『咱們仨』的新居2010 [裝修記] Password Set
爛成咁…… 都唔知幾時先有得住?! 
年初…. 賣樓了! …….CLICK HERE!
然後, 找了暫住的地方…. cLICK hERE!
好不容易, 花了2天時間, 搬到暫住的地方….. clICK hERE!
同時, 也購了新居….. cLICK hERE!
.
好不容易, 等到了收樓日….
好不容易, 安排了裝修師傅上門度尺, 商討細節….
預計竣工日期, 為8月…… 也就是暫住居所的約滿日!!!
很長遠….
廚房都拆得一乾二淨!
朋友問: 『你屋企好大架? 裝修咁耐既?』
朋友問: 『你地裝修咩搞咁耐呀?』
朋友問: 『個裝修師傅洗唔洗咁慢?』
最後, 靖天婆婆問: 『點解要整咁耐, 有無咁既需要?!』
官腔式的回答: 『因為4月才算正式商討細節, 拖拖拉拉待5月才開工, 又因為相約相關的其他師傅都要”等”, 時間就拖長了!!!』
真正的 答案: 『其實靖天媽媽不知道!』
一早盤算會全屋裝修….
誰不知…..
『o的喉老化得太犀利, 要整過…』
『電線氧化左, 要換過….』
『地板已經鋪過兩層, 要起曬佢再鋪過…』
『廁所上下都有滲過水, 要做防漏!』
疑似天線位的地方…….
一連串的問題…..
我們都像被騙的買了一層危樓…..
其實樓齡已不少, 預知的問題…. 只是沒有預知會是這麼一連串…..
.
某天到新居視察,….
嘩!!!!!!!!!!!!!!!!!!!!!!!!!!!!!!!!!!!
乜爛成咁?!
『咱們仨』的新居, 真的會有完工的一天嗎?! 
.
.
年初買樓, 待5月才正式開工….
除了因為裝修師傅都太忙沒有時間分配給我們外….
主要原因, 應該是因為爸B吧?!.
.
上一個家的設計, 也是爸B一手一腳的構思, 畫, 設計….
靖天媽媽提供的, 就是『堅持要地台』, 『廚房要藍色』, 『書房唔洗搞』….
結果…..
一個十星級的家, 在不知不覺中誕生了!
.
這次…..
間隔不同了….
四四正正的一個單位, 反而更顯功架…..
如何將之變為一個有『咱們仨』味道的, 卻考難度!!!
最麻煩, 最考功夫的, 就是他與她的品味, 想法都是截然不同
(實在不明當初怎會走在一起…)
.
花了3個多月時間…..
終於起了草圖…………..
所有位罝都度好尺, 連電線位如何走, 電制位在哪, 也寫得清清楚楚…..
半夜三更, 枕邊人還在埋頭苦幹坐在電腦前….
就是為著這份草圖….
老實說, 實在需要用力的讚一讚!!!! 
100%出自爸B手筆….. 算是嘔心瀝血吧?! 
.
他放在這個新居的時間, 心思, 精神, 實在非筆墨能形容….
但願, 他能明瞭, 不善表達的她, 其實內心暗暗感激, 也默默支持著…..
(1257)
哇~ 幅圖好認真呀~ 我地果時都係求其用手畫咋, 仲要係勁肉酸囉~
睇你間屋拆成噤, 就知大工程啦, 不過如果個單位樓齡有番噤上下, d嘢換哂佢好過入住咗先有手尾跟, 到時仲煩呀~
跟裝修又係一件勁勁勁煩嘅事, 衷心希望你地一路順利等到入伙. 加油呀!
~~~~~~
~~~~~~
樓齡舊, 要換曬野, 真係有好有唔好…..
謝謝你, 我會叫師傅加油了!
真好…又有自己的安樂窩…很期待妳新居入伙呀~~
妳呢個單位幾大呀 …我出年都打算換樓…到時睇
下妳裝修如何….交流下啦 ….
~~~~~~
~~~~~~
裝修交流要找爸b咯, 哈哈!!!
呢度…. 一眼望曬, 好細,ｏｒｚ
~~~~~~~~
~~~~~~~~
原來爸b除左影相叻, 設計都有一手.. 你真係幸福!
~~~~~~
~~~~~~
言之尚早喇, orz
主人房好大呀?
~~~~~~~~
~~~~~~~~
咁你都望到?!
好期待你既新居,其實你老公搞掂哂仲好呀~~~~^^
~~~~~~
~~~~~~
不過呢位爸B, 工作速度太慢了…. @.@
爸B真係好用心去為呢個”家”, 你同靖天好幸福呀!!
3個月裝修真係唔算耐, 慢功出細貨!!
預祝你地裝修順利, 好其待你地嘅新居!
~~~~~~
~~~~~~
佢有我地兩個, 才是好福氣啊!! kakakakakak
謝謝你!
咪就係市廣場囉…6 / 7 座有3房單位架~~~不過唔多放盤囉!!!
係咪玩嘢呀，我都唔係住三房……………（邊有資格）
有自家的Interior Designer，羨慕ing!
~~~~~~
~~~~~~
啋…… 呢個邊算呀!
靖天爸b好叻呀 !!!
8月好快到啦…….
到時一定有個靚靚滿意居所 !
~~~~~~
~~~~~~
我最怕係8月都收唔到樓咋, 嗚嗚!
哇! 爸b幅草圖畫得好pro呢.
裝修呢樣嘢真係無得急, 寧可d師傅慢工出細貨.
~~~~~~
~~~~~~
哈哈, 草圖黎講算係咁了, xdxdxdxd
期待可以睇到你們十星級的家!
好羨慕靖天媽媽有個咁好既老公!!
~~~~~~
~~~~~~
怎會是十星級, 爛成咁,ｏｒｚ
唔好咁講啦, 個個老公都錫老婆架麻!
裝修真係好多野要攪, 遲 d 仲要買傢私, 睇黎你兩公婆仲會有排繁忙呢！努力！加油！
~~~~~~
~~~~~~
呵呵, 係一個人做, ….
自己的事自己搞掂…
好大,真係唔似兩房. 草圖畫得好好,好pro. 爸b可以考慮轉行喎. ^ ^
~~~~~~
~~~~~~
應該係幻覺, 一o的都唔大…. @.@
假使有日俾人炒, 都可以做裝修師傅喎, xdxdxdxd
好野!就快有新屋住,恭喜恭喜!!
祝裝修一切順利!
忙埋今次,你地又可以安定下來了。
~~~~~~
~~~~~~
有排等呢, 嗚嗚!!!
係啊, 忙埋今次, 有人話以後都唔搬架喇, xdxddxd
woo…真係好pro喎…真係不得不贊吓爸b!!! 男人認真起上黎, 又真係幾man, 呵呵!!! 記得上次, 我家barbie亦如是….一手一腳, 我只係旁觀者…
草圖上睇, 你地個新居同我地屋企個間隔一樣呢! 你地重多我地一個sofa後的大廳位, very great~~~ 不過唔好嫌我長氣, 傢俬方面真係諗清楚, 因為好多時第一次買落的都唔係太啱用, 不過我諗你都有經驗既, just a reminder~~~
btn, 8月好快, 我地屋企…一拖…2改…3執…都已經用咗9個月的時間…所以, 佢如期交貨已經係好好架啦!
~~~~~~
~~~~~~
哈哈…….. 呢o的粗重功夫都係佢地搞好…
間隔一樣咁神奇?!……. 市廣場原來有呢個間隔架?!
嘩…… 9個月, 唔好嚇我呢…….
嘩..靖天爸爸好勁呀
自己設計屋企
仲要自己係電腦度畫圖…
好期待完工既一日呀
~~~~~~
~~~~~~
佢用o的好簡單既s/w咋麻,ｋａｋａｋａ
俾人設計好貴， 有人孤寒．．．．
有呀! 重有個好似就係同你地exact一樣的單位, 不過only 我地果邊果2座…早知一早同你講聲, 呢邊超方面呢! 不過你地都住慣咗你地果頭, 應該都唔成問題…
~~~~~~
~~~~~~
其實你住邊架? 因為….. 如果係市廣場, 真係無一個間隔同呢個屋苑係一樣架喎….. (唔通我眼花!?)
回想我的新居裝修時, 由12月頭拆拆拆, 都要搞到1月頭先開始叫做有嘢嘢睇…..前前後後真係足3個月咁滯!
8月…..尼個deadline似乎都係啱啱好咋…..
cf & 爸b都要加油呀!!!
~~~~~~
~~~~~~
咪嚇我啦….. 好驚呀!
裝修真係唔可以馬虎了事，好在有爸b咁細心計劃，雖然遲左收樓但一家人可以住得舒服0的嗎。
~~~~~~
~~~~~~
唉……. 希望真係會舒服啦;
嘩 …
爸 B 好厲害呀
咩都識 …
希望好快可以去你既新居度玩啦
~~~~~~
~~~~~~
畫圖咋麻, 咪叫厲害, 傻瓜黎架!
我約實你同聰兒架!
恭喜咱們仨，很快便有間安樂窩。爸b好叻呀，自己劃自己設計，希望快d睇到妳地間新屋既分享~~
~~~~~~
~~~~~~
多謝你支持啊!
不過呢….. 其實我都好心急呢, xdxdxdxd
雖然而家有d”好不容易”, 但辛苦過後 , 你地一定會住得好好好好開心架! 新居入伙, 記得請埋我地去玩呀!
~~~~~~
~~~~~~
希望真係會開心O的啦, 嘻!
我預左你會上黎玩架, 好掛住macy呢;
嘩！好勁呀，到時可唔可請我到你的十星級的家參觀呀！
我已經進入講數階段，個d人渣，有$請私人乜乜，都唔會益妳地！
~~~~~~
~~~~~~
如果你唔介意咁遠…. 我們歡迎的啊!!!!
哼! 我支持你, 你要頂住呀!
8月好快就到啦, 慢工出細貨ma, 係咪先先?
~~~~~~
~~~~~~
我希望真係出細貨, 唔係”dump貨”…..
應該ok既……係咪三房呀? ( 羨慕ing….)
爸b兼職室內設計ga?幅圖咁靚0既^^
8月好快啦,而家都就快6月咯
~~~~~~
~~~~~~
佢聽到應該會好開心, xdxdxdxd
唉, 但係每次問老公, 佢都依依哦哦, 好驚出年都入唔到伙呀!
爸B好似好專業喎….^^
~~~~~~
~~~~~~
佢呢個圖畫左好耐架喇, xdxdxdxd
新屋係好鬼多濕碎嘢攪,原諒爸B啦..,有新屋住,好開心呢….!!
~~~~~~
~~~~~~
有得唔原諒咩, 嗚;
搬入新居又係新一個ge開始….
慢慢咁期待著…先會覺得珍貴ma!!
忙下裝修…搵下傢私…
3個月其實好快就過…
仲有呀…真係好佩服靖天爸ge細心….
靖天媽真幸福!!!^^
~~~~~~
~~~~~~
還沒有搬啊!!! 不過……. 真係好多野搞, 嗚嗚!
Dear Katie Mum:
~~~~~~
~~~~~~
爸b還沒有這個能力呢…. =.=
不變回一房已經偷笑了!