靖天: 『我愛妳先會喊, 不過無有怕, 無有怕!!』

2010年2月5日 (星期五), 陰

這天比昨天順利得多了…

還沒到8點, 靖天已經自行醒來….

吃過早奶, 就慢慢的出門口….

到了西鐵站, 跟爸B道別… 不用等小巴, 見時間尚早, 媽咪試試步行到中心….

結果……. 很遠!!! 很累…….

.

走中電梯, 靖天開始不安起來….

媽咪著她站著, 也不願意…

然後….. 扭計了!!!

到中心門口, 已經哭起來……..

走進中心, 哭聲更大……

然後, 老師已經出來協助… 試著安撫靖天… 卻不得要領….

最後, 又是一個狠心媽咪:『乖喇! 唔好喊… 媽咪陣間黎接返你!!!』

靖天在一邊在爭扎, 在哭…… 媽咪自顧自的把戲演畢…. 揮手, 飛吻, 開門離去….

等候電梯其間… 不停聽到: 『媽咪呀! 我要媽咪呀!… 媽咪~~ 我要媽咪呀!』

十數秒後, 電梯到了… 這時, 也聽到靖天收聲了!!!

比昨天, 快了很多收聲啊!!!  [昨天收聲需時: 15分鐘; 今天: 約一分鐘]

.

今天試改連續2小時的課堂, 沒有小息…

進門時, 給靖天發現了… 嚷著: 『開門丫! 開門丫!』

看見媽咪, 心肝開心了, 興奮了, …… 緊緊的攬著媽咪….

媽咪也幫靖天穿上襪子, 鞋子, 和外套… 並聽著老師今次的課堂回顧….

.

媽咪: 今日佢喊左幾耐呀?
老師: 佢今日好快收聲呀! 你出左門口佢已經收聲喇… 
(果然, 媽咪沒有幻聽啊!)

老師: 我發覺佢個節拍感好強, 聽到既歌仔1次已經會跟住唱, 如果係佢熟悉既歌仔, 更加會又唱又跳, 肢體既韻律似乎比上次見佢有進步, 會做出同拍子相近既動作, 不過當我地嘗試將不同樂器放o係唔同地方再發出聲音, 佢就似乎唔係好分辨到, 呢個會繼續練習!
感想: 都話架啦~~!! 我個女音樂感唔差架…….

老師: 今日同佢試玩平衡木, 做得唔錯, 但當要轉彎時, 佢就好似唔係好知道隻腳要咁”扭“先轉到個身繼續, 好多時佢都會行左落地再行返上去…. 會繼續同佢練習…
感想: 即係唔識轉灣?! 同媽咪一樣? 板板六十四?!

老師: 佢既探索能力真係好強, 今日我地同佢玩磁石, 佢會發現到兩邊不同貼得埋, 但又會好奇怪點解倒轉貼, 就貼唔埋… 而且仲好樂意試多幾遍, 當然我地唔係要佢明白磁場既原理, 但至少佢會發現, 一樣既野, 唔同左方向會唔同左…
感想: 有點意外, 老師安排這個遊戲給靖天玩… 更意外靖天的反應… 似乎, 老師的驚喜, 應該會陸續有來吧?!

老師: 我地今日整左o的障礙物俾佢, 要佢穿過障礙物, 再將鴨仔送到水盤去, 佢都一一做到! 好多動作佢都自己做到 (媽咪沒有問是什麼樣的障礙物啊) 而且佢似乎發現了物件浮沉的原理, 會嘗試將鴨仔按進水裏去, 不停的嘗試, 有”浮”和”沉”的概念, 但應該她還不知道這是”浮”和”沉”的原理啊!
感想: 難得靖天願意嘗試, 而且努力完成任務, 實在可喜可賀… 靈活的教法, 似乎真的比較適合靖天?!

老師: 我地發現, 佢對”輕—重”, “大—細”既概念, 仲未完全掌握, 咁我地會幫佢再練習下, 加強返……
感想: 其實老師和媽咪也知道, 輕/重, 大/小在這個年紀不是必須要懂的! 但時代不同了, 當大多小朋友都懂得明白時, 靖天的”不懂”, 就會變成”無知”… 媽咪和老師也要多給靖天了解一下咯!!!! (重的概念, 靖天應該沒問題, 但”輕”麻… 就似乎很少試練……. )

老師: 佢睇野其實真係睇得好細微…. 頭先o係枱仔到玩, 佢忽然蹲在枱底, 指著那小口的鑼絲告訴我: 「睇下, 呢個要扭架!」…… 真係好犀利!
感想: 老師用”犀利”來形容靖天實在很不客氣, 但….. 靖天媽媽全單接收! 靖天的想法, 就是這麼古靈精怪~~~

老師: 今日佢都仲肯玩lego, 反而煮飯仔無特別話想玩…. 我地會繼續俾佢玩多o的啊!
感想: 靖天在”外人”, 跟在家, 情況真的有很大差異啊!!!

老師: 其實我想問下媽媽平時o係屋企有無同佢玩”聞”同埋”試味”架? 因為我地都發現靖天在這方面比較弱…. 她會說甜, 但就似乎不大知道, 不同食物的確實的味道….
媽咪: 試著解釋”試味”, “聞東西”的難處…. 深感靖天不明白, 所以少做… 給老師鼓勵要多嘗試, 靖天才會多了解…
感想: 嗅覺方面, 實在很少幫靖天做練習… 感覺得難, 也想不到好的方法… 味覺麻, 是有練習, 但又似乎很少…. 經老師一說, 媽咪要多加留意咯!!!

老師: 大致上係咁囉, 或者你有咩想我地安排俾靖天, 不妨提出啊!
媽咪: 其實佢數數真係好弱… 還是唔洗咁早識?

老師: 數數係比較深層次, 我會先由顏色開始, 今日我都教左佢白色, 媽媽可以回家跟靖天做加強練習, 然後到圖形, 最後到數數…
感想: 似乎, 老師也已經發現靖天對顏色, 圓形, 和數字的認知很差…. 不是不懂, 但就是未能靈活變通…. (死火! 靖天會有學習障礙嗎?!) …….. 也好, BC那邊沒有特意教導這一項, 來到這處, 老師會想辦法協助靖天學習… 媽咪努力了一年多也不成功, 且看看老師有多少法寶, 令靖天”開曉”了!!!!

.

老師已經確定了時鐘到早上11點, 靖天就會忽然疲倦….

所以, 唯有將半小時的小息時間減掉, 改為2小時繼續式課堂….

多上幾課, 看看靖天精神上能否適應下來…. 再作調節!!

.

很愛跟老師的討論… 更愛老師對靖天的小觀察, 不是因為老師連番的讚賞, 而是媽咪真的感受到老師的那份誠意…….

沒有好好投入教導, 又如何能喋喋不休的跟媽咪報告十數分鐘? 
(其實, 上BC後的2個多月已經沒有跟mS eLLEN詳談了… )

新的教學模式, 靖天和媽咪還在適應中, 這兩課, 讓媽咪留意到, 老師那份專業… 有別於一般Playgroup, 更莫說跟BC的蒙特梭利教法…….  這應該是因為一對一的教學所帶來的好處吧?!……..

.

早上, 媽咪跟爸B討論……

媽咪: 『其實我想下個月幫靖天轉讀XX那家pLAYGRUOP, 始終價錢又平啲, 仲要係3日班, 又係英普….. 好似吸引O的……』

媽咪: 『但係佢仲咁細, 依家有老師一對一, 又好似真係幫到靖天… 返o個邊就好”幼稚園”… 咁係咪應該搵個老師幫到佢學習, 重要過要佢咁規律咁上堂?』

媽咪再次重申….. 人家用英普教學… 經濟啲, 上課日數又多啲………

爸B: 『其實靖天仲咁細… 真係唔需要咁急要佢好似返幼稚園咁返喎… 語言係緊要, 但其他發展都重要麻… 難得有個老師肯放心機幫手教靖天, 不如試多1-2個月再決定啦… 返幼稚園, 你荒佢無機會返咩…』

事情永遠都是”有辣有唔辣”….

既然爸B都認同, 協助靖天個人發展, 比學語言, 學規律更重要… 那就多試一個月吧…

月尾就會有同學回歸跟靖天一起上課, 有同伴一起上課, 情況又會有多點不同吧?

.

“蚊蚊皆辛苦”….

願老師繼續努力……

媽咪和靖天繼續配合…………

爸B繼續搵錢………

.

(309)

Comments

comments