盡管路途遠一點, 但爸B也堅持陪靖天先上課….

咱們仨走到西鐵站, 上車後, 半強迫地要靖天吃點早奶….

到達荃灣, 才9時許, 在車站跟爸B道別後 (要上班咯!), 媽咪就帶著靖天, 再轉小巴到中心….

.

這天, 是一個沒有“朋友”的一天….

去到邊, 都不停要等….

等了十多分鐘, 才上到小巴….

還好, 時間還是剛剛好!

.

走進中心, 靖天初時表現得還不錯…

靖天: 『要除鞋先架喎!』

靖天: 『除褸丫…. 除埋褸丫!』

當得悉媽咪將要離開後…. 就哭了!!!

.

老師只是不停好言相勸, 沒有任何舉動….

最後, 是媽咪狠下心腸:
『老師, 不如你抱佢入去啦… 佢應該一陣就唔喊架喇…』

老師聽到後, 就抱起靖天, 媽咪大聲的跟靖天道別, 頭也不回的離開了…

媽咪那刻實在很無奈… 感覺這位老師似乎沒有太多經驗…. 也許已經習慣mS eLLEN的”狠”, 一開門, 就得跟父母道別, 然後接走小孩….. 但這位老師, 沒有這樣做…

在門外等軚期間, 聽到靖天不停的大哭大叫…

有點心痛, 也怪自己為了慳那一百幾十, 連累女兒要從新適應新環境….

.

走到附近的咖啡店…. 心內仍然忐忑不安…

本打算在這處只上一個月課程, 現在, 可能上數堂就要放棄了….

媽咪有點怪自己沒有好好思量, 就急急付了銀兩, 深怕遲了報名會害得靖天”無書讀”…

又原來, 數數手指, 女兒才得2歲大…..

.

好不容易捱了1個小時… 離開前已叮囑老師, 若靖天哭得太多, 就致電給我接回女兒…

但一直收不到電話….

對老師的不信任… 結果媽咪還是親自致電到中心…

『係呀, 我係靖天媽咪呀, 我想問靖天仲有無喊呀?』

職員: 『無喇, 靖天收左聲, 上緊堂喇!』

安心一點了…..

.

這個課程是2.5小時….. 比BC還要長半個小時….

中午時間, 終於等到靖天放學, 可以接回她了!!!

.

走進中心, 還在上堂啊!

看見靖天拿著一盒小小的維恘奶出來…

嘴裏還含著一口餅…..

看見媽咪, 很開心, 又很心急的樣子…. 

媽咪也不忙攬攬靖天, 親吻一下, 鼓勵一下:
『嘩! 好叻喎, 靖天無喊喇… 開唔開心呀?』

靖天: 『開心! 我食茶點呀!』

.                  

老師向媽咪報名靖天今天的情況….

  佢喊左15分鐘, 跟住我地彈琴開音樂, 佢已經收左聲喇… 
(中了當年Ms Ellen說靖天遇到音樂就會平伏心情)

  跟住我地教佢高低音… 低音 = 大笨象, 高音 = 老鼠… 我地彈左2次, 再問佢, 大笨象o係邊, 佢就會去彈”低音”, 問佢老鼠o係邊, 佢又會去禁”高音”, 証明佢已經分辨到高低音, 表現十分唔錯!
感想: 靖天咁犀利?! 咁快分到高低音? 媽咪很意外啊! 老師的教法也很有創意…. 實在有點”錢還是要給人賺”的感覺…

  我地俾左個 (媽咪不懂形容) 佢練習身體平衡, 先係”半圓形”面向上, 好快佢已經做到個平衡; 跟住反轉佢 (半圓形面向下), 佢都尚算平衡到, 不停搖下搖下咁… 其實佢係一個好勇敢既小朋友, 睇得出佢真係好願意去嘗試!  不過用”腳指”爪住o的野方面就仲未掌握得好好…
感想: 熱愛大肌肉運動的靖天, 對平衡有很大的機會點, 但聽到老師說她願意嘗試, 很安慰!

  之後我地俾佢 (個工具有條繩) 拿住玩, 佢就拿住佢行來行去… 然後我問佢: 『咦, 你係咪去買緊餸呀?』佢又會答我: 『唔係呀, 我吸緊塵呀!』…. 諗野好有創意, 係有自己思想…
感想: 靖天的創意, 還有待發掘, 但仍暗暗讚嘆女兒的腦袋, 總是古靈精怪!

  之前你提過佢對積木, lego都無興趣, 但就鍾意玩煮飯仔… 咁今日我就試下同佢cross over, 用lego 砌左個廚房仔, 佢都肯幫手砌又肯玩, 仲炒野俾我地食… 會繼續試下將o的佢鍾意既原素加入佢唔擅長既工作入面, 睇下會唔會引起佢多o的興趣….
感想: Lego cross-over 煮飯仔, 老師的心思, 媽咪明白的了, 多謝妳!

  成個過程睇得出佢係一個好montessori既小朋友… 佢玩野好隨心, 好自由, 鍾意玩乜就想去玩… 不過我都想用第2個方法同佢試下, 要求佢玩完一樣先到一樣….  (好啊! 第日返學都無得咁隨心架麻!)
感想: 好一個”montessori child”, 很動聽! 但也開始感受到, montessori帶來的問題….

老師說靖天在11點後的精神明顯有點不濟… 而且茶點時間也不大開胃… 提議不如將半小時的茶點時間斷了, 早半小時放學, 好讓媽咪帶靖天外出午飯和休息…

媽咪基本上同意了, 著實2.5小時的課程, 對靖天來說似乎有點吃力…. 半小時的茶點時間也太多了吧?!

先試一天, 再決定靖天的上課時間….

離開前….

媽咪: 『我想問呢, 其實靖天會唔會有其他同學架?』

其實媽咪無意深究中心的生意, 但老師還是認真的解釋因為同班的2位同學有事, 2月會缺課, 所以本月只有靖天一人上課….

老師還說這是一個好機會, 讓她跟靖天建立很好的關係….

媽咪: 『其實係因為靖天個性比較agressive, 佔有慾都比較強, 佢更加會打小朋友, 所以想同老師講聲, 如果有同學仔, 就要多加留意…』

這時, 靖天忽然不停叫著: 『媽咪! 媽咪!』 然後按著媽咪的嘴巴… 似乎想示意: 不要說!

那媽咪就不說了…

但老師也說會多加留意, 並會安排一些”behaviour modelling”給靖天…. 
(很”Child-Psy” feel唷!)

.

媽咪覺得….. 安心多了!!! 對老師的信心也有了…

著實, 這家中心 (應該)是新開張的, 收生人數不多, 在網上也鮮有這家中心的討論….

帶著靖天, 似乎在做”白老鼠”多於做”顧客”….

不怕浪費那幾千個大洋, 只怕老師的教導不善, 影響了心肝…..

一堂過後, 想起老師安排的活動和教學…. 想起老師跟媽咪的討論….

似乎, 媽咪又找了一位”用心”的老師….

.

在期待未來幾課

老師可以為靖天和媽咪帶來多點衝擊!!!

(476)

Comments

comments