愛．靖天 [2歲4個半月]
說多少句『我愛您』….. 似乎也不夠表示……
上年的2月, 原來寫了一篇『對您的期望』…….
然後, 隨著您的長大…. 這份擔心和期望, 又漸漸消失……
也許是因為看著您健康又穩定的長大, 內心安樂一點吧………..
只是… 當又要回到”為您找學校”, “選哪一家學校較適合”, “怎麼還沒有認到顏色”, … 這一連串問題時, 心…. 又再次膽膻心驚起來…..
.
這陣子的心情, 我想… 應該都沒有對女兒造成什麼重大傷害吧….
開心, 唔開心….. 憤怒, 平和…… 生氣, 失望………
好幾次, 都忍不住的跟女兒說: 『媽咪真係好唔開心….. 好想喊….. 靖天….』
然後, 女兒拿起”布布”, 幫還沒有落淚的媽咪擦眼淚: 『唔好喊! 開心o的… 深呼吸…. 勇敢o的呀!』…..
這番話, 還是把強忍的淚水一串串的拉了出來….
患上濕疹的您, 每天睡前, 都愛我們為您”R”背脊…..
“R“著”R“著… 您就會平靜下來, 默不作聲… 在享受著, 然後…慢慢入睡…
雖然很累, 有時”R“得手都發軟了…. 但爸B媽咪, 仍然樂意的為您”服務”……..
然後, 大家都想起, 鄭丹瑞N年前的那首歌…..
當年, 我們還是小孩子, 渴望被爸爸媽媽摸摸, 親親…..
今天, 我們卻為自己的女兒, 送上這一幕…….
N年前…. 《那夜我替女兒R背脊》
每天坐在辦公工看電郵, 做文件, …. 有正常的上班下班時間, 更有準時的午餐時間…. 但每天下班, 身體都會感到很重, 很重… 疲累不堪…
放假照顧您的日子, 早上起來, 帶您上PLAYGROUP, 然後接您回家, 再準備午餐, 稍稍休息, 又想跟您溫習一下, 或是做做手工, 畫畫圖畫…. 然後就是下午茶時間… 茶點過後, 想起有時間, 太陽伯伯還在, 又會帶您到樓下的公園散散步…. 回家後, 給您沖涼, 又準備您的晚餐….
自己的晚飯也來不及準備, 點了外賣, 等待爸B回家….
吃過晚飯, 想起沒有跟爸B有親子時間, 一家人又再走到樓下超市逛逛, 散散步…
然後再看一會電視…. 才一起上床休息…..
比整天坐在辦工室, 實在辛勞得緊要!!!
但…… 感覺輕鬆得多了, 壓力也似少一點的…..
女兒…. 有您在身邊, 大概什麼事都變得更有趣, 更有意義吧?!
某天看到兩年多前寫的一些日記…..
竟然有留言者大罵我們都過份忙碌, 疏於照顧您……
然而, 我們從不認為, 您會為此而生氣, 或是埋怨我們給您的時間太少……
.
這半年來, 一直看到您的安全感在慢慢增加, 再沒有出現”分離焦慮”, 不會怕陌生, 學會了獨立上課….
您的順利成長, 是托您本身的聰穎, 我們實在沒有做到什麼…. 教書本知識? 教人生道德? 教自理能力?… 我們似乎都沒有做到什麼….
就是不停帶您遊玩… 四處去…. 讓您看, 讓您笑…… 似”酒肉朋友”… 更似”無知的奉獻”…..
不論您接受與否, 您還是我們的女兒, 遺憾, 您都不能選擇…..
.
但我只想跟您說一句: 這2年多來, 您實實在在的讓爸B媽咪倆成長了一萬倍….
媽咪的失落, 不快樂, 壓力….. 都因為您, 努力的, 慢慢的克服過來….
想起您, 想起您的話, 想起您的笑… 我還哭什麼?! …….
.
終於都深深明白, 為什麼人家都說, 生兒育兒, 是讓自己第2次成長, 第2次重新學習的機會……
我不冀盼有天您會感謝我的養育之恩, 但這天, 我真的想跟您說聲:
靖天, 多謝您!!!
這數月的情緒, 都因為您, 慢慢的舒緩起來….. 痊癒起來…….
送給您……. 這首歌……..
《留給最愛女兒的說話》
緊握緊握的一雙小手
教我有著太多感受
你現在或是不解這一番心意
留在你童年以後
活著活著是永遠尋求
每個際遇要安心靜候
算了吧 人成長總有一些起跌
長路裡 有我在背後
喜歡的不代表佔有
替彼方想多一想世情易接受
如今迷途不要徬徨
嘆息收起望以後
路上路上或錯折重重
每每挫敗也許不易受
要記著事事如不可以
不必強求
難受處一定有
親愛嘅女兒
今日我要講嘅
你可能永遠都唔會明白
點解當父母認為愛你愛得過份嘅時候
你會覺得我地愛你愛得唔夠
假如有一日 當你流著眼淚
埋怨爸爸媽媽太唔了解你
當你煩燥不安嘅時候
請你靜一靜 想一想
然後 希望你明白 希望你容忍
希望你繼續愛你嘅爸爸 愛你嘅媽媽
喜歡的不代表佔有
替彼方想多一想 世情易接受
如今迷途不要徬徨
嘆息收起望以後
路上路上或許多引誘
愛意決定你想施或受
這段話 寶寶很想你聽多幾遍
能共你心伴奏
.
(891)
嘩…原來你要返工架? 見你成日同囡囡周圍去，又上咁多playgoup，又寫blog…. 仲以為你做part-time or 全職mama tim….. 你好勤力呀!!
我都想唔洗do耶…….. @.@
您好呀,關於靖天濕疹的問題,想你必已試過很多很多方法去幫助她,我沒有看完你舊的網誌,不知你有沒有試過這2個方法,我仔在6星期大開始到差不多2歲時,也受濕疹搞得很辛苦,那時侯看過兒科及皮膚專科,都是給外用類固醇藥,塗的時侯看似好點,但過不久又發出來,有時嚴重的還會出血水,到最後看了另一個皮膚專科,他用很大的放大鏡檢查完後,輕描淡寫的對我講,你個仔要早起早睡,我對他說,阿仔平時已很早約9-9.30pm睡,他說太晚了,最好8.30pm前就好睡,那次看完也沒有給什麼藥,祗給了2盒很細的潤膚膏,但在沒有其他更好的方法之下,我都按照他的方法做了,在差不多3個星期後,我仔的情況是明顯的改善了,當中我亦有很勤力的塗保濕乳液(physiogel cream),但是類固醇就真的沒有再用,雖然他身上還有很多黑點,是爛肉變回好肉的疤,對我來說,這是相當神奇,不過結果是真的有效.另外,如果可以的,要戒掉奶粉,這個也是很關鍵的,我深信人是飲人奶,牛奶是給牛口渴的!以上是我自己的少少經驗,但是很值得一試,希望幫到靖天! :)
很感謝你的分享啊!
8.30pm就睡…….
還要戒掉牛奶…….
有點”無言以對”的感覺呢…. @.@
對在識媽媽來說,那真是很難配合的.
我想早起早睡是可以幫助人體增加抵抗力及提升免疫系體.醫生話太陽升就要起身,太陽降便要睡,可能我仔前生是個農夫.
仲有,雖然現在已不需用類固醇,但天氣乾時我仍繼續給他塗保濕cream 同浸沖涼粉,沖涼粉是康漾的,這個也很好.
回到家, 最快也要七時半…. 吃過晚飯, 不沖涼, 囡囡就要上床……
親子時間如何安排?
這都是我最關心的……..
但絕對同意…. 早睡早起身體好的道理…. (假如這兒不是香港……)
康漾我都用過….. 都係… 失敗…. orz
“這番話, 還是把強忍的淚水一串串的拉了出來….”
我個啲，都比你呢句，給拉出來了’v_v’
哈哈…… 唔好咁感性……
xdxdxdxdxd
好感動~~~完完全全feel到你對個女既愛~~~
雖然工作忙, 要搵錢, 但一有時間總會比哂個女同屋企, 好多hea工父母都做唔到, 仲成日唔係呢度wet就出埠, 掉低仔女比工人or家人…
你已經做左120分!
嘩…… 點會呀!!!!
我覺得望到你地, 我應該係慚愧先真啊!
妳對自己要求太太太高喇, 妳已經做咗太多太好喇, 如果妳都覺得自己唔夠, 咁我點呀?
大家繼續努力, 重有慢慢長路要一齊走嫁, 加油!!!
也不是啊…. 要求不高的了…. @.@
哎約, 人人都唔同, 人家點知你平時點對囡囡喎, 衰衰….. ^.^
一齊努力, 謝謝你!
好感人呀!!不久既將來,靖天睇到呢篇媽媽心聲一定超感動呀!靖天媽媽,其實你做媽媽已經做得好稱職,靖天那麼親你已經反映左佢完全感受到你對佢既愛,我個人認為周圍去比書本知識更重要,靖天自小有爸媽帶佢四處玩,真係好幸福呀!!放心啦,老土講句”讀萬卷書不如行萬里路呀”,靖天未讀幼稚園都已經跟你們行了不少路,我相信佢既發展一定不會比人差。同樣是在職媽媽的我完全明白你既感受,唔好話人地覺得我地陪孩子時間不夠,其實我自己有時都會自責不能多給梓塱一點時間,但現實歸現實,我們也是因應現實環境因素去工作吧;反觀,我們都會極善用餘暇,將工作以外既時間全奉獻給孩子,結果我們都能令孩子感受到我們的愛,值得欣慰了。
做咩又出現多次既…. 你琴日咪出左留言俾我呢? 傻瓜…….
真係好感動，小小人仔已經咁懂事，識得安慰媽媽，都係因為妳愛錫靖天，教導有方。自己都好有同感，教養兒女，其實自己都一路學習，我的柔柔都教曉我好多事，我知道我最希望的就是柔柔身體健康，開開心心，好多事情唔由得我地控制，我唯有係身邊陪伴著佢…我曾經因為揾唔到學校讀N1而難過，但自己明白要學習放開，只好順其自然。
睇妳這篇文章好大感觸，好有共鳴，聽著首歌真係好想喊。我也不期望有什麼回報，我知道她不屬於我，她將會有自己的路要行，但記緊不要忘記告訴她:妳永遠都不會孤單，我永遠都在妳身旁陪伴著妳。
靖天媽，我地一齊努力，加油!
謝謝鼓勵啊!!! 其實你講得好岩啊…… 一起努力吧!
總之無妳咁犀利LAW,anyway, 一齊加油…前進….
亂講! 邊個話架!!!!!
不過,…. 真係好多謝你, 好窩心, 好感動啊!
好感動呀,睇到人地喊左出黎啦!
仲眼淺過我架……….
靖天媽媽, 你唔好咁啦,
我都係”敏堯”的酒肉朋友及街坊,
我比你懶一萬陪呢…..
你又返工, 又返學, 又帶靖天返學, 返playgroup,
帶靖天去各種新地方玩, 又寫d咁好睇既blog,
我真係覺得你好勁架……
喊嘜鬼野吖, 唔好驚親靖天呀.
加油啦………
多謝你啊………
(咁人家真係想喊麻………)
係law,你做得真係好好呀,我自問就差好遠好遠…..
唔好比咁大壓力自己喇,,又唔使怕係靖天面前crying 喎,等佢知道每個人都有情緒低落的時侯,舒發左咪無事law,我都會係阿女面前crying,等佢學下點樣安慰人都好呀!!支持你呀,加油呀!!!!!!!!!!!!!
跟你相識不久…….
多謝你啊!!! 很窩心的支持………….
我會努力的繼續學習了!
好感人呀!!不久既將來,靖天睇到呢篇媽媽心聲一定超感動呀!
靖天媽媽,其實你做媽媽已經做得好稱職,靖天那麼親你已經反映左佢完全感受到你對佢既愛,我個人認為周圍去比書本知識更重要,靖天自小有爸媽帶佢四處玩,真係好幸福呀!!放心啦,老土講句”讀萬卷書不如行萬里路呀”,靖天未讀幼稚園都已經跟你們行了不少路,我相信佢既發展一定不會比人差。
同樣是在職媽媽的我完全明白你既感受,唔好話人地覺得我地陪孩子時間不夠,其實我自己有時都會自責不能多給梓塱一點時間,但現實歸現實,我們也是因應現實環境因素去工作吧;反觀,我們都會極善用餘暇,將工作以外既時間全奉獻給孩子,結果我們都能令孩子感受到我們的愛,值得欣慰了。
繼續帶靖天周圍去玩呀!努力加油!!可以同父母四處去玩係一件幸福的事。
真係唔係想佢感動或者明白什麼……
但實在有感而發…..
很想將這數月的心情, 輕輕記一記…..
多謝你….. 有你們的支持, 真係好窩心…. 好窩心……
我們會努力的啊!!! 大家都要!
感人肺腑!!
或許都講中父母的心聲, 奈何我沒有時間和文筆好好發揮~哈哈~!
我都係”天朗”的酒肉朋友~~兒時帶比佢o既歡樂, 始終係重要一環, 所以我依然會做佢o既酒肉朋友~亦望第時佢大個左, 都會帶返我去蒲, 想我做佢o既酒肉朋友~
你已經非常努力…做得好好了…..係時候relax一點啊~
你懶咋麻…….. xdxdxdxdxd
都好喎, 等佢大個左帶返我去蒲……. 幾好玩!!!
多謝你呀, 我知架喇……
真係好感動, 都話靖天似你, 好易開心同唔開心, 重好鬼感性…
你同靖天都好幸福, 因為你地有著大家…爸b都一樣, 因為佢有你地…
你絕對你一個稱職的媽媽, “養兒一百歲 長憂九十九”, 係之前的擔心, 我都好明白, 不過靖天真係好窩心, 我相信佢一家知道你的心意~~~
邊似…… @.@ ………………..
多謝你呀, 又係一個窩心的留言!!!
能夠抒發出來係好事, 內心深處舒服了些嗎?
作一點點的記錄, 有待日後大家一齊回憶吧!
回頭再看自己當年的努力係冇白費嘅!
我地為人父母的, 都要一起努力, 與子女一齊成長!!
對啊!!! 謝謝你…… ^.^
靖天媽媽妳為靖天所做既一切一切都有目共睹，唔需要理會人地點睇，你們給靖天的愛，給她相處的時間，對她來說已是最好的禮物，反而妳唔好比太大壓力自己，放鬆d，好好照顧好自己，先可以好好咁照顧靖天同爸B嘛~~
是你們太誇獎了……
我都沒有為靖天做過什麼呢……..
(點解…… 要我照顧爸b既…. orz)
噢,感同身受…太感動喇…做左媽媽,條感性筋特別敏感…
哈哈, 我都覺……….
邊看你這篇邊起雞皮﹐全說中了自己的心聲。你寫得好細緻﹐好感動呢﹗
有時覺得﹐與其話看他們成長﹐其實係大家都在學習在努力﹐共同成長﹗相信自己﹐相信靖天﹐沒有比在一個充滿愛的環節長大更要幸福了﹗
哈哈… 講中左所以起雞皮?……
謝謝你的鼓勵啊!
其實真係要多謝你，好多時睇你寫0的野真係好有做媽媽的共鳴。
你教得靖天好好喇，二歲人仔已經會你唔開心時佢識安慰你又會擔心你，這點要比從書本上學到的知識更加難能可貴(我好似寫錯字)呀。放心喇，靖天咁懂事一定會知道你們的心意。
能夠有第二次成長的機會，就要好好咁enjoy。
係我多謝你地先真呀! 有人支持, 真係好窩心, 好大鼓勵架…….
謝謝你呀!
每个人教导小孩的方法也不同，没有所谓那个比较好，那个比较差的。。。
而扯，每对父母也是以把他们認為最好的，最美的给他们的子女。。。
我觉得你真的已经做得很好啊！
讀萬卷書不如行萬里路,每一次外出，都是她们的新体驗,新學習,我都覺得打有成長呢!
努力哦~~
是明白的, 謝謝你啊……
又是一個很窩心的鼓勵………..
真係好感動, 完全感受到你對靖天既愛呀~
其實你教靖天教得甘好, 竟然有人會話你地疏於照顧@@~唔係麻, 好彩佢唔識我0者, 我驚佢會講埋粗口鬧我添呀 XD~
我覺得你真係做得好好架啦,係一個好稱職既媽媽, 唔需要理人講咩, 亦唔好比甘大壓力自己~ 放鬆D啦, 年青人^^
hahahaah 我都想講粗口, 可惜唔知佢係乜水…. xdxdxdxdxd
謝謝你的關愛, 我收到了!!
So touching!
^.^…… thanks~!
靖天媽咪, 我真心覺得你巳經做得好好, 絕對係一位稱職既媽媽.
靖天自細就有你同爸b帶住周圍去玩都不知幾幸福, 當中所學到既也絕不會少過書本上所學. 而且能給靖天一個愉快的童年也能令她的成長過程更完善一點呀.
沒有什麼重要得過爸b媽咪所給的無私的愛. 見到靖天這麼懂事, 就証明你們所做的一切是不是白費的.
不要給自己太大壓力, 衷心希望你們一家可以開開心心地過每一天. 加油呀!
多謝你呀, 成日你都講咁多好說話我聽…. 會搞到我好感動架, 衰鬼;
原來靖天媽轉新板面…
唔怪得下就入黎睇個陣咁亂喇…
整得唔錯呀…係我至愛ge黃色…
好shap好親夏天呢!!!
嘻…. 係呀, 下午搶救中….
依家搞掂, 也開心知道有人鍾意呢;
夫妻倆當然要互相照顧啦，佢照顧你之餘你都要照顧返佢嘛~
嘻！係咪好有道理呢 :p
KAKAKAKAKAKA 我想答唔係…….
xdxdxdxdxdxdxdxdxd
點解你寫嘅BLOG會令人咁感動架?!!
真係好鬼愛你~~
靖天真幸福, 有你呢個好媽媽~
《留給最愛女兒的說話》…以前聽嘅時候, 我係人地個女,而家已為人母…不過一樣咁感動~正!
hahahahha 有感而發…..有感而發…..
唔好咁講啦, 我地個個子女都幸福架啦, 有爸爸媽媽錫麻!
對啊…. 以前聽呢首歌, 真係無咩feel, 今時唔同往日了!