靖天上廁所@久違了的成功
對不起…… 已打格仔……..
2010年1月30日 (星期六), 早上
早上起來, 靖天已經退燒了, 玩了一會, 走過來說: 『痾屎屎呀!!』
媽咪: 『好呀… 真架? 好呀!』
媽咪: 『不如試下坐廁板丫…』
靖天: 『唔好呀~ 好驚呀!』
媽咪: 『唔驚架, 個廁板買俾你架麻, 有好多公仔架(圖案), 幾靚!』
靖天: 『好丫!』
坐上去….. 5分鐘後………..
靖天: 『痾完喇!』
媽咪滿心歡喜, 一看……. 什麼都沒有~!
媽咪: 『無既, 靖天….』
靖天: 『有呀! 幾叻~ 有呀, 幾叻~』
(看著廁所內的那張紙巾, 是媽咪剛才掉下去的)
媽咪: 『無既, 都唔係屎屎黎既….』 (扮起喊來……)
靖天: 『痾多陣, 痾多陣!』 (很緊張的想媽咪收聲, 主動要求”痾多陣”來安慰媽咪)
又過了5分鐘….
靖天: 『痾完喇!』
抱起靖天….. 一看, 又是空空如也~~~
媽咪: 『都無…..您係咪唔急呀?』
靖天: 『係呀~~~』 (玩野呀!!!)
媽咪: 『咁好啦, 陣間你想痾, 再同我講啦~!』
靖天: 『好呀!』
靖天穿回尿片, 繼續”煮飯”, 媽咪又繼續工作….
10多分鐘後…
靖天: 『痾屎屎呀!』
媽咪: 『您係咪架?!….』
靖天: 『係呀! 坐痰罐啦, 不如!』
媽咪: 『好啦… 』 (今次讓她坐痰罐)
3分鐘後….
靖天: 『痾完喇, 有喇, 有喇!』
已經企起身的靖天… 媽咪走去一看…….
媽咪: 『嘩!!! 真係有架~~!!! 咁叻既?』
媽咪: 『靖天自己痾屎屎喎, 咁叻既?!』
沾沾自喜的靖天….. 笑了~~~
媽咪立刻記下這個重要時刻….!!!!
靖天: 『咦? 我好似得左喇喎?!』
雖然只得這麼一點點, 但可以看到, 咱家的女兒, 會自己說大大了?! ……
及後, 跟婆婆說起, 原來早兩天, 靖天已經在婆婆家, 主動的說要便便, 主動的說要坐廁板…….
.
那尿尿呢?!
絕對不是可以成功戒片…
但相信已經99.99%準備好……
婆婆早前已跟媽咪商量好, 過年後, 就正式的給靖天除掉尿片, 認真的學習一下戒片!
(過年後, 因為預算天氣不會這樣反覆囉! 
)
.
這兩個星期, 靖天已經多次, 多次, 多次主動的說要尿尿….
而且, 每次都是成功的!
媽咪實在很享受這個時刻…..
又一個”得來全不費功夫”的小成功!!!!!
.
這裏, 靖天媽咪想特意感謝聰媽, 不是她的網誌說聰兒自己戒片去, 媽咪真的以為, 要”幫佢戒”……
這裏, 靖天媽咪想特意感謝kOkO, 不是她過去教mavis的分享, 媽咪真的以為, 不提早協助, 小孩就永遠都要帶著尿片做人…….
這裏, 靖天媽媽想特意感謝佛洛依德, 沒有他的”肛門期”, 媽咪還以為, 強迫性戒片方為好事, 而迫靖天將尿片掉掉…… (湊仔班, 還是早讀早享受!! )
這裏, 靖天媽咪更想感謝自己 (對不起, 又是時候吹棒一下
), 不是自己堅持信念, 相信自己的孩子, 可能自己已經成為一個”為2歲女兒戒不到片而感到頭痛和羞惱的緊張媽媽…… (其實, 曾幾何時, 媽咪都因為靖天戒不到片而覺得她特別愚鈍!)
靖天: 『真係呀! 真係痾到喇!!!』
這一刻, 靖天還沒有成功, 但只想給還沒有戒片的2歲小寶寶知道….
要是你們準備好, 就自然會表現出來, 我們急, 也是乾著急的…..
再者, 早戒片 = 特別叻 = 智力高 = 成就高?
靖天媽媽還在找努力的找尋這些心理/醫學/教學報告啊!!!!!
(雖然, 有不成文規則定, 某某, 某某和某某名校, 凡未戒片者一律不被取錄!)
(雖然, 身邊真的有朋友因為小孩早戒片已不停炫耀, 還暗笑靖天還沒有戒片 
)
靖天報的那家名校, …… 就因為這樣沒有取錄靖天吧?! 
.
靖天, 您9月就上學了, 還有時間的, 但也要多多加油啊!!!
您條大碼尿片就黎唔岩著喇~~~~
.
.
延申閱讀…
13個月第1次學用小童廁板 — Click Here
13個半月, 成功在大人馬桶便便 — Click Here
16個月半戒片記 — Click Here
20個月便秘頻生, 戒片失敗 — Click Here
(248)
最近茄茄翻兜賴屎…都唔知同過早幫佢學大人咁大便有冇關係…orz…
哎約?! 唔會麻?!…………
(咪嚇我)
靖天叻叻呀! 好快可以同尿片講拜拜lor…
我還在努力期待著啊!
痰罐+c, 令我想起c6黎接新娘, 我班姐妹買左個鴛鴦鉄痰罐, 放左d蕉mixed with朱古力响入面, 再放張厠紙上面 hahaha
靖天加油, 幫媽咪慳返d尿片$!!!
哈哈, 又真係幾似……………
我都好期待不用買尿片的日子啊!
靖天叻叻呀
加油 ..
見聰兒哥哥的那天 ..就不用穿片片了 !!!
Yeah
佢就想喇, 邊有咁快!!!!
再者, 早戒片 = 特別叻 = 智力高 = 成就高? ＞＞＞＞＞我唔信！！！
香港黎講, 10個家長, 都應該有9個信………. !!!!
wooo~~~靖天真有心,新年前送咗個大驚喜比你, 睇黎你封大利是都唔少得啦!
唉…我又黎羨慕ing啦!
佢封利是年年都大架啦, kakakakakaka
羨慕? 我其實都好羨慕o個o的早早戒片既bb啊….. @.@
恭喜恭喜, 靖天就快戒到片片LOR~
[要是你們準備好, 就自然會表現出來, 我們急, 也是乾著急的…..]
希望真係會成功戒到咯…….. @.@