再當媽媽的．無奈
就是有種鬱鬱寡歡的感覺……..
上一次懷靖天時, 除了初期有一陣子微燒不退, 整個過程, 都算很順利, 也陀得蠻舒服…
不只是自己感覺, 身邊的人看到大著肚子的靖天媽媽, 在公司不停穿插, 走來走去…
應該也會感受到, 懷孕, 其實並不是什麼痛苦事…..
然而, 3年後的這個盛夏, 同一樣的懷孕, 感覺, 徹然不同….
.
因為”作小產”, 巫醫生都說我們多做一點…… 吃些安胎藥, 增加一些體內的什麼什麼素, 讓寶寶可以更強壯….. 結果, 媽咪乖乖的每天一粒….
其副作用, 簡直是可怕得嚇人!
吃後不到半小時, 就會出現頭暈, 嘔心……. 很累很累的….
休息一個晚上, 好了! 但又是吃藥的時間…..
最可怕的是…. 晚上半夜, 明明都熟睡了, 卻忽然感到一陣暈眩…. 醒了….. 就再睡不下!…….
堅持了一個多星期, …… 最終還是放棄了!
那一刻, 我任性的想: 『寶寶, 要是您真的願意來到我們家, 我們不需要這些藥, 您都會堅強的活下來, 對嗎?』
事後給爸B發現了….. 痛罵一頓…… 但我還是選擇任性下去…..
那種”副作用”, 真的令我受不了!!!!!!!
.
打從第4周開始, 媽咪就出現懷孕初期大部份孕婦必經的階段….
作嘔, 嘔到十彩, 沒胃口, 胃氣脹, 渴睡, …………
嘔, 是我最怕的; 從4周開始, 一直到12周, 沒完沒了的持續著….
有時是早上; 有時是中午; 有時是黃昏; 有時是晚上…..
小寶寶想我何時嘔, 當媽媽的, 都沒有”SAY NO”的權利…….
最可怕的是, 有天早上, 不小心聞到隔離屋煮公仔麵的味道, 不消十分鐘, 已經忍不住走到廁所”辦公”一番…. 只是早餐尚沒有吃, 吐的, 只有黃膽水, 跟胃酸…..
.
想睡的意欲實在嚇人……
還記得早一個月, 半日打blog至半夜, 第2天一早起來跟靖天到沙灘, 都是精神奕奕的!
現在….. 連睡15小時, 還會有”再想睡”的感覺!
但最痛苦的是, 整晚輾轉, 都睡不好, 起床後, 如沒睡過的…. 腰背痛的情況很早已經發生…. 才短短3個月, 已經全身腫腫脹脹的….
想外出的意欲….. 近乎零!
.
7月2日跟靖天到過迪士尼後, 打後的12個星期六/日, 靖天沒有再外出遊玩…….
換來的, 是每個周六日, 在家百無聊賴的陪著媽咪….
看電視, 吃飯, 睡覺……
看電視, 吃飯, 睡覺……
看電視, 吃飯, 睡覺……
假日, 除了”攤屍”在床上, 就是
跟友人約好的約會, 全都給取消了!
又因為”怕小氣”, 朋友問起, 只隨意的說: 『好病!』
曾經被騙的朋友們, 實在很抱歉唷!
.
這12周, 除了不停的”唔舒服”, 令我感到極度無奈和辛苦外….
對靖天, 還帶著無比的內疚…….
這個決定, 其實一開始就是錯了吧?!…….
因為我的不適, 靖天這3個月, 缺了很多很多課堂…..
又因為我的不適, 靖天久久沒有到海灘暢泳, 連遊樂場也少到了…..
平常會請幾天假陪伴女兒, 現在都變成病假, 將靖天狠狠的掉到婆婆家, 自己在家不停睡, 不停睡……
.
這……
使我對小寶寶, 生了半絲厭惡感…………
是您, 害得我不能好好的照顧靖天….
是您, 害得我不能好好的教育靖天….
這12周, 靖天就像活在森林中…. 像一個”自生自滅”的小女孩……..
很多次, 我都感到無比的後悔….
在沒有周詳的計劃和安排下, 我們, 犠牲了靖天…… 也忽略了她的成長…….
.
這個代價, 對我而言, 無比的大…….
縱使, 身邊的人, 都帶著無比的體諒和支持……..
.
深明要有一個小寶寶, 不是”你想要, 佢就會有”….
或多或少都要講些緣份…..
縱使心裏萬般的不自在, 但還是珍惜這份小小的緣份…….
.
其實, 我在想…….其
3年前很快就有了靖天, 是上天送給我最棒的禮物……
因為在沒有結婚前, 我都曾經檢查過, 子宮內出了幾個”水泡”….. 似是水瘤…
只是我沒有痛, 沒有病, 日子久了, 就忘了…….
懷著靖天的十個月, 只是初期點點兒的不適….
我從沒有奢望過, 我可以擁有兩個小孩, 當2個小孩的媽媽……
這….. 都是真的嗎?
老天爺又會否給我一個惡作劇, 在我以為我是幸福的時候, 將小寶寶帶走…..?
一天晚上: 『老公…. 我…. 真係配有兩個小朋友? 上天…..真的會給我2個小孩嗎?』
都是因為……. 我真的以為, 我都不能生了……..
.
感謝爸B的”威猛”….. 再次”一擊即中”…..
也令我, 有點不實在的感覺…….
我的生命, 不應該只是『咱們仨』嗎?……..
要變成『伵』……. 這都是真的嗎?
.
(377)
same for me….. tired and extremelly felt sick this time..
My son is already 5 years old.
Cheer up
HI 靖天媽媽, 好耐冇睇你個BLOG同回應LU, 因為我第二個囡囡剛出世, 首先恭喜你, :)
我佗細囡時,開頭都係冇MUG同大囡凝凝出街,但之後佗定左,可以出街玩GAR LA,所以不用覺得唔開心,等幾個月啫.HEHE,佗住時我係少左抱凝凝,因為個肚頂住.而家凝凝都好錫妹妹,有時我地餵完奶要掃風,佢會响老遠走埋黎,好惡咁話,唔好打妹妹呀.:)
HEHE,忘了說,佗B真的會特別累,多爭取時間休息,瞓多D呀. 努力加油, 無限量支持. :)
恭喜，靖天媽媽要加油，小寶寶也要加油 ^^
恭喜,恭喜!
靖天媽媽,
我係bk的芷蕎媽媽, 今日忽然click一下我的最愛上的咱們仨……so surprise!
知道你的good news! 更surprise!!
靖天媽媽, 你真的想太多了, 靖天唔會唔開心, 佢開始大個女, 呢個正正係好機會讓佢學習!
學習體諒媽媽的不適, 陪唔到佢玩!
學習長大, 要自己照顧自己!
更加要學習照顧別人, 不單是大肚的你, 還有將來的弟妹!
大肚不適都只是短暫, 就放假休息下, 係屋企乜都唔做就最最長胎, and大住肚請假, 係唔會比老細炸型架!!!
maybe it’s just those homos … 作奇，你唔好諗太多啦，等你過左作嘔階段又可以再同晴天週圍去啦!
for now just relax and EAT EAT EAT!!!
對靖天有歉疚的感覺我是明白的, 妳們是一家人, 互相體諒和扶持, 靖天是不會怪你喔。
你一定要堅強d呀! 很明白呢d嘔吐的日子有幾難受但好快就捱過的了…加油呀!
『咱們伵』一定會更幸福更快樂的
靖天Mama,
我係你既blog fans嚟o架, 你個blog真係好正, 見你開番同有咗, 真係唔知點解好開心!!!
其實你既心情同我之前好似, 但我已經生予細佬出嚟啦, 我大仔22個月, 細仔7號先2個月.
同你一樣又係開頭作小產, 勁嘔, 勁攰… 不過一齊都已經過去啦, 肥波細佬出世8磅6, 上兩個禮拜去健康院已經12磅! hahaa!
我大仔朗朗又係好唔開心, 好悶, 因為細佬出世, 加上換咗工人, 不過我覺得對佢更加好, 係對佢一種磨練, 人係要有困難同經歷先會成長, 太過照顧返而害咗佢. 不過我都老公一有時間同會陪佢玩既…加上有細佬妹一齊陪伴成長, 對佢嚟講更加開心.
你既不適, 好快就無事, 嚟緊既日子會過得好快! BE HAPPY!
『咱們FOUR』仲勁過『BIG FOUR』! HAHA! 加油!
恭喜你! 別想太多,好好休息吧! 祝你一切順利
好高興見你回來,我是一子之母(1歲),剛又意外懷孕(又是一次中,坐月坐得好吧@@)
,所以很明白你的感受及對大b的內疚感,不過想著她倆一起玩耍的情景,我深信老來一定不會後悔,一起加油吧,有空來探探我^^
http://jolibi.blog50.fc2.com
好開心見到你再打blog，亦好開心知道你的好消息 !!
我懷muimui時，都有食安胎藥，不過好快穩定左就唔駛食架喇，加油呀 ! 初期既不適，會好快過去，當feel到小bb既郁動，一切辛苦都值得架 !!
恭喜啊~~~不要想太多,我都經歷過呢d時間,當日後佢地兩個一齊玩時,你會覺值得的
明白你這刻的辛苦 & 無奈, 不過…不要想負面的東西了, 事實就是事實, 上天要給你考驗, 請不要怨!!! 靖天會明白…會體諒!!! 她是最棒的, 是嗎?
你的情緒會影響小BABY, 盡量想多些好的…很多人也在支持你!!!
傻瓜,未咁諗啦!雖然靖天呢排可能要少左機會外出,但10個月後有個小玩伴陪佢餘生wo xdd
你是我見過最用心的mama之一,放心!就算你有2個小孩,你都是最棒的 xddd
靖天媽媽,努力呀,我陀第二胎時都曾經像妳一樣辛苦到難以形容,情緒低落,但記得每日都對着鏡子大笑三次,個人會開心些,時間很快過,有很多blog友等待BB出來呢…..
靖靖媽,要放鬆心情啊~~
記得我有了細s果陣,辛苦到同我老公講:我好辛苦,好想死,我唔要喇…跟住爸爸就第一時間攬住我,唔比我再講落去…,當然,而家諗返起都非常極之十分內疚,點解自己會咁諗…
我好明白你而家嘅心情,但係有一樣嘢你係比我幸運,起碼你公司嘅同事唔會有d咩,我果時係,不停比人針對,比說話你聽,會計果位呀嬸又同個經理商量點樣可以唔比我放咁多假(例如檢查,覆診),總之每朝都要掙扎好耐先返到工…到生完之後返工第二日就收到大信封了…
想瞓就瞓,想食就食…總之一定要令自己舒服,開心…過多一排,情緒同身體都會好好多架喇 ^^
靖天媽媽, 加油. pray for you :)
u are a good mum ,不要覺得對唔住靖天呀,你其實比左份最好的禮物佢喇,就係兄弟姊妹喇!!好寶貴嫁!!!加油呀!!!
同感…很有同感..
不經不覺細佬佬已經四個多月大了..
大哥哥要上學去…很高興..大哥哥有時也愛錫細佬佬…但總有呷醋的時候..要留意..
時間不能夠分給兩個b..尤其是餵人奶的頭三個月..要好好的打算一下..找家人幫忙..
多想像他倆手拖手一同上學去..他們的童年有玩伴..多開心…幾辛苦都值得~~加油~
靖天Mama,
Happy to see you update the blog again.
看過你的blog，感受到你再次懷孕的‘辛苦’。當我初初陀第二個時，都有類似你的負面感受，並有點後悔為何要生多一個，特別當自己身體不適的時候。負面的情緒也可能是荷爾蒙改變的影響吧。
振作，祝福你一家。
我現在都是有了第二個小朋友在肚內, 第一個上年去世, 心情複雜. 覺得少咗時間陪伴女兒.
因為太攰了.
更擔心仔仔出世後更加無時間同時處理兩個小朋友的生活事．
很久沒有看你的BLOG, 看過你的blog，知道你再次懷孕感到很辛苦. 不要不開心啦!
我告訴你, 我作小產試過很多次, 小產都試過兩次, 我都可以捱過, 生了小仔仔出來, 你也可以的! 加油呀!
現在最緊要是休息多些呀! 保重!
見到你今日嘅blog,睇到我心有些不安,唔好諗啲咁負面嘅嘢,有老公,囡囡,家人同埋咁多”咱們仨”嘅fans喺度,你要努力振作呀,好多人支持你啊!!我會為你祈禱….
我自己也有一個快2歲的女兒. 有時在想好不好再生第2個呢?不過我亦擔心你這個情況所以都猶豫不決. 不過既然上天已賜予一個寶寶給你. 希望你可以懷著開心的心情去迎接啦.
bow, 既然好多野唔到自己CONTROL, 等佢自然發展落去, 加油, 一切順利的, 會是幸福的咱們伵
靖天媽，唔好咁諗啦! 現在嘅辛苦只係暫時性，慢慢會好啲! 我陀柔柔時都嘔到七彩，磅數不加反減，非常辛苦，去到懷孕後期(第8個月)先慢慢好轉，我就狂食野，烚蛋、鮮奶…到生時只重咗14磅，但柔柔都有6磅幾，我已經好滿足。所以妳唔好擔心，更加唔好怪責自己，靖天好懂事，佢會明白妳的，照顧靖天嘅重任就暫時交比靖天爸同婆婆吧!妳只須要休息多啲，聽音樂放鬆自已，加油呀!
加油~~~
如果你想的話 .. 五 , 六, 柒 都可以呢
無謂諗埋 d 無謂野 ..
上天送得俾你 .. 點會輕易羅番走
咪傻啦
Take care !!
Congradulationsssssss!!! You are back and bringing us your good news! Is it the best thing to be a family of four? I am so happy for Veronica that she has a playmate to grow up with soon!!
Be strong and best wishes to you. Cheers!
我陀米b果陣都試過作小產,上網睇過其實食藥幫助不大, 都係安慰作用,最重要係休息.
人地話第一胎舒服,第二胎就大鑊,原來係真.希望之後會舒服d啦,加油啦~
唔好亂諗啦,我知個種不適好難受,當時陀住彤彤我忍到8個幾月仲未舒服過,出世後而家仲係咁折騰我添,不過都係開心事呀,真的,上天送來最好的禮物!
靖天媽媽，恭喜你呀，仲有好開心你再寫咱們仨。要多休息，唔好諗咁多呀！加油！
我今胎都係作小產…
岩岩有時又係勁作嘔好辛苦
但諗到以後細b出左世
彤彤豬有多個伴…
都值得架…
所以而家你既辛苦遲d一定會覺得值得
青
靖天媽媽
不好意思問一句
你婚前的月經期準的嗎?
因為我子宮也有幾個水泡,
不知我將來能否懷孕。
你好!
經期一直都算準確的;
水泡要視乎是什麼類型, 我不是專業, 所以不能解答你, 只是我那幾個水泡, 在不知不覺間就沒了…. 醫生也解釋不到, 我也不了了之;