產科檢查: 第12周+OSCAR檢查
很像靖天唷!!!!!!!!!!!! 
這胎比上次懷靖天的, 麻煩多了…
先是約巫醫生的檢查, 都因為她的名聲, 而變得緊張起來…. 也沒有好似上胎般, 可以揀時間, 揀日期….
然後約做OSCAR….. 威院大幅度的加價 ($2050), 害得我要走回巫醫生處安排安排….
2010年7月1日起, 其實政府已經為所有孕婦進行免費的Oscar檢查, 只是一如上胎般, 我都沒有到健康院掛單, 也不打算在政府醫院生產, 有關流程, 只感到複雜又麻煩, 最怕就是遇上那天運滯, 就要等上好幾小時…..
有時肉赤這胎的Oscar檢查貴了…..
但沒有辦法….
以現在不適的情況, 似乎還是讓自己舒服一點好了…….
.
12周的檢查, 併Oscar檢查….. 一站式的, 其實是簡單得多……
這次檢查安排在中午, 爸B請不到假….
等了十數分鐘, 可以內進了!
.
巫醫生熟練的為小寶寶檢查一番…..
腦袋, 心, 肺,…. 都照到了!
數數手指…. 十隻, 齊!!
數數腳指…. 十隻, 齊!!
然後, 度頸皮….. (約)1.8mm….. 正常!!
再看看鼻骨…. 有!!
初步來說, 巫醫生表示不擔心, 似乎一齊都很正常!
兩天後, 收到驗血報告, 比率是1:10001….
比靖天的少, 但知道是低風險, 也安樂了!
睡得很”整齊”….. 已經翻了幾圈給我們看的了!
記得靖天12周時, 動作不大…. 用超聲波照她, 都是乖乖的躺著…
這一次… 巫醫生才放上儀器, 已經看到寶寶翻了幾圈….
然後趴著睡……
位置不對, 自然度不了頸皮…. 這時寶寶卻動也不動…. 就是趴著的, 不讓我們看到!
好不容易才找對了位置…. 緊緊的度了幾遍…..
忽然看到寶寶打了一個呵欠….. 又伸伸小手的, 似在跟我們揮手示意…..
那一刻, 我笑了…….
係寶寶的小手啊….. (有點軀魔人的感覺!)
這是12周以來, 第一次為這個小寶寶, 由心的笑了出來…..
一直都想: 『靖天是最可愛, 最討我歡喜的, 是無人可以取代的….』
再者, 這12周的苦, 我都差不多全怪在您的身上……
自己當然知道, 對小寶寶, 並不公平…. 但就是想找一個方法, 發洩一下…..
.
然而, 在跟您第3次的見面…..
您讓我笑了…..
那一刻, 我想起友人的一句: 『或者呢一刻你仲係覺得靖天無以取代, 但小朋友都是獨特的, 佢地總會有O的野, 天生出黎…. 可以取悅佢地既父母…..』
類似的說話, 靖天婆婆也跟我說了一次…….
我想….. 這應該是您的天性, 來取悅我們吧?……
.
寶寶, 我們都不需要您的取悅, 但願您都可以如靖天姐姐般, 健康的成長….
任由懷著您的這段時間如何辛苦… 我…. 還是懷著您……
對嗎?
.
.
(756)
無意中再上你的Blog知道你們一家的喜訊, 恭喜晒靖天媽, 靖天做姐姐了要聽媽媽話。 我也努力了一段時間還是等待著, 大家也加油^_^
感謝支持啊!
恭喜恭喜!!!!hahaa…我喱個out精arm arm 中入黎….先知靖天做姐姐….
Hi 柏豪, 你好呀….估唔到你人仔細細咁識擺Post….歡迎你…期待你來臨e個花花世界
一o的都唔遲…… ^.^
一定係…. 柏豪? 哈哈
知道b定g未呀??但我估會係b~因為姐姐似男仔,下胎多數係弟弟wor..
知左……
不過你呢個估法, 好似無乜根據啊!
終於睇到個形，我都”鄧”你開心、興奮。知道BB健康正常咁你就好好安胎，開開心心唔好再亂諗野喇。
謝謝你唷!
希望以後都這麼健康就好了!
個感覺真係好奇妙….
睇見之前bb只係一粒豆咁….
而家已經好清楚見到個頭仔手仔同腳仔…
遲o的如果錄埋dvd, 仲得意耶!
完全係媽咪獨有既歡愉，好羡慕！
唔洗羨慕, 你仲有機會 xdxddxd
靖天媽媽，好開心你能自覺到自己對新寶寶的不公平。或者我們今胎之辛苦，是自找的，因為太愛第一個寶寶，產後沒有好好的調理，自持年輕見自己看來也很壯健，就去懷第二個寶寶。其實我們要係第二個寶寶的身上好好學習，她們的世界一開始就要與人分享；縱使活在媽媽們的矛盾心情下，仍能堅強活著及用力去愛我們、支持我們…佢對你的愛，其實早已出現，可能在你心裡一直只有靖天，而沒有發現佢的好。好好愛你第二個寶寶，加油！
謝謝你的關愛, 會了!!!
有點軀魔人的感覺 ….
你駛唔駛 咁攪笑呀
好明顯呢個係…. 錯post…….
不過, 唔似咩?
我只係路過乍, 不過近排知道你有左第2胎, 真係好替你開心!
我間唔中都會去到你呢個blog睇靖天既發展, 因為我都係一個媽媽, bb都17個月大喇, 有你幫靖天既紀錄, 真係令到我有好大好大既得著
剛剛o係網上搵蒙特梭利既野, 又比我搵到你呢個blog…又比我知道靖天將會有個伴喇!
我都係媽媽, 都係好愛個女既媽媽, 睇到你個blog, 好有共鳴!
祝你呢一胎順順利利!! 有個開開心心健健康康既家庭!
謝謝祝福!!!
但願一切都能順利!
開心咪好囉,咪再亂諗啦,一家四口快快樂樂,好羨慕呀
唔洗羨慕, 你都得架麻!
又平安渡過一關, 太好啦~
謝謝!
見到你開心返就好了. 一切一定會變得更順利的…be happy and smile all the time
我會盡力的了, 謝謝!!!